Педагогтің тегі, аты, әкесінің аты

К.Корганбаева

Күні:

28.02.2025ж

Сынып: 7 «Б»

Қатысушылар саны:

Қатыспағандар саны:

Сынып сағатының тақырыбы

Алғыс айту– асыл қасиет

Сынып сағатының мақсаты

- Оқушылардың алғыс, ризашылық, жақсы тілек туралы түсініктері кеңейеді.

- Еліміздегі ұлттар мен ұлыстардың арасындағы достықты бағалауды үйренеді.

- Рухани бай, адамгершілігі мол ұрпақ тәрбиеленеді.

Құндылық

Сыйластық , сүйіспеншілік құндылықтары туралы түсініктерін кеңейту

Сабақтың кезеңі/ уақыт

Педагогтің әрекеті

Оқушының әрекеті

Ресурстар

Кіріспе

Қайырлы күн, қымбатты ұстаздар мен оқушылар!

Бұгінгі тәрбие сағатымызды ерекше етіп бастайық , суреттерге қарап әр елдің сәлемдесу түрін қайталаймыз.

Қазақстан

Жапония

Тибет

Үндістан

Түрік

Оқушылар бүгін бізде қандай күн?

Бүгін 1 - ші наурыз Ризашылық және Алғыс айту күні.

- Ризашылық күні адамдар бір - біріне жылы сөздер, жақсы тілектер айту арқылы қуаныш, шаттық сыйлайды, өз жетістіктерімен бөліседі. Бір - біріне алғыс айтады. Ендеше оқушылар тақтаға шығып баршаға алғыс білдірейік

1. Анаға алғыс айтамын– өмір сыйлағаны үшін,

2. Әкеге алғыс айтамын – қорған болғаны үшін,

3. Далаға алғыс айтамын – гүлдері мен көк шалғыны үшін,

4. Күнге алғыс айтамын – шуағы мен назары үшін,

5. Жұлдызға алғыс айтамын – қараңғы түндегі жарығы үшін,

6. Досқа алғыс айтамын – құшағы мен иығы үшін,

7. Әжеге алғыс айтамын – ыстық алақаны үшін,

8.Ұстазға алғыс айтамын білім бергені үшін

9. Суға алғыс айтамын – тіршілік көзі болғаны үшін,

10. Жерге алғыс айтамын – махаббаты мен бар болғаны үшін

Оқушылар әр елдің сәлемдесуін қайталайды.

Оқушылар баршаға алғыс айтады

Слайд

Негізгі бөлім

Алғыс айту күні - елімізде тыныштық пен үндестік, өзара сенімділік пен барлық қазақстандықтарға деген құрметтің орнығуына негіз болған Тұңғыш Президенттің бейбітшілік пен келісім саясатының салтанаты күні. Тағдыр тәлкегімен Қазақстан жеріне еріксіз қоныс аударған түрлі этностардың миллиондаған өкілдерінің құтты қонысына айналған қасиетті қазақ жері мен қонақжай қазақ халқына терең тағзымның белгісі. Қазақ халқы қиын-қыстау заманда олардың басына түскен ауыртпалықты қайыспай бірге көтере білді, бұл бүгінгі таңда еліміздегі түрлі ұлт өкілдерінің арасындағы адамгершілік қарым-қатынастың өнегелі өлшеміне айналды.

Алғыс айту күні - күрделі заманды иық тіресе бірге еңсеріп, қысқа мерзім ішінде Елбасының басшылығымен Тәуелсіз Қазақстанды құру жолында аянбай тер төккен еліміздің барлық азаматттарының бір-біріне құрмет білдіретін күн.

Бұл күн тағдыр тоғыстырған Қазақстанның көпэтносты халқының ортақ тарихын құрметтеу күні болады. «Алғыс айту күні» - қайырымдылық дәстүрлерін, әлеуметтік ынтымақты және өзара көмек көрсетуді қолдау күні. Бұл - репрессия мен жер аудару жылдарында біздің халық көрсеткен мейірімділік пен ақ көңілдік, қолда бармен бөлісу, көмек көрсету сынды рухани дәстүрлер күні.

Тұңғыш Президент Н.Ә.Назарбаев «Алғыс айту күні» туралы: «Қазақстан халқы Ассамблеясы құрылған күн - 1 наурызды жыл сайын Барлық этностардың бір-біріне және мейірбандық танытып, ол адамдарды өз туғанындай қабылдаған қазақтарға алғыс айту күні ретінде атап өту әділетті болар еді. Ол күн бізді бұрынғыдан да гөрі жақындастыра түспек. Бұл күн - мейірімділіктің, бүкіл қазақстандықтардың бір-біріне деген достығы мен махаббатының жарқын мерекесі бола алар еді», - деген болатын.

Сергіту сәті: Әртүрлі тілде алғыс білдіру

Сұрақ-жауап: Ұяшықтартағы сұрақтар

«Алғыс айтамын» тақырыбында шығармашылық жұмыстар.

«Ерке сылқым» ақ парақпен орындалатын күй

Оқушылардың орындауындағы өлең шумақтар

Ата-аналарға алғыс білдіру

Бүгінгі өтілген тәрбие сағатына алғыс білдіру

Ән: Қақақат Әбілдина- Алғыс 7 Б сынып орындауында

Оқушылар

слайдтармен жұмыс жасайды.

Оқушылар тақтаға шығып ұяшық таңдап сұрақтарға жауап береді.

Оқушылар ақ парақпен күй орындайды

Оқушылар алғыс айту күніне арналған өлең шумақтарын оқиды

Оқушылар күн нұры арқылы өтілген тәрбие сағатына алғыс білдіреді.

Оқушылар хормен ән шырқайды

Слайд

Көрнекіліктер

топпер

Ақ парақ

Видео

Стикер

Қорытынды

Құрметті оқушылар, жылы сөз, қайрымды іс, жақсы ой, кіршіксіз сезімдеріңізді ешкімнен ешқашан аямаңыздар, «Рахмет» деген қасиетті сөзді жиі айтыңыздар. Адам алғыс пен ризашылықты естіген сайын, жақсылық жасағысы келіп тұратынын естеріңде сақтаңыздар. Өмірдің әрбір сәтін бағалай білуге үйреніңіздер және Табиғат – Анаға мейірімді күні үшін, көңілді жаңбыры мен ақ қары үшін, жұмсақ ұлпа бұлты үшін, жақын адамдарға қайырымдылығы мен риясыз махаббаты үшін алғыс айтуды ұмытпаңыздар.

Оқушылар бір-біріне алғыс білдіреді

Ашық хаттар