Тәрбие сағаты: "Адам және отбасы-қоғам бөлігі"

Күні :15.10.2018 ж

Сыныбы: 2"Ә"

Мұғалімі: Мажитова А.К

Үш тілде оқытатын №21 орта мектеп -гимназиясы

Тәрбие сағаты: "Адам және отбасы-қоғам бөлігі"

Сабақтың мақсаты

Отбасы және қоғам туралы түсініктерін кеңейте отырып, алған білімдерін өмірде тиімді пайдалана білуге бағыт-бағдар көрсету.

Рәсімдеу

Әр білім алушы білу керек:

•  Отбасы түрлерін бөле алады,отбасындағы қарым –қатынас туралы біледі.

• Ата-аналар мен балалардың құқықтары туралы қосымша ақпаратпен бөлісе алады.

Музыкалық және бейне көркемдеу

Қанатты сөздер, бейнематериалдар

Сабақтың техникалық құрал-жабдықтары

Интерактивті тақта Бейнепроектор Компьютер

Үлестірмелі материалдар

Отбасы, қоғам туралы өлеңдер мен нақыл сөздер, мақал-мәтелдер және т.б.

Эпиграфтар

Отбасы-ол,Отаным бақ мекені,
Хақ тағала қияды ақ некені.
Отбасы-бір мемлекет шағын ғана,
Одан ұлы елдер де қап кетеді.

Отбасы тату бір ел тұнып тұрған,
Қамқор ата-аналар билік құрған.
Анаң мейір-шапағат нұр төгуші,
Əкең қамқор қолдаушың,алып тұлғаң.

Тақырыптық көрмелер мен ақпараттық стендтер

«Адам және отбасы-қоғам бөлігі».

«Отбасы»

Бейнекөрсетілім

Дайындыққа арналған әдебиет

http://bilimsite.kz/bastaush/2079-kogam-otbasy-otbasy-musheleri.html

«Қоғам және отбасы» кітабы авт: С.Мауленов, Ж.Айымбетов

Сабақтың басы ширату

«Джигисо» әдісі

( дайындыққа 5 минут, әр топқа жауап беруге 1-2 минут уақыт беріледі)

1 топ. Қоғам және отбасы (отбасы тобына)

2 топ. Отбасындағы балалардың құқықтары мен міндеттері (балалар тобына)

3 топ. Отбасындағы ата-аналардың құқықтары мен міндеттері (ата-аналар тобына)

Дискриптор:-Тақырыпты нақты, түсінікті жеткізуі-уақытты тиімді қолдануы-жаңа термин сөздерді қолдануы

Сабақтың ортасы

Қоғам-дегеніміз адамдардың табиғатпен және өзара байланыста бола отырып белгілі бір мақсатпен бірлесу формасы.

Ең шағын қоғам-Отбасы. Отбасы адамдардың бірлесіп өмір сүруі мен әрекет етуінің ең жиі кездесетін формасы.

Қазақстан қоғамы - ол біздің мемлекетіміз.

Бүкіл планетаға қатысты алып қарағанда бұл-адамзат қоғамы деп атаймыз.

Отбасы –қоғамының негізгі бөлшегі.

О тбасы — адам баласының өсіп-өнер алтын ұясы. Бала өмірінің алғашқы күнінен бастап ата-анасының шексіз махаббатына бөленіп, жағымды іс-әрекеттеріне қанығып өсуі қажет емес пе? Алайда қазіргі нарықтық қоғамда көптеген ата-аналар тіршілік қамымен жұмыс басты болып кеткендіктен бала тәрбиесі екінші орында қалып қойды. Ал үйде қалған жәудіркөздерді көгілдір экрандағы шетелдік телехикаялар мен ғаламторың түпсіз тұңғиыққа толы көріністері тәрбиелеуде.Сондықтан да отбасы құндылығы әлсіреп, періштедей пәк сәбилер адам аузы бармайтын сұмдықтардың құрбанына айналып жатса, енді біреулері соның жанды кейіпкері болып отыр. Жоғарыда айтқанымыздай, Отан - отбасынан басталатынын ескерсек, осындай келеңсіз жайттардың алдын алуға тиісті екеніміз айтпаса да белгілі сияқты. Әрине, көпке топырақ шашудан аулақпыз...Көпке үлгі боларлық, немере-шөбере сүйген, «Күміс», «Алтын», тіпті «Бриллиант тойларын» жасап, үлкен бәйтеректей жайқалып, тереңге тамыр жайған үлгілі отбасыларымыз жетерлік. Қалай десек те, қоғамның дамуына бірден бір себепкер ол, әрине отбасы. Отбасының басты қызметі баланы тәрбиелеу. Отбасы тәрбиесі - бұл жалпы тәрбиенің ең басты бөлігі. Ата-ана және отбасы мүшелері жас нәресте дүниеге келген күннен бастап, оның өміріне қамқорлық жасап, болашағын жоспарлайды және саналы азамат болып өсуі үшін қажет жағдай жасайды.

Ізгіліктің бастауыда бақ басы, Болатуғын шаттық дәурен қақпасы. Ұялаған мол мейірім, ынтымақ, Жұмақ төрдің сая бағы -отбасы. Отбасы - сыйластық, жарастық орнаған, адам үшін ең жақын әлеуметтік орта. Ол белгілі дәстүрлердің, жағымды өнегелердің мұралар мен салт-дәстүрлердің сақтаушысы. Отбасында бала алғаш рет өмірмен, қоршаған ортамен танысып, мінез-құлық нормаларын игереді. Отбасы, әлеуметтік институт болғандықтан, сөзсіз, қоғамның ықпалында болады. Отбасының өзгеруінің заңдылығы жалпы қоғамда болып жатқан өзгерістермен бағыттас.

Сабақтың соңы

Қорытынды.

Сұрақ-жауап әдісі:

1. Отбасы деген не?
2. Отбасы мүшелеріне кімдер кіреді?
3. Отбасы - бұл қоғамның негізі. Баланың болашақта жақсы азамат болып өсуі, жан - жақты тәрбиелі болуы отбасына берілген ұлттық тәрбиеге тікелей байланысты.