Тәрбие сағаты. Алтын күз. Ортаңғы топ

Жүргізуші:Армысыздар, ұстаздар, қонақтар! «Алтын күз» мерекесіне қош келіпсіз!

Кездескен соң күзімен,

Бұтағынан үзілген

Ақ жапырақ – сары алтын,

Айналайын бәрі алтын, - демекші ,- балалар сендер күз мезгілін ұнатасыңдар ма?

• Иә.

Келістірген бар сәнін,

Берген өзі табиғат.

Алтын күзді ал кәне,

Қарсы алайық жамағат.

Күз:Сәлем өрен достарым,

Өмірге көп қосқаным.

Қымбатты сый алыңдар,

Қызығыма қаныңдар.

Молайтыңдар шаттықты,

Ән айтыңдар бақытты.

Жүргізуші:Келіңіз, төрлетіңіз,Алтын күз!

Ән: «Алтын күз»

Балалардың өзіңізге арнаған өлең жырларын қабыл алыңыз.

Қарақат:Қазан болды молшылық

Дәулет қорын қалады.

Заңғар көкке жол сызып,

Құстар қайтып барады.

Бұл құбылыс күзде ғана болады.

Аймира:Ерекше күз енді,

Айнала сары ала.

Комбайн жүзеді,

Толқыған далада.

Айдын:Қуандырып біздерді

Мерекелі күз келді.

Кел жемісті алтын күз,

Кемелденсін халқымыз.

Альбина:Құстар қайтып күз болып,

Сұр бұлт жапты аспанды.

Жапырақ түсіп гүл солып,

Күз ызғары басталды.

Диана:Көк майса көрікті

Алқаптағы көп егін

Бұл күндері киіпті

Сары жібек көйлегін

Бекасыл:Берекесін сыйлауға

Өлкемізге күз келді.

Жемістерін жинауға

Шақырады біздерді

Би:Аралар биі

Айжұлдыз:Қыстың жақын қалғанын,

Жапырақтар білгендей

Желмен ұшып барады.

Жерге қонып үлгермей.

Ернұр:Ой,алақай, тамаша

Шашу шашты жапырақ

Бақтың іші алаша

Аунар ма еді жатып ап.

Асқармауыт:Аспанды сұрғылт бұлт

Жан-жақтан жабады.

Күн бірде суытып,

Жауын көп жауады.

Алуа:Еңбек қызып қырларда

Бидай толды қырманға

Алтын таулар секілді,

Сап-сары боп тұрғанда.

Біреу астық түсіріп,

Біреу бидай ұшырып.

Жатқан мезгіл күз екен,

Алдым соны түсініп.

Айбар:Күзім-ау, күзім-ау

Мінезің қызық-ау

Жаңбырың сіркіреп

Келгенің қызық-ау.

Күз: Жарайсыңдар балалар!Тағы да қандай өнерлерің бар.

Би: «Қолшатыр» қыздар

Ойын: Кім жылдам?

Жүргізуші: Пісіп толған кездерін

Тапқыр сөзбен сымбатты ,

Біраз қонақ өздерін

Таныстырсын тақпақтап.

Қауын: Гүлназ

Дастарханнан табылдық.

Мына бізден жасалар

Қауынқақ пен қауынқұрт

Шие: Гулбағым:

Мен шиемін, шиемін

Күннің көзін сүйемін

Бала келсе жаныма

Басымды мен иемін

Пияз:Ғұбайдулла:

Асханадан шықпаймын,

Атым пияз бұқпаймын,

Көзден жасты шығарып,

Тұмаудан мен сақтаймын.

Өрік:Еңлік:

Доп-домалақ сары ,

Ішінде бар дәмі

Қызығасың көріп,

Оның аты өрік.

Қызанақ:Альфия

Тал шыбықтай бұралып

Бақшаларда қызарып

Тұрған ол мен қызанақ

Күнге қарап ұялып

Құлпынай:Үміт:

Қызыл түсім қант алар

Қызыл түсім қанға нәр

Зияным жоқ біліп қой

Құлпынаймын пайдам көп

Картоп:Бердібек:

Картоп біздің атымыз

Жер астында жатырмыз

Бір тамырда тараған

Ағайынбыз бәріміз

Сәбіз: Нұрсұлтан

Өсіретін бойыңды

Дамытатын ойыңды

Қоянғада азықпыз

Сәбіздерміз жазықсыз

Ән:Күз тамаша

Күз : Мен туралы жаттаған әсем тақпақтарыңды , айтқан әндеріңді көріп, билеріңді тамашалап көңілімді көтердім.Рахмет сендерге келесі кездескенше.

Би :Күзгі вальс

Сонымен бүгінгі мерекеміз берекелі болсын!Келесі күзге аман-есен жетейік! Қош сау болыңыз!