Тәрбие сағаты. Біз - тәуелсіз елдің болашағымыз.4-сынып

Сабақтың тақырыбы: «Біз тәуелсіз елдің болашағымыз»

Сабақтың эпиграфы:Өзіңдікі –Елің де,

Өзіңдікі-жерің де,

Өзіңді өзің еткен бақ-

Тәуелсіздік төрінде!

Сабақтың мақсаты:1.Оқушыларды Отанын сүюге баулу,патриоттық тәрбие беру.

2.Өлеңді мәнерлеп оқуға баулу,танымдық қабілеттерін дамыту.

3.Еліміздің рәміздерін қастерлеуге,отанымыздың байлығын қорғауға ,елімізді өркендетуге білімді ұрпақ болуға тәрбиелеу.

Тәрбие сағатының көрнекілігі:Қазақ елі суреттер,Қазақстан Республикасының рәміздері:Туы,Елтаңбасы,Әнұраны.Н.Ә Назарбаевтың суреті.

Мұғалім сөзі:Міне оқушылар біздер елімізбен мақтанамыз.Бұл еркіндік оңайлықпен келген жоқ.Қазақ елі еркіндікке жету үшін қаншама қиын-қыстау кезеңдерді бастан кешірді.Мыңдаған жылдық таарихы бар.Қазақстан тәуелсіздік алды.

Ал,1986 жылғы оқиға халықтың есінде мәңгі сақталады.

1-оқушы 16 желтоқсанда қазақ жастары Орталық алаңға шығып ,Қазақстан тәуелсіздігін талап етті.

2-оқушы Осының нәтижесінде 1991 жылы 16 желтоқсанда Қазақстан Республикасы Тәуелсіздігі туралы заң қабылданды.

1-оқушы Атыңнан айналайын егемен ел,

Тәуелсіз күнің туды кенеле бер.

Мерейің құтты болсын Қазақстан!

Ғасырлар тойы болшы келе берер!

2-оқушы Мерекең құтты болсын егемен ел,

Терезең барлық елмен тең ерен ел,

Бабалар мәңгі бақи арман еткен,

Теңдікті,бостандықты иеленгендер.

3-оқушы Бостандық болсын еректі ел,

Айдын көл,көк майсалы көрікті жер

Бостандықты аңсаған батырлардың

Әруағына бас ұрып , тәу еткен жер.

Ән: «Түркістан»

4-оқушы Егемен елімнің ертеңі деп.

Елбасы баға берді жастарыма

Оқу оқы,білім ал,елің үшін

Еңбек ет тыным таппай ,жан аяма.

5-оқушы Халқымның мақтанышы –алып тұлға.

Әлемнің назары ауды Ақ Ордаға

Бәйтерек көкке қолын созып тұрған,

Ұқсайды менің асқақ арманыма.

6-оқушы Ел болдық егеменді,теңдік алып,

Бар әлем қазақ елін болды танып

Қойнауы кенге толы Қазақ елі,

Жыл сайын келеді өсіп қанат жайып.

Қазақстан Республикасының призиденті «Н.Ә.Назарбаев»

7-оқушы Ел болдық ерік алдық астаналы

Елді кімнен қазағым жасқанады?

Тәуелсіз мемлекеттің шежіресі,

Нұрсұлтанның атымен басталады.

8-оқушы Жаралдық молшылықтан толы ағыстан

Жолың бар жақсылықты қалап ұшқан

Ғасырдың биігіне шықтың ту боп,

Көркейген елім менің –Қазақстан!

Хор

9-оқушы Көз қуанып күн сайын көркеміне

Көңіліміз сенеді ертеңіне

Қазақстан-алып ел,төрі Астана,

Таңым ғана лайық ел төріне.

10-оқушы Кең далалы ,кең пейілді қазақпыз,

Құл емеспіз,еркін жанбыз азатпыз

Ел намысын ешбір жанға бермейміз,

Өмірді алға бастырамыз өрлейміз.

11-оқушы Отаным-Қазақстан туған жерім,

Мұнай мен газ болады асыл кенім

Көркейтіп бір өзіңді келе жатқан,

Артамыз елбасына үлкен сенім.

12-оқушы Ұлттық өрнек мұрамыз

Адастырмас мұраттай

Нық көтеріп тұрамыз

Жалауды біз құлатпай.

Көркемай:Бүгін әрбір мемлекеттің ғасырлық тарихына байланысты рәміздері бар.

Мемлекеттің рәміздер-Ту,Елтаңба,Әнұран.Бұл халықтың бірлігінің белгілері.Қазақстан Республикасының да өз рәміздері бар.

13-оқушы Бұлт баспасын күнімді

Тарылмасын өрісім.

Биік ұстау Туымды-

Қасиетті борышым.

Бексұлтан:Қазақстан Республикасының мемлекеттік Туы ортасында шұғылалы күн,оның астында қалықтап ұшқан қыран бейнеленген тік бұрышты көгілдір түсті мата.Бұл түс-ашық аспанның,тыныштықтың белгісін көрсетеді.Тудың ортаасындағы алтын күн-баршаға ортақ,бәріне нұрын шашып ,сәулесін төгеді.

14-оқушы Желбірейді шалықтап

Қазақстан жалауы

Көкке қыран қалықтап,

Қанат қағып барады.

15-оқушы Мен қазақпын,ұланымын қазақтың

Тәуелсізбін,егеменмін азатпын

Көк байрағым тұр көгімде желбіреп

Алатаудай көкке өрлеген азатпын.

16-оқушы Бабам тұлпар жаратты

Құлынын да танып ақ

Тұлпар бар да қанатты

Шайқалмасын шаңырақ.

17-оқушы Тәуелсіздік көркі ол да ,

Өркениет өрінде

Нұр төгеді Елтаңба

Ақ Орданың төрінде.

Көркемай Елтаңба туралы айтады.

18-оқушы Бас білгізіп жер тарпыған тарпаңға

Жасы тұрмақ ,шығады екен қарты аңға

Қалай оның елтаңбасы болмайды

Түлегіне дейін салса ен таңба.

19-оқушы Енді бүгін өлген туым тірілді,

Әнұраным жалғап алды ғұмырды

Босағада қалып келген Елтаңбам

Баяғыша төріме кеп ілінді.

20-оқушы Батырлыққа уызынан жарыған

Ер түркіні байрағынан таныған

Өзі ақын ,өзі әнші халықта

Кім айта алар

Болмаған ,-деп –Әнұран?!

Арман Әнұран туралы айтады.

Хор. «Әнұран»

21-оқушы Бақтың құсы әр адамға қонып бір

О,тәңірім,бізді баққа жолықтыр...

Бүгін міне,Тәуелсіздік ағайын,

Әр қазақтың жүрегі боп соғып тұр!

22-оқушы Көк аспанда нұрлы күн

Күлімдейді далама

Бақыт тілеп тұр бүгін

Ол бар пәк балаға.

«Сөзжұмбақ» шешу

23-оқушы Көк жүзінде қалықтаған қыранмын

Бейбітшілік пен бостандық жыр әнім

Самғап жүрсек бостандықта, биікте

Шарықтайды кең көлемде бұл әнім.

Ойын: «Мақал-мәтел» жалғасын тап.

Хор: «Атамекен»