тәрбие сағаты "Елін сүйген - Елбасы"

Тақырыбы: «Елін сүйген – елі сүйген Елбасы» (тәрбие сағаты)

Мақсаты: Елбасымыздың туып - өскен жері, өмір жолы, қызмет еткен кезеңі туралы мағлұмат беру. Рәміздермен таныстыру, президентіміздің ұстанымымен, өмір жолын үлгі етіп, балаларды Отанын, халқын, жерін сүюге, батылдыққа, азаматтыққа, патриоттыққа тәрбиелеу.
Кіріспе. «Елбасына»
Ауыр күнді артымызға тастауы –
Қиын сәтте қиындықтан қашпауы.
Тілім, дінім, ұлтым қайта көгерген,
Елбасымыз Нұрағаңның бастауы
Туды ұстап тура жолға түсіріп,
Жас Отанның өмірін де түсініп,
«Елім, жерім» деп ұрандап тайсалмай,
Бір керемет жасады-ау кісілік!
Елбасымыз саған мәңгі разымыз,
Үлкен-кіші, ағайындар – бәріміз.
«Ұлтым, елім» деп қайғырған ұлы жан,
Сіз біздердің піріміз де, әніміз.

Біздің тұңғыш Президентіміз –Нұрсұлтан Әбішұлы Назарбаев .
Мемлекет басқару ісі – мәртебелі міндет.
Басшы басқарған ел – ең бай мемлекет, халқы -ең бақытты халық.
Олай болса, бүгінгі тәрбие сағатымызды әділеттің ақ жолын ту етіп елінің егемендігін, ынтымақты, тұтастық, бірлікті ойлаған, ұрпақтың саналығына мән берген, ар мен намысты биік ұстаған, әлемдік деңгейдегі ірі қоғам қайраткері, тәуелсіз Қазақстан Республикасының тұңғыш Президенті Н.Ә.Назарбаевтың құрметіне арнағалы отырмыз!

1 желтоқсан – Президент күніне арналған «Елін сүйген – елі сүйген Елбасы» атты тәрбие сағатын ашық деп жариялаймыз!

Қараңдаршы бүгін күн қандай тамаша.Қонаққа келген апайлармен амандасайық.

Шаттық шеңбері

Арайлап таң атты

Алтын сәуле таратты

Жарқырайды күніміз

Жайнап шықты гүліміз

Қайырлы таң, қайырлы күн

Сәлеметсіздерме балалар

Сәлеметсиздерме апайлар

-Жарайсыңдар балалар.Енді орнымызға әдемі болып отырайық.

-Қазір жылдың қай мезгілі?

-Қыс мезгілінде қандай мерекелер бар? (Жаңа жыл)

-Дұрыс айтасыңдар, сонымен қатар 1 – желтоқсан Тұңғыш Президент күні, 16 – желтоқсан Тәуелсіздік күні.

-Біз қай ұлттың балаларымыз?

-Біз қай Республикада тұрамыз?

-Қазақстан Республикасының астанасы қай қала?

-Н.Ә.Назарбаев 1940 жылы 6 шілдеде Алматы облысы, Қаскелең ауданы, Шамалған ауылында дүниеге келген. Мектепті жақсы оқып, жақсы білім алды.Ата-анасын қатты құрмет тұтты.

Жасынан зерек, алғыр азамат өскенде металлург мамандығын алып жұмыс жасаған. Ол халық қалауымен 1991 жылы1 желтоқсанда Қазақстан Республикасының Президенті болып сайланды. 

Н.Ә.Назарбаев 1940 жылы 6 шілдеде Алматы облысы, Қаскелең ауданы, Шамалған ауылында дүниеге келген. Атасының есімі-Назарбай, әкесінің есімі-Әбіш, Нұрсұлтан деген есімді әжесі Мырзабала беріпті.