Тәрбие сағаты "Елін Сүйген Президент" Ересек тобы

Тақырыбы: « Елін сүйген – Президент! »

Мақсаты: Қазақстан Республикасының президенті жөнінде түсінік беріп , еліміздің - бас қаласы Нұр-Сұлтан жайлы әңгімелесу. Мемлекеттік рәміздер тұралы білімдерін дамыту. Өсіп келе жатқан ұрпақтың бойына патриоттық сезім, Өз Отанын сүйе білуге тәрбиелеу, рухани отансүйгіштік сезімді бойына сіңіру.

Көрнекілігі: Қазақстан рәміздердің суреті, шарлар, бәйтерек .

Өткізілетін орын: Топта.

Өтілу барысы: топ ішін безендіру, музыка ойнап тұрады.

Тәрбиеші: Балалар,бүгін бізде ерекше күн, біз бүгін барлық өнерлерімізді біздің Президентке арнаймыз, өйткені ол біздің тұңғыш Президентіміз. 1991 жылы 1-желтоқсанда - Қазақстан Республикасының тұнғыш Президентінің күні деп жарияланды.

Тәрбиеші: Еліміздің барлық саяси,салтанатты шаралар Қазақстанның Әнұран орындалуымен басталады,біз де қазір әнұранды орындайық.

Әнұран орындалады.

Сұрақ-жауап:

Тәрбиеші: Біздің елбасымыз, бірінші Президентіміз кім?

Балалар: Нұрсұлтан Әбішұлы Назарбаев.

Тәрбиеші:Ал қазыргі Президентіміз балалар Токаев Қасым -Жомарт Кемелұлы.

Н.Ә.Назарбаевтың өмірбаяны,еңбек жолымен таныстыру. (слайд арқылы)

Тәрбиеші: Балалар біз аспаны ашық, сәулелі кең байтақ елде тұрамыз. Ол елдің

аты қалай аталады?

Балалар: Қазақстан Республикасы.

Тақпақ: Анамыздай тілеуі ақ,

Отан бізде біреу-ақ,

Ол біздің Қазақстан. ( Батырхан )

Отан-жерім,Отан-суым,

Отан қуат нәр береді.

Отан-ұран,Отан-туым,

Отан мәңгі гүлденеді. ( Нұрислам )

Тәрбиеші: Әр елдің өзінің Мемлекеттік рәміздері болады,ал біздің еліміздің

Мемлекеттік рәміздеріне нелер жатады?

Балалар: Ту,Елтаңба,Әнұран.

Тақпақ: Айнымайды аспаннан,

Біздің тудың бояуы,

Оны халық қашанда,

Биікке іліп қояды. ( Сезім )

Елтаңбасы елімнің,

Неткен айбат,әдемі,

Тұнығындай көңілдің

Ортада аспан әлемі. ( Томирис )

Тәрбиеші: Біз қай тілде сөйлейміз?

Балалар: Қазақ тілінде.

Тақпақ: Ана тілім - ұранным,

Ана тілім - құралым.

Ана тілім болмаса,

Болмас еді жыр, әнім. ( Арсен )

Мақал-мәтел: Туған жердей жер болмас,

Туған елдей ел болмас. ( Барлығы )

Тәрбиеші: Еліміздің астанасы қай қала?

Балалар: Нұр- Сұлтан.

Тәрбиеші: Болашаққа бастаған,

Шарықтайды асқақ ән.

Елордасы Отанның,

Мақтанышы –Нұр-Сұлтан! ( слайд арқылы таныстыру.)

Тақпақ: Отан деген – атамекен,

Отан деген – туған ел.

Отан – ана,

Отан – үлкен туған ел. ( Сабина )

Балалардың өнері: Ән «Тұлпарым »

Қортындылай келе «Көк тудың желбірегені» әніне,Би: « Жалауша ».

Түсінді: елбасымыз туралы ,еліміздің рәміздерін құрметтеу керек екендігін

Білді: еліміздің рәміздерін

Үйренуі керек: әңгімелеп айтуды