Тәрбие сағаты. Мектепалды даярлық тобы. «Аяулы Анашым»

«Өлмес ана» балабақшасы

Тақырыбы: «Аяулы Анашым»

Тәрбиешілері: Датхаева Ж

Налибаева Н

Тақырыбы: «Аяулы Анашым»

Мақсаты: -мерекелік көңіл-күйін құру;
-ән және қозғалыс орындаушылық дағдыларын қалыптастыру;
-балалардың назарын жалпы әрекетте қатысу тілегін қалыптастыруға эмоциялық қабылдауын ынталандыру;
-өзінің жақын адамдарын қуанта білуге, мейірімділікке тәрбиелеу.

Кейіпкерлер: Жүргізуші, Көктем Аруы.

Ертеңгілік өткізуге қажетті құрал-жабдықтар: Безендірілген әсем зал, гүлдер, құмыра, сыйлықтар, әсем әндер жазылған үнтаспа, т.б

Ертеңгіліктің барысы:
Балалар залға қол ұстасып, жұптасып әдемі әуенде вальс ырғағында айналып, билеп өтеді. ( «Тәттім-ау» әуенімен)
Тәрбиеші: - Құрметті аналар, әжелер сіздерді әйел жанымен байланысты тамаша көктем мерекесі – 8 Наурызбен шын жүректен құттықтаймыз! Алғашқы көктем мерекесі Жер бетіне өмір сыйлаушы нәзік, ақылды, сымбатты, мейірімді жандарға арналғаны қандай тамаша мереке! Әлемдегі ең асыл жан ол – Ана десек, жүрегімізде сүйікті жанға деген махаббат сезімі оянады. Ана бұл аяулы да мейірімді жан. Баланың тілі шыққаннан – ақ бірінші сөзін «Ана» деп айтады. Өмірдің есігін ашқаннан соң осы өмірдегі өзіңнің жан анаңды көресің. Осы бір «АНА» деген үш әріптің аясында адамзат баласын қуаныш сыйлар қаншалықты қасиет бар десеңші! Ару - ана, Ару - асыл жар, Ару – көңілдің гүлі, Ару - өмірдің жыры, тіпті айта берсең сөз жетпейді. Олай болса, бүгінгі аналарға, әжелерімізге арналған «Балауса» тобының бүлдіршіндерінің «Аяулы Анашым!» ертеңгілігіне қош келдіңіздер!

Барлық балалар хормен: Құттықтаймыз анашым, 8 - ші Наурызбен!
Тәрбиеші:
Той пердесін ашайық,
Тойға шашу шашайық.
Аналарды құрметтеп,
Ән маржанын шашайық.

Хор: Анашым,анажаным

Тәрбиеші: - «Ананың әрбір сөзі жылылыққа толы. Ананың көз нұры тастай мұзы да жібітеді»- демекші, балаларымыздың аналарына арнаған тақпақтарын қабыл алыңыздар!

Нұртілек

Анам мені айым дейді

Мен мұңайсам уайым жейді

Анам мені күнім дейді

Мен қуансам күлімдейді

Мансұр

Бөбегіңнің сыйлығын

Қабыл алшы анашым

Ұзақ өмір жүр жасап

Ауырмашы анашым

Бақдәулет
Әр сөзімді жаттаған

Жүрегінде сақтаған

Анашым деп мақтанам

Айналайын ақ мамам

Ерке
Анамды мен жақсы көрем

Айтқан тілін алып жүрем

Қасымда анам жүргенде

Шаттанып ойнап күлем

Ұлданай

Жүре берші қасымда

Айбат анам ай анам

Ботам деген даусыңнан

Мен мәз болып оянам

Төреғали

Ақ анашым аппағым

Өзің жайлы тақпағым

Өзің жайлы әнімде

Арнадым саған бәрінде

Тәрбиеші:
Аналар ақ тілекті, сөз көп дейін,
Жылытар жүрегіңді көз көп дейін
Аналар ақ жаулықты бұл сіздерге
Қол соғып қарсы алайық «Жалқаубек биін»
Би: «Жалқаубек»

Тәрбиеші: -Балалар қазір қандай жыл мезгілі? -Дұрыс айтасыңдар, қанекей қошеметпен Көктем ханшайымын қарсы алайық! (әсем әуенмен залға «Көктем –Ханшайым» кіреді)

-Көктем-Ханшайым: (кіріп билейді)

-Сәлеметсіңдер ме, балалар, мені таныдыңдар ма? Мен, «Көктем-Ханшайыммын»
Балалар сендер өнерлеріңмен, білімдеріңді, үлгілі тәртіптеріңді көрсетіңдер.Ол үшін менің мына ыдысымда көптеген сәнді үлкен гүлдер бар, онда әртүрлі тапсырмалар берілген. Сол тапсырмаларды ашып орындасақ қайтеді. Тапсырмаларды түгелдей орындасаңдар мереке соңында әкелген сыйлығымды үлестіремін. ( бір балаға ыдыстығы гүлдерді аштырады, тапсырманы барлық бала орындайды)
Тәрбиеші: -Расында да, бізге «Көктем-Ханшайым» қонаққа келіпті. Қараңдаршы, гүлдері неткен ғажап! Қане өнерімізді көрсетейік, тапсырмаларды орындайық.
1- гүлдегі тапсырма:
Ойын: «Қағаз киім» ( аналар ұлдарымен)
Ойын жарыс түрінде өтеді. Ұлдарымыздың аналары ортаға шығып сайысқа түседі.

2- гүлдегі тапсырма :
Би: «Шабандоздар»

Тәрбиеші:- Бүгінгі мереке күні әжелерімізді де мерекелерімен құттықтаймыз. «Қариясы бар үйдің қазынасы бар» - деп бекер айтылмаған. Келесі әніміз сіздерге арналады құрметті әжелер.
3- гүлдегі тапсырма:

Әже туралы тақпақтар
Әлихан

Әжеміздің мейірлі

Жүзіне біз қараймыз

Анамыздың пейілді

Жомарт жанға балаймыз

Сәкен

Әжем менің әйбат

Ешкім оған жетпейді

Күні бойы бірге ойнап

Жанымнан бір кетпейді

Мирас

Менің әжем мейірбан

Мені жақсы көреді

Қажетіне жарасам

Жас балаша күледі

Тәрбиеші: -«Көктем-Ханшайым» , енді сіз біздің балаларымыздың аналарына дайындап келген тақпақтарын тыңдаңызшы.