Тәрбие сағаты "Менің отаным - Менің мақтанышым"2-сынып

Әбу Досмұхамбетов атындағы облыстық дарынды балаларға мамандандырылған гимназия-интернаты

«Менің Отаным – менің мақтанышым!»

(Тәуелсіздіктің 25 жылдығына арналады)

1-сынып

Нагуманова.С.К.

Петропавл қаласы

Сабақтың тақырыбы:

«Менің Отаным – менің мақтанышым»

Сабақтың мақсаты:
Еліміздің тәуелсіздігіне 25 жыл толуына орай, жас ұрпақты Отанын сүюге, еліміздің рәміздерін қастерлеуге, бай - қуатты ел екендігін мақтан етуге үйретіп, туған еліне, жеріне деген сүйіспеншілігін арттыру;
Отанын, туған жерін қорғай білуге, ұлтжандылыққа, патриоттық сезімге тәрбиелеу;
Ойларын жүйелі түрде жеткізе білу, шығармашылықпен жұмыс жасап, мәнерлеп өлең оқып, мағынасын түсіне білу дағдыларын дамыту.
Көрнекілігі: Елбасы суреті, Қазақстан Республикасының картасы, рәміздер, авторларының суреттері, қанатты сөздер, гүлдер.
Әдісі: сұрақ - жауап, әңгімелеу, түсіндірмелі, көрнекілік
Формасы: тәрбие сағаты
Сабақтың әдіс - тәсілі:топпен жұмыс, шаттық шеңбері,
Сабақтың көрнекілігі: слайд, бейнежазба, суреттер

Сабақтың барысы: І. Қызығушылығын ояту

(Шаттық шеңбері арқылы оқушылар Қазақстан, Отан, туған жер туралы бір-бір сөйлем айтады.)

Мұғалім:

Біз бүгін «Менің Отаным – Менің мақтанышым» тақырыбында тәрбие сағатын өткелі отырмыз.

Қазастан Республикасының Гимні орындалады.

ІІ. Мағынаны ашу

- Балалар, біздің Отанымыз қалай аталады екен?
- Қазақстан

Қазақстан жері қандай?
- Қазақстан жері үлкен, әдемі, әрі бай.
- Дұрыс айтасыңдар, балалар, біздің еліміз - жерінің кеңдігімен қатар, табиғи байлығы да мол мемлекет. Өріс толы малы, тайдай тулаған балығы, теңіздей толқыған егіні, дала толы аң - құсы, таусылмас кен байлығы да жеткілікті, мол.
- Осы айтылған ойларымыздың дұрыстығына көз жеткізу үшін қазір мынадай өлең шумақтарын тыңдап көрсек.

Мұғалім:

Отан дейміз кең - байтақ астананы,
Жасыл жайлау, жаңа жол, жас қаланы.
Отанның шеті де жоқ, шегі де жоқ
Ол бірақ өз үйіңнен басталады.

Сөзжұмбақ:

1. Қазақстандағы мемлекеттік тіл қандай тіл?

2. Қазақстанның бас қаласы қай қала?

3. Қазақстанның негізгі тұрғындары кім?

4. Аламсы көп қаланы аты

5. Оқушының міндеті не?

6. Петропавл Қазақстанның қай бөлігінде орналасқан?

7. Не отбасынан басталады?

8. Бізге өмір сыйлаған кім?

9. Ас атасы не?

Кластер: «Қазақстан» сөзіне кластер құру.

-Біздің елімізді кім басқарады?

-Нұрсұлтан Әбішұлы Назарбаев 1940 жылы 6 шілдеде дүниеге келген. Әкесі нің аты - Әбіш , анасының аты -Әлжан болған. 61 жасында еліміздің алғашқы президенті болып сайланды. Ол 1991 жылдың 1-желтоқсаны болатын. Міне 25 жыл бойы елімізді басқарып келе жатыр. Дариға Динара, Әлия - деген үш қызы бар.

-Тәуелсіз ел болғаннан кейін әр елдің өз рәміздері де болады. Біздің рәміздерімізді кім атап береді?

Мұғалім:

-Ел ордам менің – Астанам,
Астанам менің бас қалам.
Зәулім-зәулім үйлер көп
Өркендеген – Астанам.

-Біздің туған өлкеміз - кең байтақ Қазақстан. Елордамыз – Астана. Еліміздің асқар таулары мен айдын көлдерi, жайқалған орманы мен жасыл жайлауы біздің ақ бесiгiміз. Сондықтан да біз оны  ардақтаймыз. Шексiз сүйемiз. Әрқашан аялап,қорғап жүремiз.

«Тәуелсіз Қазақстан» туралы видео.

ІІІ. Ой толғау

Топпен жұмыс.

1-топ: Пазл жинайды

2-топ: Сурет бояйды.

3-топ: Сурет салады

4-топ: Ермексазбен жұмыс жасайды.

Мұғалім:

Қазақстан, сен заңғар биіксің, кеңсің. Біздің жанымыз өзіңе деген мақтанышқа бөленген. Біз сенің атыңды жер бетіне жар салар перзентіңбіз, тәуелсіздікті мықтап қолға ұстайтын балаңбыз!
Мұғалім:
Біз - тәуелсіз қазақ елінің ең жас жеткіншектеріміз. Сондықтан өз жерімізді, өз елімізді, әкелеріміз бен аталарымыз сияқты қадірлеуге, сүюге, қорғауға тиісті екенімізді естен шығармайық дегім келеді.
Ұстаздар, ата - аналар, оқушылар сіздерге көп - көп рахмет. Сау болыңыздар!