Тәрбие сағаты: Менің Отаным – Қазақстан.

Алматы қаласы, Алмалы ауданы, №15 гимназия КММ

Бастауыш сынып мұғалімі Бельдибаева Гульнази Жақсылыққызы

Сынып сағатының тақырыбы: Менің Отаным – Қазақстан.

Мақсаты: Отан, туған жер туралы білім- біліктерін жетілдіруге,патриоттық сезімдерін оятуға,Отанға, туған жерге деген сүйіспеншіліктерін арттыруға ықпал ету.

Сахна өнеріне баулу.

Көрнекілігі: «Менің Отаным- Қазақстан» слайд

Өтілетін орны: Акт залы

Өтілу барысы

Кіріспе бөлім

Жүргізуші:

- Құрметті ұстаздар, оқушылар және ата- аналар, «Менің Отаным- Қазақстан» атты сынып сағатына қош келдіңіздер!

1-оқушы:

Оттай жанып жанарым

Одан қуат аламын.

Әнұран – ол тынысы,

Кең жазира даламның.(Әнұран айтылады)

2-оқушы:

- Балалар,Отан дегенді қалай түсінесіңдер? Кім айтады?

3-оқушы:

Отан дейміз кең байтақ астананы,

Жасыл жайлау, жаңа жол, жас қаланы.

Отанның шеті де жоқ, шегі де жоқ,

Ол бірақ өз үйіңнен басталады.

4-оқушы:

- Отан- сенің, ата-анаң,

Отан- досың, бауырың.

Отан- өлкең, астанаң,

Отан- аудан, ауылың. Әке туралы әнорындалады.

5 -оқушы:

Отан- тарих, Отан- тіл,

Жасаған елің, ер халқың.

Отан- өлең, Отан- жыр,

Көтерген көкке ел даңқын...

6 -оқушы:

Отан осы, достарым,

Көңілге мұны түйе біл.

«Отан» деп өс, жас қауым,

Оны ардақтап, сүйе біл.

7 -оқушы:

-Балалар, Қазақстан Республикасы туралы не білесіңдер?

Біздің Отанымыз – Қазақстан Республикасы. Сан ғасырлар бойы ата- бабаларымыз жерін жаудан қорғап, бүгінгі ұрпақ- бізге жеткізді. Қазақстан жер көлемі бойынша 9-ыншы орында тұр. Қазақстанда үлкен қалалар көп. Олар: Алматы, Астана, Қарағанды, Шымкент, Көкшетау, Қостанай, Ақтау, Павлодар, Ақтөбе, Тараз, Қызылорда, Өскемен, Семей, Талдықорған.

8-оқушы:

Қазақстан - көп ұлтты мемлекет. Онда қазақтар, орыстар,ұйғырлар, өзбектер, кәрістер, украиндер және басқа көптеген ұлттар тұрады. Олар тату- тәтті , бірлікте өмір сүріп жатыр.

9 -оқушы:

Отанымыздың бас қаласы, астанасы- Нұр- Сұлтан. Ол Есіл өзенінің жағасында орналасқан. Нұр- Сұлтан қаласын қазір бүкіл ел біледі. Нұр- Сұлтанда биіктігі 97 метрлік бәйтерек бар.

- Балалар, бәйтеректі көргендерің бар ма? Кім Нұр- Сұлтанда болды? Иә,______ айта ғой.

10-оқушы:

Мақтансаң мақтан елім деп,
Тани біл елдік таңбаңды.
Елтаңба,Туын,Әнұран-
Тәуелсіздікке тән белгі.

11-оқушы:

- Бабалар, кім біледі, 30- тамыз қандай мереке?...

Конституция туралы не білесіңдер?

12-оқушы:

Қазақстан Республикасының Конституциясы – Қазақстанның негізгі Заңы, яғни Ата заңы. Конституция 1995 жылы 30 тамызда қабылданды. Ата заң қабылданған күн 30- тамыз – Мемлекеттік мереке- Қазақстан Республикасының Конституциясы күні деп жарияланды.

13-оқушы:

Ата Заңым,

Алтын Заңым – ардағым,

Аялаған адамзаттың арманын.

Жол бастайды болашаққа жасампаз,

Әрбір бабың, тарауларың, тармағың.

14-оқушы:

Көк аспандай көкреңбек,

Қазақстан жалауы.

Көк емес ол тектен- тек,

Елдің ашық қабағы.

15-оқушы:

Елтаңбас елімнің,

Неткен әйбәт, әдемі.

Тұнығындай көңілдің,

Ортада аспан әлемі.

16-оқушы:

- Кім, бабалар, Отанын сүйетұғын?

Отан әркез ойында жүретұғын?...

__________ортаға келіңдер. Сөздерің рас болса, Отан, туған жер туралы мақал- мәтелдер айтудан жарысқа түсіп көріңдер.

17-оқушы:

Ит – тойған жеріне,
Ер – туған жеріне.

18-оқушы:

Кісі елінде сұлтан болганша,
Өз елінде ұлтан бол.

(Кеэектесіп, қашан бір оқушы тоқтап қалғанша айта береді)

Өз елім – өлең төсегім.

Мал конысын іздейді,
Ер жігіт туысын іздейді.

Іргесі берік елді
Жау ала алмас,
Ауызы бір елді
Дау ала алмас.....

19-оқушы:

- Иә, балалар Отанын, туған жерін сүймейтін, қадірлемейтін адам жоқ шығар. Біз бәріміз Отан туралы эссе жаздық. Айарудың эссесін тыңдап көрейік.

20-оқушы:

Туған жер,Отан туралы өздері өлең құрастырған балалар бар. Соларға кезек берейік.

21-оқушы:

- Отанын, туған жерін сүймейтін, қадірлемейтін адам жоқ шығар. Бізде өз еліміздің мәртебесін асқақтатуға үлес қосайық!

22-оқушы:

Мен оның түнін сүйем, күнін сүйем,
Ағынды өзен, асқар тау, гүлін сүйем,
Мен оның қасиетті тілін сүйем,
Мен оның құдіретті үнін сүйем.
Бар жәндігін сүйемін қыбырлаған,
Бәрі маған: «Отан!» деп сыбырлаған
Жаным менің,
Кеудемді жарып шық та,
Бозторғайы бол оның шырылдаған!
Отан!
Отан!
Бәрінен биік екен.
Мен оны мәңгілікке сүйіп өтем.

«Мен қазақпын» ән орындалады.

Жүргізуші:

- Құрметті ұстаздар, оқушылар және ата- аналар, «Менің Отаным- Қазақстан» атты сынып сағатымызды аяқтаймыз.