Мерекелі, берекелі алтын күз

1 - жүргізуші: армысыздар, қымбатты ұстаздар, оқушылар! «Мерекелі, берекелі алтын күз» ашық тәрбие сағатына қош келдіңіздер!

2 - жүргізуші: Армысыздар ұлағатты ұстаздар!

Бармысыздар жадыраған жас достар!

Уа, халайық, халайық,

Мұнда назар салайық!

Мерекесі халықтың

Алтын күзге арналған

Кешімізді бастайық!

1 - жүргізуші: Ендеше ортаға сайысқа қатысушы үміткерлерімізді шақырайық.

/Сайыскерлер ортаға шығады

2 - жүргізуші: Сайысымыздың жоспары мен әділқазыларымен таныстырайық.

1

2

3

1. Таныстыру

2. Қолөнер

3. «Білгенге - маржан» сұрақ - жауап

4. Өнер сайысы

5. Сән үлгісі

6. Қорытынды

1 - бөлім:

1 - жүргізуші: Күз келіп, хан мен ханшайым

Өткізді күзгі бұл айын

Ханшайым тапқыр қыз болды,

Ағызар сөйлеп сөз майын.

Ал ханымыз ақылды,

Барша жұртты шақырды,

Би де билеп, ән айтты.

Қуаныштан шалқыды.

Ендеше, сайысымызды бастайық /Сайыскерлер өздерін таныстырады/

2 - бөлім: 1 - жүргізуші: Асыл тастан, өнер жастан

Шығады деп дарынды.

Халық айтса, қалып айтпас,

Әрқашанда нанымды.

Өнерімен танысайық,

Тілекші болып көңілден - деп бұл бөлімімізде сайыскерлер өз өнерлерін көрсетеді.

1 - жүргізуші: Білім аққан сел дейді,

Бірақ оңай келмейді.

Ала білсең білім көп,

Ақыл ойға кел дейді.

Білім - ой мен арымыз,

Рухани ол нәріміз

Сайыскерлер сіздерге

Қол соғамыз бәріміз!

3 - бөлім:

2 - жүргізуші: Табиғаттан бабамыз ала берген секілді,

Дархандықты қазаққа дала берген секілді.

Ерлікті, ерікті желден алған секілді,

Мөлдірлікті көгілдір көлден алған секілді,- деп Қ. Мырза әлі ағамыз жырлағандай бүгінгі күзгі балл мерекемізді табиғатты аялау, табиғат сұлулығын сақтау тақырыптарымен ұштастырсақ артық айтпаған болар едік.Келесі бөліміміз «Білгенге маржан» деп аталады. /Жасырынған сұрақтарға жауап беру/

1. Жылдың төрт мезгілін ата.

2. Күз мезгілінің айларын ата.

3. Күздегі ауа райын суреттеп бер.

4. Күз туралы тақпақ айт.

5. Көкөністерді ата, біреуінің пайдасын айт.

6. Жемістерді ата, біреуінің пайдасын айт.

7. Күзде қандай өзгерістер болады?

4 - бөлім:

2 - жүргізуші: Алтын күз сіз бен бізге шуақ шашсын,

Көңілдің серіппелі күйін ашсын.

О заманда ашқан қазақ өнер сырын,

«Өнер жастан» жаныңдар, шақырған сайыстарға бірі - бірін.

Өнерпаздар - дарындар, көрейік тамашалап, көрермендер,

Көрсетсін сайыскерлер өздері дайындаған қолөнерін - дей келе сайыскерлер үй тапсырмасы бойынша қолөнерлерін көрсетеді.

5 - бөлім:

1 - жүргізуші: Бүгінгі кеш өтіп жатыр өз мәнімен,

Әр сұлу әсем болар өз тәнімен.

Өз қолынан шығарған киім үлгісімен,

Сіздерге көрсетеді өз сәнімен. Келесі кезекті сән үлгісіне береміз.

Бүгінгі сайысымыз соңына таяп қалды. / Әділқазылар жеңімпаздарды анықтауларыңызға болады/

2 - жүргізуші: Білім теңіз, мектепті кеме дейміз,

Білім мен тәрбие егіз дейміз.

Әдебі мен тәлімі үндесетін,

Жастарды болашаққа жетелейміз.

Жеңістер мен жеңілістен тұратын,

Өмір - күрес, жеткізе ме мұратына.

Өнерлерің өрлей берсін, қайыспаңдар,

Ойлы орта кеңейсін күннен - күнге.

Өскен елдің жұртынан қалыспаңдар,- дей отырып, «Мерекелі, берекелі алтын күз» ашық тәрбие сағатын аяқтаймыз.

1. Жылдың төрт мезгілін ата.

2. Күз мезгілінің айларын ата.

3. Күздегі ауа райын суреттеп бер.

4. Күз туралы тақпақ айт.

5. Көкөністерді ата, біреуінің пайдасын айт.

6. Жемістерді ата, біреуінің пайдасын айт.

7. Күзде қандай өзгерістер болады?