Тәрбие сағаты. Мұрагер ертегісі

Мұрагер ертегісі

1. Мәтінді рөлдерге бөліп оқиды.

Бір шалдың төрт ұлы болыпты. Бір күні шал ұлдарын жинап алып:

— Мен қартайдым. Біреуіңнің үй иесі болатын уақыттарың жетті. Кімнің ақылы байлығына сай болса, сол мұрагерім болады. Әр қайсың маған байлықтарың мен ақылдылықтарыңды көрсетулерің керек, - дейді.

Үлкен ұлы асыл тас салған жүзігінің көзін көрсетіп:

— Міне, менің байлығым. Ал кім бай болса, сол ақылды, - дейді.

Екінші ұлы асыл киімдерін киіп, әдеміленіп келеді де:

— Мені осы түрімде көргендер ақылым мен байлығымның алдында бас иеді, - дейді.

Үшінші ұлы күміспен және алтынмен апталған белдігін буынады да:

— Мұндай белдікті ешкім, ешқашан буынып көрген емес, - дейді.

Әкесі үлкен балаларына қарап, басын шайқайды да, ең кіші ұлына бұрылып:

— Сен неге үндемейсің? Сен қандай байлығыңмен мақтанасың? - дейді.

Сонда кенжесі:

— Менде асыл тасты жүзік те, сәнді киім де, алтын-күміспен апталған белдік те жоқ. Тек жұмысқа жарамды екі қолым бар, қайрат-жігерге толы жүрегім бар, - дейді.

Шалға кенже баласының тапқыр да ойлы сөзі ұнайды.

— Жұмыс істей білген адам жұтамайды, - деп, өзінің кенже ұлын үй шаруасын басқаруға мұрагерлікке атайды.

Үлкен балаларына інісінің айтқанынан шықпай, талабын орындауды өсиет етеді.

2. Топпен көрініс қояды

3. Көшпелі микрафон.

- Шалдың неше ұлыпты болыпты?

- Шал балаларын не үшін жинайды,

- Үлкен ұлы несімен мақтанады?

- Екінші ұлында не бар екен?

- Үшіншісінің байлығы қандай екен?

- Әкелері неліктен үлкен балаларына қарап басын шайқады?

- Кенже ұлы не деп жауап берді?

- Әкесі қай ұлына мұрагерлікті қалдырды?

- «Жұмыс істей білген адам жұтамайды» дегенді қалай түсінесің?

4. «мұрагер», «мұра», «мұрагерлік» деген сөздерді қалай түсінесің?

5. Мәтінді мазмұндайды.