Тәрбие сағаты "Наурыз"

Мақсаты:

Балаларға Наурыз- жыл басы, яғни дін мейрамы емес, ұлт мейрамы екендігін, тарихи маңыздығын түсіндіру. Ата- бабамыздың ұрпақтан- ұрпаққа беріліп келе жатқан ұлттық тәрбие туралы түсінік беру. Ата- ана ,бала,тәрбиеші,жұртшылық өкілдерін біріктіру. Қазақ халқының салт- дәстүрін, дінін, әдет- ғұрпын сақтауға, қастерлеуге тәрбиелеу.

Көрнекілігі: Қазақтың киіз үйі жабдықтарымен безендірілген. Ұлттық тағамдармен мерекелік дастархан жайылған. Ұлттық киім киген балалар, ата-аналар.

1-жүргізуші: Наурыз шығыс елдері үшін бірліктің, татулықтың , еңбектің ,көктемнің ,ізгіліктің ,бақыттың мерекесі ретінде тойланады.

2- жүргізуші: Осы ұлы күнге байланысты наурыз көже, наурыз бата, наурыз жұмбақ , наурыз тілек, наурыз көк сияқты жөн – жоралғылар бар.

(Аталған жөн – жоралғылар жөнінде бір ана шығып түсінік береді)

«Қош келдің ,Наурызым»әні орындалады.

Айым: Наурыз тойы т тамаша,

Наурыз тойы жаңаша.

Табиғатта тамаша,

Тамылжып тұр жараса.

Әлижан: Наурыз тойы салтанат,

Наурыз тойы мархабат.

Әр жүректен ән тарап,

Шаттанады шартарап.

Ислам : Уа,халайық,халайық,

Ақ сандықты ашайық.

Бұл мереке, бұл тойдың ,

Жыр шашуын шашайық.

Дильназ : Есебімен дананың ,

Күн мен түнді теңеген.

Наурызымыз – жаңа күн,

Парсы сөзі көнеден.

«Қазақы дастарханым»әні орындалады.

Бейбіт: Жаңа күн ол – жыл басы,

Жиырма екісі Наурыздың.

Наурыз айда төл басы ,

Бүршік атар бау біздің.

Салауат: Арпа,бидай,бастаған,

Жеті дәмнен жасаған.

Наурыз көже көп көже,

Бұл тойдағы бас тағам.

Найля: Уа, жараңдар, жараңдар!

Бәрі бері қараңдар.

Наурыз – думан басталды,

Бері жақын тұрыңдар.

«Наурыз – думан» биі биленеді.

Жасмин: Қыс өтіп,қар кетіп,

Шырайлы жаз жетіп.

Шаруаның кенелген,

Мейрамы ежелден.

Мерей: Берсе дағы шырай күн,

Қылау болып себелер.

Қырбақ қарын бұл айдың ,

Наурызша дер көнелер.

Айқын: Келсе дағы көктемі

Үрікпеген қылаудан

Ұлыс күні өйткені,

Нұр жауды деп қуанған.

«Ерке сылқым» күйі ойналады.

Жүргізуші: Мұсылман ұғымы бойынша 21- наурыз күні түнгі сағат үште аспаннан Қыдыр ата түседі екен. Бабаларымыз осы түнді кірпік ілмей күткен,Қыдыр бабаны қарсы алған.Осы түні әр адам қандай ой-арман ойласа,ол жаңа жылда қабыл болады деп ырым еткен.

(Қыдыр ата келеді)

Хормен:Қош келдің Қыдыр ата!

Қыдыр ата бата береді:

Ұрпақтардың бағы болсын,

Арайланған таңы болсын,

Ақ батамен қол жайғанның,

Тілегінін бәрі болсын,

Елдің іргесі берік болсын,

Жасқа ізет,кәріге құрмет болсын.

Мына Ұлыстың Ұлы күні әрбір отбасына қуаныш,бақыт әкелсін! Ұлыс оң болсын! Аумин.