Тәрбие сағаты "Қарттарым-асыл қазынам!"

Қарттарым – асыл қазынам!

Жүргізуші: Мерекелеріңіз құтты болсын ата - апа!
Көкіректен жыр төгілмей жата ма!
Зейнетіне жеттіңіздер өмірдің,
Кенеліп бір ілтипатты батаға.

Қадірлі ата - әжелер бүгінгі күні біз сіздерді мерекелеріңізбен шын жүректен құттықтаймыз. Сіздерге зор денсаулық, ұзақ ғұмыр тілейміз.
Сіздер жас ұрпаққа әрқашан төзімділіктің, даналықтың үлгісі болып келесіздер. Бүгінгі қарттар күніне орай мектебімізде ұйымдастырылып отырған «Қарттарын қадірлеген ел ардақты» атты мерекелік кездесу кешіне қош келдіңіздер.
Жүр: Асыл әжем, мақтанышым менің де
Қонақ болып отыр міне төрімде.
Өзіңе арнап былай тәтті үніммен
Ән салатын кезім келді менің де.
2 «Г» сынып оқушысы Сағат Адемаудың орындауында «Ақ әжем» әнін қабыл алыңыз.

Жүр: Ата көрген оқ жанар
Ана көрген тон пішер,- демекші ортаға «Барбарики» биімен сыныбымыздың «Жорға» тобын шақырамыз.
Рахмет сендерге, оқушылар!

Жүр:
Күн нөсерін төгейік
Жырдан моншақ өрейік
Уа жамағат ал енді
Әнге кезек берейік
«Достарым» әнімен Мамыт Адиді ортаға шақырайық.
Тамаша! Рахмет саған Адижан!

Жүр: Баламның табанына кірген шөгір, менің маңдайыма кірсейші дейтін әжелер мен аталардан үлгі өнеге көріп келе жатқан кішкентай тентектерімізді ортаға шақырайық.
2 «Г» сынып оқушыларының орындауында Би: «Флешмоб» қабыл алыңыздар.

Жүр: Балалар сендердің аталарың қандай?
Тақпақтар:
Рабия:
Менің әжем, ақ әжем,
Ұл мен қыздың бағы әжем.
Ертегі айтып бер десем,
Айтып береді тағы әжем.
Батырхан:
Менің әжем, гүл әжем,
Алтын әжем, нұр әжем.
Анам үшін, мен үшін,
Нағыз әжем, тіл әжем.
Гүлзат:
Менің әжем, жыр әжем,
Шуағы мол нұр әжем.
Ақ таяққа сүйеніп,
Аман - есен жүр әжем.
Бахтияр:
Бесігіме бөлеп алып,
Сен тербетсең қалғимын.
Жүрегіме сіңіп жатыр,
Сенің айтқан әлдиің.

Жүр: Жүректен кіріп бойды алар
Әсем ән мен тәтті күй
Көңілге түрлі ой салар
Әнді сүйсең менше сүй. деп ортаға «Әкешім, Анашым» әнімен Нұрайды шақырамыз.

Жүр: Қысылып еш саспаңдар
Кәнеки би бастаңдар
Ата - әжелердің көңілін.
Бір көтеріп тастаңдар.
Оқушыларымызды қазақтың «Қара жорға» биімен ортаға шақырамыз.

Жүр: Гүл - гүл жайнап бәріміз
Кірді біздің сәніміз
Қарттарымызды тойымен
Құттықтаймыз бәріміз.
Барлығымыз оқушыларымызды «Бақытты баламыз» әнімен қарсы алайық.
Жүргізуші:
«Батаменен ел көгерер, жаңбырменен жер көгерер» демекші ата - әжелер бата, ізгі ниет - тілектеріңіз болса, сөз кезегін өздеріңізге береміз.

№80 мектеп-гимназия

ҚАРТТАРЫМ – АСЫЛ ҚАЗЫНАМ!

Өткізген: НурмаганбетоваТ.С..

Астана қаласы