Сынып: 9 «А»

Тәрбие сағат тақырыбы: Қарттарым – асыл қазынам

Тәрбие сағат мақсаты:

Оқушылардың бойына қазақи салт – дәстүрлерді сіңіруге, инабаттылық пен ибалылыққа, қарттардың алдын кеспеуге, қарттарды тыңдауға тәрбиелеу.

Мұғалім: Көп жасаған қария Ақылы теңіз дария.

Құрметті оқушылар! Зымыраған сағат тілінің шексіз тықылдап соғуына мән бермеген біз уақыттың қалай жылдам өтіп кеткенін сезбей қалыппыз. Енді міне бүгін 1- қазан қарттар күні келді.. Неткен шіркін уақыт десеңші, осылайша ортамызда жүрген қарияларымыздың бір кезде елі, халқы, келешек ұрпағы үшін жасаған игі істері ерекше орын алады. Қазіргі кезде біздің мемлекетімізде қарттарға үлкен мән беріп, көңіл аударып, жан- жақты үкімет тарапынан қамқорлық жасалуда.

Қарттар – біздің асыл қазынамыз. Бүгін  қарттар күніне орай ауылымыздағы асыл қазынамыз: соғыс, тыл,еңбек ардагері Есходжаев Жақсылық атамыздың үйіне барып, мерекесімен құттықтап келейік!

Оқушылармен сабақ аяқталғаннан кейін гүліміз бен кішкене сыйлығымызды алып барып амандасып, оқушылар өздерінің ыстық лебіздерін өлең шумақтар арқылы жеткізді.

Бекжан:

Сән еңкейген нұр жүзінен әл тайып,

Қуат кетіп бара жатыр қартайып.

Отбасында, бала – шаға қасында

Жетпістер мен сексендер жүр қалқайып.

Көңіл жетім болмаған соң сыңары,

Жас баладай жаутаңдаған жанары,

Қайта – қайта қарағың кеп тұрады,

Қағыс естіп қалбақтайды баладай

Мәпелеңдер қарт біткенді аялап

Ниеті ақ, көңілі кең даладай,

Кімге болсын қарттық жетер аяңдап.

Әсем:

Ақиқатты айқындап жариялар

Бара жатыр азайып қариялар.

Дауыл тұрса бүлк етіп толқымайтын

Бара жатыр сарқылып дариялар.

Неменеңе жетістің, бала батыр,

Қариялар азайып бара жатыр.

Бірі мініп келместің кемесіне,

Бірі күтіп әнеки жағада тұр.

Ақыл айтып жүрмесе қасымызда,

Сонда орнайды жетімдік басымызға.

Жалаңашқа шекпенін шешіп беріп,

Бір күлшесін бөліскен ашымызға.

Неменеңе жетістің, бала батыр,

Қариялар азайып бара жатыр…

Ғазиза:

Құттықтаймыз мейрамыңмен аталар!

Әр күлгенің бізге бақыт саналар

Еңбегіңді еш етпейтін өмірде

Елің, жұртың, ұл мен қызың бағалар

Ана мейір күн көзімен пара-пар

Тұла бойға қуат болып таралар

Өміріме шуақ шашып әрқашан

Көп жасаңдар аталар мен аналар!

Мұғалім: Осындай тосын сыйдың нәтижесінде Жақсылық атамыз қуанып,марқайып, көзіне кішкенк жас алыпта қалды. Оқушыларым сендер адамгершілігі мол, мейірімді болу арқылы ғана, қарттарды көрген жерде құрметтеп сыйлау арқылы ғана қуанта аламыз.

Қарттарымызды ардақтап өтейік! Оларды сыйлаңдар, қадірлеңдер!

Сынып жетекші: Ниязбекова Айман Ырысовна