Мақат ауданы

№2 бастауыш мектебі

Қазан айының алғашқы мерекесі «Қарттар күні» мен «Мұғалімдер күні» мерекесінің БАҒДАРЛАМАСЫ

1-жүргізуші

Армысыздар құрметті қонақтар, қазыналы қариялар мен ақ жаулықты аналар, ардагерлер, ұлағатты ұстаздар !

Қазан айының алғашқы аптасында қатар келген қос мереке Қарттар күні» және «Мұғалімдер күніне» арналған мерекелік кешімізге қош келдіңіздер!

2-жүргізуші

Қымбатты ақылдың кенін арқалаған айбынды аталар! Ақ жаулықты аналар! Шынайы да ізгі сезімдерді, білімнің алтын діңгегін сыйлаушы ұстаздар қауымы! Барлықтарыңызды қазан айының алғашқы мерекелері қазыналы қарттар, ұлағатты ұстаздар мерекесі тоғысқан күнімен құттықтаймыз!!!

1-жүргізуші

Бүгінгі мерекелік кешімізде алғашқы құттықтау сөзді мектебіміздің директоры Баймукашев Руслан Теміржанұлына береміз.

2- жүргізуші

Ата күні - әже күні әлем күні,

Әлемді тебірентеді ақылдың үні.

Әжесіз жан туған жоқ жер бетінде,

Ұғып ал бөбектерім сендер мұны

«Балапан» тобының бүлдіршіндерінің ата-әжелерімізді құттықтауын қабыл алыңыздар.

1 –жүргізуші

Қарттарымызға арнаймыз әнімізді

Ән: «Ата-әже»

Орындайтын: 4 А сынып оқушысы Мұрат Ақжайна

1-жүргізуші

Қарт пен бала тақырыбында 3 «А» сынып оқушыларының көрінісін тамашалаңыздар.

Қария көшеде келе жатса, екі бала дауласып тұр екен.

• Ата,ата! Тоқтай тұрыңызшы?- депті біреуі. Қарт таяғын беліне көлденең ұстап тұра қалады да:

• О, не, балаларым? – дейді.

• Онша ештеме де болған жоқ, ата. Мына бала менің добымды ұрлап алып, енді кешірім сұрап әкеліп тұр.- депті.

• Сен кешірдің бе, балам?

• Кешірдім, бірақ ұрлағаны үшін жағынан тартып жібергім келіп тұр.

Сонда қарт

• Айыпты келсе қасыңа, сабырлық жаса басыңа – деген бар. Қатесін түсініп, кешірім сұрап келсе, кешіру керек айналайын – деп Қарт жүріп кетіпті.

Екі бала қарт сөзіне риза болып, өзара қол алысып татуласты.

1-жүргізуші:

Көрініске қатысқан 3 а сынып оқушылары Ақжол, Ибрахим, Ақжол.

2-жүргізуші:

2 Б сынып оқушысы Аманжол Нұрайлымды «Шашу» биімен қарсы алыңыздар

2-жүргізуші:

Шақырылған қонағымыз Өтеген ...............ұлына ұстаздарға арнап ыстық лебізіңізді арнаңыз.

1 – жүргізуші

Өн бойың тұнған ақыл, ұлағат,

Ешкімге жасамайтын қиянат.

Жайлап қана ақылменен түзейсің,

Болып қалса ұғына алмай бір сәт.

Ұмытпа сен ұстазыңды, ұмытпа

Жақсы ұстаздың пайдасы көп ұлтқа.

Ұстаз кілті даналық пен пәктіктің,

Кеудеңдегі шақ келетін құлыпқа

1 – жүргізуші

4 б сынып оқушылары Айым және Назеркенің орындауында «Ұстаз ана» әнін тамашалаңыздар.

2- жүргізуші

Оқушыларымыздың ұстаздарымызға арнаған құттықтауы мен өлең шумақтарын қабыл алыңыздар.

Құттықтау сөз:

4б сынып Амангелді Іңкәр

2б сынып Камилова Жұлдызай

3а сынып Нәдірбай Ақжол

Оқушылардың таппақтары:

3б сынып Камилова Жангүл

2а сынып Ақниет

1бсынып Ерзада

1 - жүргізуші

4 а сынып оқушыларының Ұстаздар күніне орай «Ұздар арманы» атты музыкалық көріністі тамашалайық.

2-жүргізуші: Құрметті қонақтар, сіздер салып кеткен сара жол – ұстаз жолы – ұлы жол. Өткен жолдарыңызға көз жіберіп, еске ала отырып, өздеріңізге бірнеше сұрақ қоюға рұқсат етіңіздер.

1-жүргізуші:

Сәния Көшенқызы

Ұстаздық өмірге қалай келдіңіз? Жүрек қалауымен бе, әлде осы мамандықты таңдауға себепші болған оқиға немесе бір жағдай болды ма? Және мектеп ұстаздарына, мектепке айтар тілегіңіз?

2-жүргізуші:

Қарашаш Қабделқызы

«Ұстаз болу жүректің батырлығы» дейді, осы ұстаздық қызметті таңдауда батырлықпен қандай қасиет адам бойынан табылу керек деп ойлайсыз?

Және мектеп ұстаздарына, мектепке айтар тілегіңіз?

2-жүргізуші:

Жауаптарыңызға және ақ тілектеріңізге көп рахмет, аяулы да мейірбан ұстаздар.

1 жүргізуші

2 Б сынып оқушылары Жұлдызай мен Әдемінің орындауында «Аққу» биін тамашалайық.

1 жүргізуші

Зейнеткер ұстаздарымызбен тәжірибелі ұстаздарымызға гүл шоқтарын табыстауға рұқсат етіңіздер.

2- жүргізуші

Абырой амандығың арта берсін,

Бақ дәулет қызығымен қатар берсін.

Ұрпағың жақсы көрген жиі келіп,

Таусылмас дәм-тұзыңды тата берсін.

Тыныштық елімізге бере берсін.

Молшылық жерімізге ене берсін.

Бәлекеттен ел жұртымыз аман болып,

Қызығын бейбіт өмір көре берсін. - деп, бүгінгі «Қарттар күні» және «Ұстаздар күні» мерекесіне арналған мерекелік концертімізді аяқтай отырып, қазыналы қарттарымыз бен ұлағатты ұстаздарымызға зор денсаулық, шаңырақтарына шаттық, елімізге тыныштық пен құт-береке тілейміз.

Мерекелеріңіз құтты болсын!

Және Ұстаздар мерекесіне орай «Ұстаз» әнін 4 а сынып оқушыларымен бірге айтуға шақырамыз.

.