тәрбие сағаты "Қош келдің Жаңа жыл!" 1кіші топ

Тақырыбы: “Қош келдің, Жаңа жыл”

Мақсаты:

1Жаңа жыл мерекесіне деген көңіл күйлерін қалыптастыру.

2 Қуанышты достарымен бөлісе білуді үйрету, эстетикалық тәрбие беру. 3Ойлау қабілетін мен тілін дамыту.

Зал ішінде жап-жасыл шырша. Шыршада алуан түрлі ойыншықтар ілінген, түрлі түсті әшекейлермен безендірілген.

Жүргізуші:

Жаңа жылдың таңы неткен арайлы

Ақ мамыққа бөліп алды маңайды

Жаңа жылмен құттықтаймыз бәріңді

Бақыт, шаттық, молшылық әкелсін

Бәрімізге мына жыл арайлы

Құтты болсын ағайын

Жаңа жылың тағы да

Қол соғып қарсы алайық

Шақырайық ортаға

Ертеңгілік басталсын

“Еркемай” тобында

Жүргізуші:

- Тезірек тездетіп мұнда жиналыңдар.

Қонжықтар мен Қуыршақтар келіп қапты ортамызға.

(Балалар ата-аналарды, қонақтарды құттықтайды)

Біз тілейміз Жаңа жылдық шаттықты

Біз тілейміз Жаңа жылдық бақытты

Би: «Топ,топ сапожок»

Балалардың құттықтауларың қабыл алыңыздар

Тақпақтар

Қоян ән айтып шыршаны айланып....

-Ой,мен қайда келіп қалдым?

Ж:Сәлеметсін бе,Қоян сендер «Ер Төстік»балабақшасына «Еркемай»тобындағы ертенгілікке келіп қалдың.

Біз Аяз атамен Ақшақарды тосып отырмыз.

Қоян:Мен сендермен бірге күтіп алайын қарсы болмасандар

Уақытты босқа өткізбей сергіту сәтін өткізейік:

«Ұзын құлақ сұр қоян» (сергіту сәті)

Қоян –Жарайсындар,балалар

Жүргізуші: - Балалар бізге қоңақ келіп қапты(Фея кіреді)

Фея: - Жаңа жыл келді

Азаймасын ән мен жыр

Ел көңілін көтерсін

Құтты болсын Жаңа жыл

Сәлеметсіздер ме балалар

Қандай әдемісіңдер, сүйкімдісіңдер

Шыршамыздағы ойыншықтары да керемет

Бірақ... шыршамыз көңілсіз, кәне менің сиқырлы таяғымның көмегімен сендердің әдемі сөздеріңмен шамын жағайық

Ән “ Шырша шамы жарқыра”

Жүргізуші: - Балалар, жарайсыңдар. Айтыңдаршы Жаңа жыл мерекесі болғанда бізге қонаққа міндетті түрде жаңа жыл келеді.

Біз қоңырау көмегіне сүйенейік

(Әтеш пен ит кіреді)

Әтеш: Сәлеметсіндер ме, балалар

Мен тұрмын қуанып

Шаттыққа бөленіп

Бір жыл бойы сіздермен

Дос болдық қой шаттанып

Енді міне балалар

Келді кезек қоштасар

Балалар: Қош, қош ескі жыл

Жүргізуші:Ескі жыл кетті ,жаңа жылды қарсалайық!

Ит: Мен Жаңа жылмын

Мен жаңа нұрмын

Нұрымды да себейін

Жырымды да себейін

Жүргізуші: ”Міне керемет, қол ұстасып әнімізді шырқайық

Ән :«Шырша»

Жүргізуші: Фея ханым көмектесіңіз Аяз атамызды ортаға шақырайық.

Барлығымыз бірге : «Аяз ата,Ақшақар А-У»

Балалар: Аяз ата,Ақшақар А-У

(Аяз ата, Ақшақар келеді)

Аяз ата: Құтты болсын балалар

Келген Жаңа жылдарың

Алаңдамай өсіңдер

Еркелеп қыз, ұлдарым

Ақшақар: Сәлеметсіңдер ме, балалар. Жаңа жыл құтты болсын.

Жүргізуші: Қош келдіңіздер, алыс жолдан келдіңіздер

Жүргізуші: Әсем әні де бар , биі де бар

Отыр ата, сәл дем ал

Ән “ Аяз ата ”

Ақшақар: Мен білемін бір ойын

Үйретейін сендерге

Мен бастаймын, ал сендер аяқтандар ойынды.

Хормен жауап айтындар.

• Қарға мүлгіп дала тұр

Келе жатыр ... (жаңа жыл)

• Қызыл мұрын, ақ мұртты

Білсен атын тез ата

Келеді бізге . . ( Аяз ата)

• Шырша бүгін кәделі

Сендер әрі ...( әдемі)

• Көңілсіз бір бала жоқ

Ойын-күлкі таралсын

Құтты болсын ...( жаңа жыл)

Жүргізуші: Әуеледі әніміз

Жаңа кірді сәніміз

Ақшақарға арнап біз

Қонжықтар биін билейміз

Аяз ата: - Жарайсындар, өнерлі екенсіңдер.

Жүргізуші: - Ия біздің балалар шетінен өнерлі. Сіз дем алып отырып қалдыңыз Аяз ата кезекті ойынға берейік.

«Қатырмақ»ойыны

Жүргізуші: -Жарайсындар, ал енді сіздерге арнап біздің қыздар

Қуыршақтар биін ұсынады. Тамашалайық, қолымызды

аямай шапалақтайық.

«Қуыршақтар» биі

Жүргізуші: - Аяз ата сіз біздердің балаларымыздың сыйлықтарын қашан бересіз?

Аяз ата: Ой-буй, ұмытшақ басым-ай казір-казір ...

( Сыйлықтарды іздейді, таба алмайды. Ит пен Фея іздеуге комектеседі шыршаның астынан үлкен дорба тауып алады)

Жүргізуші: Аяз ата сыйлық тарататын уақыт келген сияқты.

Сыйлықтарды табыстау балаларға.

Келген қонақтар: Жарайсындар, алыс жерден шаршап келгенде көңілімізді көтердіңдер. Барлықтарың да ақылды, білімді де өнерлі екенсіңдер. Киген киімдерін де қандай әдемі. Біздің сыйлығымызға риза болыңдар. Ал енді біз жолға шығайық. Басқа да балалардың да өнерін тамашалайық.

Балалар: Рахмет сіздерге. Сау болыңыздар.

Жүргізуші: Құрметті қонақтар, балалар «Қош келдің, Жаңа жыл» атты мерекеміз аяқталып қалды. Осындай керемет өтуге ат салысып жүрген, ата-аналар, әріптестерім сіздерге де мың алғыс. Көріп ат салысқандарыңызға рахмет. Жаңа жыл құтты болсын. Отбасыларыңызға тек бақыт пен қуаныш әкелсін.

Тақырыбы:

«Қош келдің Жаңа жыл!»

Тәрбиеші:Бекбосова А.Ж