Тәрбие сағаты табиғатты қорғау өз қолымда

Мақсаты: а) оқушыларды жердің қадірін, байлықты бағалай білуге, туған табиғатты сүюге және қамқорлық жасай білуге , жанашырлық сезімге баулу, табиғат жөніндегі ой – өрістерін кеңейту, білімге құштарлығын арттыру, тілін дамыту. Табиғат ажарын сақтап, оған қамқор болып қамқорлық жасайтын қорықтар туралы танымдарын арттыру. Табиғатты сүйе білуге оны қорғауға,ұйымшылдыққа, аялауға тәрбиелеу.

Көрнекілігі: Қазақстан картасы,нақыл сөздер, суреттер,интебелсенді тақта,слайдтар.

Өткізу барысы:

І.барысы: Мұғалімнің кіріспе сөзі. Құрметті қонақтар, ұстаздар! Сіздерді жылдың тамаша мезгілінің келуі қарсаңындағы 4 – сыныптың оқушыларының ұйымдастыруымен болатын «Таза болса табиғат,аман болар адамзат »атты тәрбие сабағымызға қош келдіңіздер.

Тазалық болған жерде ағаштар да, гүлдер де жайқала өседі.Тазалықтан кейін табиғатқа сұлулық керек ол үшін ағаштар мен гүлдер егеміз.Табиғат тазалығын сақтау – адамның өз өмірінің қауіпсіздігін сақтау деген сөз .Сондықтан адам мен табиғат арасындағы қатынас ізгілік пен үйлесімділікке құрылуы шарт.Барша байлықтардың анасы – Жер .Жерді күтіп – баптай білу оның қойнауынан қазба байлықтарын игеріп ала білу табиғат пен қоршаған ортаны түлетіп гүлдендіре беру өз қолымызда.Табиғат тартылысы,құбылыстары тіршілігі – оның тынысы табиғат деп аталады.Олардың барлығы адам жанына саулық береді. Жан саулығы – денсаулық негізі . «Табиғат тазалығы – адамзат амандығы» екенін естен шығармау керек.

Мұғалім: Табиғат – адам баласын дүниеге келтіріп, бойындағы бар махаббат мейірімі мен шұғылалы шуағын жүрегімізге ұялатқан аяулы Ана.

Оқушылар топқа бөлінеді.

1– топ: «Сулы жер – нулы жер»

Ұраны : «Су – табиғат айнасы»

2-топ: «Ағаштарға қамқорлық»

Ұраны: «Ағаш ексең аялап, басыңа болар саябақ»

3- топ: «Хайуанаттар»

Ұраны: «Құлан-қырдың көркі, құндыз-судың көркі»
ІІ. «Күннің шуағы ойыны» Балалар бәріміз дөңгелене тұрып бір-бірімізге жылы тілектерімізді айтамыз.

Мұғалім:Адам мен табиғат әрқашан егіз.Табиғат сенің қорғаушың,асыраушың.Ертеде ата-бабамыз « Жер – қазына,су – алтын,мал – байлық»-деп өсиет айтқан.Сол табиғат байлығын сақтап,ұрпақтан-қрпаққа жалғастырып,жеткізу біздің еншімізде.Елбасымыз Н.Ә.Назарбаев биылғы халыққа жолдаған жолдауында экологияны, табиғатты қорғауға,сақтауға міндеттейді.Біз де сол табиғаттың бір бөлшегі бола тұра, табиғатты қорғауға міндеттіміз.

-Балалар экология деген не?

Экология -бүкіл адамзат баласының шалыс басқан іс-әрекетіне шек қоятын,оның тыныс-тіршілігіне тікелей атсалысатын ғылымның бір саласы.Мелс Елеусізов (слайд көрсету)

ІІІ. Табиғат туралы не білеміз?

Алма ағашынан сұрақтарға жауап бере отырып алмаларды жинаймыз.

-Неге табиғатты тал бесік деп атаймыз?

Осы сұрақтардың жауабын бүгінгі тәрбие сағатында толық білетін боламыз. Топтарға бөлініп жұмыс істейміз.Олардың адамға

пайдасы және адамдардың оларға тигізер пайдасын әңгімелейсіңдер.

Жағдаятты талдау.

1 – жағдаят: Арман бақ ішінде келе жатыр еді,терек бұтақтарын сындырып жатқан балаларды көрді де тұрып қалды ... .

2 –жағдаят: Алмат достарымен бірге ауыл сыртындағы бұлаққа келді. Олар өздері жиі келіп тамашалайтын бұлақтың көзі қалдық шөптер, босаған ыдысқа және қоқыстарға бітеліп қалғанын көрдің, сен не істер едің? ... .

3 – жағдаят: Сынып жетекшісі сабақ соңында аулаға көшет және де гүлзар өсіру туралы ұсыныс айтқан еді, сынып балалары мақұлдады да,Жанат мақұлдамады.Не себепті ? ...