Тақырыбы: Бәріміз біргеміз

Мақсаты: балалардың арасындағы қарым-қатынасты нығайту бағытында арналған, жағымсыз көңіл-күйден арылу, күш-қуат жинау.

Барысы:

1. Сәлемдесу

2. Мастер класс оригами қағаздан «Танк» жасау

3. «Айдаһардың құйрығы»

4. «Еркін би»

1.Сәлемдесу

Қәзір топтың әр мүшесі кезекпен ортаға шығып, топқа қарап бір-бірін қайталамай топпен кез-келген тәсілмен сәлемдеседі. Ал біз әрбір сәлемдесуді қайталаймыз.

2. «Танк» ойыншық жасау әдісі. Оригами

Мақсаты: Оригами әдісінің қарапайым техникасын меңгерту, қол ұшы моторикасын дамыту. Оригами пішіндерін бүктеудің алғашқы білімі, дағдысы және машықтарын түсіндіру.

3.Тақырыбы: Айдаһардың құйрығы

Мақсаты: Балалардың дене қимылдарын жетілдіре отырып бірлесе қимылдауға, ауызбіршілікке жетелеу.

Ойынға қатысушылар бірінің артынан бірі тізбектеле белдерінен ұстап тұрады. Ең бірінші тұрған адам –«айдаһардың басы». Ең соңғысы - «құйрығы» болады.

Ойын кезінде көңілді музыка қойылады. «Айдаһардың басы» ең күрделі жолдармен жүре отырып өз «құйрығын» ұстап алуға тырысады. Оның мақсаты – ұстап алу, «құйрықтың» мақсаты – ұстатпау, қайткенде де қашып құтылу. Егер «құйрық» ұсталып қалса, ол - «бас» болады. Ойын өз жалғасын табады.

4.«Еркін би»

Мақсаты: Бұл жаттығу қатысушыларға басқалардың алдында қысылмай билей  алуына мүмкіндік береді. Топтың араласып кетуіне , өзіндік ашылуына жағдайлар туғызу. Сонымен қатар ол би терапиясын аяқтауға көмектеседі.

Жүру барысы: Қатысушы топ дөңгеленіп отырады. Осы қатысушының арасынан  біреуі ортаға шығып билейді. Алайда  оған «жақсы биші» болу қажет емес. Оның қимылы еркін болуы керек. Оны ешкіммен салыстырмайды, ол өзінің денесіне бағынады. Бірнеше минуттан кейін ол отырады да, оның орнына  яғни ортаға басқа қатысушы шығады. Осылайша әркім өз еркімен шығып, 1-2 минут болса да өзінің биін билеп ойын ары қарай жалғасады.

Тасқала аудандық білім бөлімі

Балалардың мектептен тыс жұмыс орталығы

«Бәріміз біргеміз»

Тренинг

Педагог-психолог: Наджимова С.Ш

2018 оқу жылы