Күні:

Сыныбы:

Тақырыбы:Тәуелсіздік тірегім, Қазақстан жүрегім!

Мақсаты:

• Оқушыларға еліміздің қысқаша тарихы туралы мағлұмат беру. Тәуелсіздіктің қадірін түсіндіру, сезіндіру. Оқушыларды Отанды сүюге, ел тарихын білуге,еліміздің мемлекеттік рәміздерін қастерлеуге тәрбиелеу.

Тәрбиелік мәні:

• Елді, жерді сүю, қастерлеу

Әдісі:

• Әңгімелеу, пікірлесу, сұрақ-жауап, ой қозғау.

Сабақтың барысы

I. Ұйымдастыру кезеңі:

Шаттық шеңбер

- Армысың, қайырымды Аспан ата!

- Армысың, мейірімді Жер – ана!

- Армысың, шұғылалы Алтын күнім!

- Армысың, тәуелсіз елім менің!

Топқа бөлу І топ- Бірлік, ІІ топ – Намыс , ІІІ топ – Ерлік

Мұғалім: Құрметті ұстаздар, балалар! Бүгін еліміздің сан мыңдаған жылдар бойы армандаған, сол жылда дүр сілкіндірген Желтоқсан оқиғасымен келген, тарихымызда алтын әріптермен жазылып қалатын «Тәуелсіздік күні» мерекесіне арналған «Тәуелсіздік - тірегім, Қазақстан - жүрегім»атты тәрбие сағатына қош келдіңіздер!

Ой қозғау. Өз топтарыңның аттары туралы не айта аласыңдар ?

Құпия сөз бере отырып, оқушылардың ойларын тыңдау. (Тәуелсіздік)

Мұғалім сөзі. Міне оқушылар біздер елімізбен мақтанамыз. Бұл еркіндік оңайлықпен келген жоқ. Қазақ елі еркіндікке жету үшін қаншама қиын-қыстау кезеңдерді бастан кешірді. Мыңдаған жылдық тарихы бар.

Сонау XVII-ші ғасыр басында жоңғарлар Қазақ халқын «Ақтабан шұбырынды, алқакөл сұламаға» ұрындырды. Олар қазақтарды атамекенінен қуып, тоздырып жіберді.

1723-ші жылдар Қазақ тарихында «Ақтабан шұбырынды» деп аталып кетті.

1916-шы жылы ұлт-азаттық көтеріліс, одан 1917-ші жылы Ақпан, Қазан төңкерісіне ұласты.

Одан кейін 1931-33-ші жылдары елімізде ашаршылық болды. Ата-бабаларымыз бас ауған жаққа кетті. Сол кезде кезде кеткен қазақтар осы күні туған жеріне оралуда.

1937-38-ші жылдар жаппай жазалау болды. Бұл жылдары біздің Қазақ зиялылары, арыстарымыз қудаланды. А. Байтұрсынов, М. Жұмабаев, Ж. Аймауытов, М. Дулатов,

Ш. Құдайбердиев асылдарымыз арада 50 жыл өткенде ақталып, қазір шығармаларын оқып жатырмыз.

1941-45-ші жылдары тұтқиылдан неміс фашистері тыныш елімізге соғыс ашты. «Ер есімі-ел есінде» демекші қазір біздің ауылымызда да 1 ғана ардагеріміз бар. Көптеген аталарымыз болашақ сендердің өмірлерің үшін соғысқа барды. Бейбіт өмірді алып берді.

II. Негізгі бөлім

Топтық тапсырма:

1 топ - Елтаңба туралы әңгімелеу, авторын атау.

2 топ– Ту туралы әңгімелеу, авторын атау

3 топ – Әнұран авторын атап, орындау.

Мұғалім: Бүгінгі тәуелсіз Қазақстан қандай? (оқушылар өз ойын айтады)

Постер қорғау.

1 топқа - Қазіргі таңда көптеген жерлерде соғыс өрті тұтанып жатыр, соларды ұйымдастырып жатырған соғысқұмарларға қандай үндеу тастар едіңдер.

2 топқа – Тәуелсіз Қазақстан

3 топқа – Мен - бейбітшілікті сүйемін

Мақал - мәтелдер – талай замандар бойы қалыптасып ұрпақтан ұрпаққа ауысып келген халықтық мұра, асқан шеберлікпен жасалған сөз өрнегі.

Мақал-мәтелдердің жалғасын табу, мағынасын ашу.

1 топқа

Отан үшін отқа түс----------------(күймейсің)

2 топқа

Батыр туса---------------------(ел ырысы)

Жаңбыр жауса-----------------(жер ырысы)

3 топқа

Отансыз адам ... (ормансыз бұлбұл)

III. Қорытынды

Тәуелсіздікпен бірге халқымыз Мәңгілік Мұраттарына қол жеткізді.

Біз еліміздің жүрегі, тәуелсіздігіміздің тірегі – Мәңгілік Елордамызды тұрғыздық.

Қазақтың Мәңгілік Ғұмыры ұрпақтың Мәңгілік Болашағын баянды етуге арналады.

Ендігі ұрпақ – Мәңгілік Қазақтың Перзенті. Ендеше, Қазақ Елінің Ұлттық Идеясы – Мәңгілік Ел!

«Мен Мәңгілік Ел ұғымын ұлтымыздың ұлы бағдары «Қазақстан-2050» Стратегиясының түпқазығы етіп алдым».

Тәуелсіздікке қол жеткізгеннен гөрі оны ұстап тұру әлде қайда қиын.

Бұл – әлем кеңістігінде ғұмыр кешкен талай халықтың басынан өткен тарихи шындық. Өзара алауыздық пен жан-жаққа тартқан берекесіздік талай елдің тағдырын құрдымға жіберген. Тіршілік тезіне төтеп бере алмай, жер бетінен ұлт ретінде жойылып кеткен елдер қаншама.

Біз өзгенің қателігінен, өткеннің тағылымынан сабақ ала білуге тиіспіз. Ол сабақтың түйіні біреу ғана – Мәңгілік Ел болу біздің өз қолымызда. Бұл үшін өзімізді үнемі қамшылап, ұдайы алға ұмтылуымыз керек.

Байлығымыз да, бақытымыз да болған Мәңгілік

Тәуелсіздігімізді көздің қарашығындай сақтай білуіміз керек,- деп айтып кеткен болатын Елбасымыз өзінің жолдауында.