Тәрбие сағаты "Тәуелсіздік тұғырым"

Тақырыбы: «Тәуелсіздік - тұғырым»
Мақсаты:
- Еліміздің тәуелсіздік алу жолындағы ата - бабаларымыздың ерлігін паш ету, оқушыларға желтоқсан құрбандарымен, желтоқсан оқиғасына қатысқан аға - апалардың ерлігін үлгі етіп көрсету.- Оқушылардың туған өлкемізге деген сүйіспеншілігін, сезімдерін ояту.
- Елін, жерін сүюге, Отанын қастерлеуге, шыншылдыққа тәрбиелеу.
Көрнекілік: Интербелсенді тақта, шарлар, түрлі жайма қағаздар.
Кіріспе
- Қазақстан Республикасының әнұраны. Хор.
Мұғалім сөзі
Тәуелсіздік бізге оңай келмеді.
Жұртым менің не қиындық көрмеді?
Жылап тұрып аналарым бұл жолда,
Сан перзентін қара жерге жерледі.
- Тәуелсіздік таңы атты, тәуелсіздік күніне арналған тәрбие сағатымызға қош келдіңіздер!
Тәуелсіздік бізге оңай келмеді.
Асау аттай өз тізгінін бермеді.
Қазағымның алтын басын иілтіп,
Талай дұшпан төрімізге төрледі.
Мұғалім сөзі
1986жылы 16 - желтоқсанда таңертең, Алматыда жаппай толқу басталды. Жастар алаңға жинала бастады. Алаңда «Біз қазақ, ежелден еркіндік аңсаған», «Әрбір ұлтты өз көсемі басқарсын», «Тәуелсіздік керек»,- деген ұрандар айтылды. Алматы гарнизонын жауынгерлік дайындыққа келтіріп, көп күшпен алаңдағы жастарды қоршап алды. Алматыға әр аймақтардан әскердің арнайы бөлімдері жіберілді. Өз елінің тәуелсіздігін талап етіп, шеруге шыққан жастарға «Бұзақылар», «Ұлтшылдар», «Нашақорлар»,- деген кінә тағылды. Көптеген студент жастар түрмеге қамалды, оқу орнынан шығарылды. Тәуелсіздік жолында Қайрат Рысқұлбеков, Ләззат Асанова, Ербол Сыпатаев, Сәбира тағы басқалары сияқты қазақ жастары желтоқсан оқиғасы кезінде қайсарлықпен ерлік көрсетіп құрбан болды.
«Ой ашар» сұрақ - жауап әдісі
- Отан дегеніміз не? Оны қалай түсінесіңдер?
- Біздің Отанымыз -....
- Біздің ана тіліміз қандай тіл?
- Елбасымыз кім?
- Балалар, біз қандай елміз?
- Қай жылы тәуелсіздік алдық?
Сонымен қатар біздің рәміздеріміз бар. Кәне, рәміздерді атап шығайықшы.
( әнұран, көк байрақ, елтаңба)

Біздің оқушылар Тәуелсіздік туралы тақпақтарын дайындап келді. Ал,кәне айтайық
1 - оқушы Рахметулла Амир
Сол бір сәтте бұлт торлады аспанды,
Алатаудың көзінен де жас тамды.
Тәуелсіздік желтоқсанмен бітпейді.
Тәуелсіздік күресі енді басталды.

2 - оқушы Айнагүл
Қатыгездік жұдырығы түйіліп,
Қамшы үйірді жасқап, жекіп бұйырып,
Желтоқсанда шықты үлкен алаңға
Ата - баба аруағына сыйынып.

3 - оқушы. Дина
«Нашақор»- деп, «ұлтшыл»- деп,
Қазаққа күйе жаққан күн,
Базары кетіп, бір түнде
Қайғыға халық батқан күн.

4 - оқушы. Аделина
Намыс үшін күрессең мазақтар кім?
Құлға айналу азабы азаптардың.
Қаны төгілді желтоқсан алаңында,
Бодандыққа көнбеген қазақтардың.
- Дүниені дүр сілкіндірген 1986 желтоқсан оқиғасының қаһарманы Қайрат Рысқұлбеков 22 - ақ жыл ғұмыр кешті. Елінің болашағы, бостандығы егемендігі үшін күресті.
Елбасымыз Нұрсұлтан Әбішұлы Назарбаевтың жарлығымен 1996жылы 9 - желтоқсан Қайрат Ноғайбайұлы Рысқұлбековке «Халық қаһарманы» атағы беріліп, айрықша ерекшелік белгісі мен «Алтын жұлдыз» тапсырылды. Сәбира, Ләззат, Ерболға тағы басқа желтоқсанға қатысқан жастарға «Желтоқсан қаһарманы» атағы берілді.
Желтоқсан құрбандарын еске алайық (1 - минут үнсіздік)

Тәуелсіздік он бір әріптен құралған. Он бір әріп не мағына береді екен? Соны ашып көрейік. Әріптің мағынасын ашып болғасын, бәрі бірге Тәуелсіздік мәңгілік болсын деп айтады.

Шығармашылық жұмыс
1 - топ: Елбасына құттықтау хат жолдау
2 - топ: Тәуелсіз елміз әңгіме жазу
Бәйге ойыны (сұрақтарға шапшаң жауап беруге тиіс, дұрыс жауап 10 ұпай)
1. ҚР - сы қандай мемлекет?
2. Қандай рәміздері бар?
3. Елтаңбада не бейнеленген?
5. Елімізде қандай мерекелер тойланады?
6. Еттен, сүттен жасалатын ұлттық тағамдарды ата?
2. Қазақстанның ірі қалаларын ата?
7. Н. Назарбаев қашан Президент болып сайланды?
«Жорға» ойыны әр оқушы 1 мин ішінде сұрақтарға жауап беріп үлгеруі тиіс
1. Республика күні
2. Конституция күні
4. Білім күні
5. Қыс айлары
6. Қазақ халқының ұлттық ойындары
7. Аптаның бесінші күні
8. Тәуелсіздік күні
9. Наурыз мерекесі қашан
10. Ақшамыз қалай аталады
12. Мемлекеттік тіл
13. Түйенің сүтінен дайындалатын сусын
14. Жылқының сүтінен дайындалатын сусын қалай аталады
Қорытынды
Сонымен балалар, бүгін біз дербес ел болып, уығымызды қадап, шаңырағымызды көтеріп, ерікті еркін мемлекетімізді құрып, Қазақстан Республикасы атанып, көк байрақ туымызды желбіретіп әлемге әйгілі болуымыздың өзі - осы Тәуелсіздікке қол жеткізуіміздің арқасы. Олай болса Тәуелсіздігімізге шаң жұқтырмай оны ең қымбат бұйымымыздай етіп құрметтеп, келер ұрпақтар қолына аманаттап тапсыруға тиіспіз. Елімізді ішкі - сыртқы дұшпандардан қорғауға міндеттіміз. Сонда ғана Тәуелсіздігіміз мәңгілікке мирас болмақ
Хор: Көк тудың желбірегені

№24 жалпы орта білім беретін мектебі

Тәуелсіздік мерекесіне арналған тәрбие сағаты:

Тақырыбы: «Тәуелсіздік –тұғырым»

Өткізген: қазақ тілі мен әдебиеті

пәнінің мұғалімі Есетова Г.А.