Тәрбие сағаты "Тәуелсіздікке-26жыл!"

Тәрбие сағаты

Тақырыбы: «Тәуелсіздікке -26 жыл!»

Мақсаты:

Желтоқсан көтерілісінің сипатын насихаттай отырып, желтоқсан құрбандарын мәңгі есте сақтау: жас ұрпақ бойына еліне, жеріне, ұлтына деген патриоттық сезімін қалыптастыру.

Мұғалім:

Құрметті 2 «Қ» сыныбының ата-аналары мен оқушылары бүгін еліміздің сан мыңдаған жылдар бойы армандаған, сол жылда дүр сілкіндірген Желтоқсан оқиғасымен келген, тарихымызда алтын әріптермен жазылып қалатын «Тәуелсіздік күні» мерекесіне арналған «Тәуелсіздікке -26 жыл!» атты ашық тәрбие сағатын назарларыңызға ұсынамыз.

1.Әдемі көйлек пен әдемі киімін киген балалар қолдарына жалауша ұстап музыка ырғағымен залға билеп кіреді.

2.Қазақстан Республикасының Мемлекеттік Әнұраны орындалады.

3.Оқушыларымыздың тақпақтарына кезек берсек.

№1 Саят

Тәуелсіздік – елдігім мен ерлігім,

Соған сүйін, Сүйсіне алсаң сен бүгін!

Мақтан соған, Қуан соған баладай,

Соған арнап жер жаһанның тер гүлін!

№2

Тәуелсіздік – азаттығың мәңгілік,

Соны жырла, Соны шырқа ән қылып!

Соны ғана әспеттеуге арналсын,

Барша дәстүр, Барша өнеге, Бар ғұрып!

№3

Тәуелсіздік-бұл елімні елдігі,

Тәуелсіздік- барлық елдің теңдігі.

Тәуелсіздік –елін,жерін қорғаған

Ербол менен Қайраттардың ерлігі.

№4

Қазақстан 26 жылын құтты болсын!

Мәңгі бақи елімізде өмір болсын!

Талайды таңқалдырып, тамсандырып,

Қазағымның әрқашан жолы болсын.

№5

Тойланып мың мереке, ұлыс күні

Құйылған шаңырақтан ырыс нұры.

Халқымның бақыты үшін аз байлық па,

Тәуелсіз еліміздің тыныштығы.

№6

Ақынның да көкейінде жыр тұнды,

Жүрегімді мазалайды бір сұрақ

Байлық бақыт керек емес өмірде,

Ең алдымен керек екен ынтымақ.

№7

Шаттық нұры шашылып зеңбіректен

Шуағын күн төгеді енді көктен.

Шылбыр үзді даланың арғымағы,

Тәуелсіздік жалауын желбіреткен.

№8

Дүбір қосып өзіңдей сәйгүлікке

Ақ боз аттың алдынан жанды үміт те.

Ту ғып ұстап аңсаған азаттықты,

Қазақстан бет алды мәңгілікке!

4.Ән «Желтоқсан желі»2 «Қ» сыныбының оқушыларының орындауында хор,

қабыл алыңыздар.

5. «Тәуелсіздік жолында» бейнежазбаға кезек береміз.

6.Тақпақтар

№9

Ел болдық ерік алдық Астаналы,

Енді кімнен қазағым жасқанады.

Тәуелсіз мемлекеттің шежіресі,

Нұрсұлтанның атымен басталады.

№10

Биік ұста тәуелсіздік жалауын,

Бірлік достық бейбітшілік қалауын

Мерейлі жыл 26 жылың құтты болсын

Бақ кетпесін әр үйіңнен қазағым.

№11

Биігім сол! Аңсап, самғап шығатын.

Шың деу керек. Оның рас, шын атын!

Тәуелсіздік – адамзаттың бақыты,

Оның, сенің асыл - арман мұратың!

№12

Мен – қазақпын мың өліп, мың тірілген,

Жөргегімде таныстым мұң тілімен.

Жылағанда жүрегім, күн тұтылып,

Қуанғанда күлкімнен түн түрілген.

№13

Мен – жігітпін, айқасқа, сынға асықпын,

Жүрегі бар кеудемде шын ғашықтың.

Жанартаудай жойқынмын жұлқынғанда,

Шарықтасам қыран боп шыңға шықтым.

№14

Жалғасып соғыс өрті сан ғасырға,

Біз көрдік хас дұшпанның балтасын да.

Еліме тәуелсіздік келіп жетті,

Мың жылдық күрестердің арқасында.

№15

Мен – қазақпын, бір биік белеспін мен,

Европа да, Азияда емеспін мен.

Аралықпын, жетінші материктей,

Бірақ барша адаммен тел өстім мен.

№16

Шалқы, қазақ, шалқитын заман келді,

Текке қанын төккен жоқ Аманкелді.

Кең далаңда керіліп, атыңды атап,

Жырла, қазақ, жаңа күй, жаңа ән келді.

7.Би: «Кішкентай ханзадалар»

8.«Жылдар сөйлейді»

1991ж-Саят 2012ж-Асылжан

1992ж-Бекболат 2013жАқбота

1993ж-Нұрислам 2015ж-Е.Аиша

1995ж-Даяна 2017ж-Ыклас

1996жН.Айша

1998ж-Бейбарыс

1999ж-Сезім

2000ж-Меруерт

2002ж-Фатима

2003ж-Нұрәлі

2005ж-Назгүл

2006ж-Шахноза

2007ж-Балым

2008ж-Нұртас

2009ж-Диасбек

2010ж-Ерік

2011ж-Дильназ

9.Флешмоб «Алға, Қазақстан!»

10.Тақпақтар

№17

Мен – қазақпын, жаныммен, жүрегіммен,

Еңбек өмір, ер өмір, жыр өмірмен.

Алабөтен болмаймын өзгелерден,

Өзгемен бір өзім боп жүремін мен.

№18

Мен – қазақпын, жан Отан, бел балаңмын,

Махаббаты сенікі жер - даламның.

Ана сүйсе бір жүрек, менше сүйсін,

Кешір мені, аса айтсам – мен де адаммын.

№19

Қандай дүние жетеді балауына!

Бәрі сенің, жан Отан, қалауыңа!

Өз бейнеңдей әлемге тұр танылып,

Қазақстан елтаңбасы , Жалауы да.

№20

Мен – қазақпын, биікпін, байтақ елмін,

Қайта тудым, өмірге қайта келдім.

Мен мың да бір тірілдім мәңгі өлмеске –

Айта бергім келеді, айта бергім!

№21

Биік ұста тәуелсіздік жалауын,

Бірлік, достық, бейбітшілік қалауын

Мерейлі жыл 26 жылдық құт болсын

Бақ кетпесін әр үйіңнен қазағым!

№22

Шындықты айтып қазақ халқы шырқырап,

Адалдықтың таңы атсын бұрқырап,

Ауыз бірлік мықты болсын ағайын,

Ең бірінші ырыс алды ынтымақ.

№23

2030 - дың біз барысымыз,

Жетістікке бастайды әр ісіміз

Өркениет елімді көркейтетін

Болашақ білімді патриот жастарымыз.

№24

Енді айтарым жастар елін сүйсін деймін,

Елі үшін, еркіндік үшін күйсін деймін.

Бұрынғы өткен батыр ер бабалардай,

Жерін, елін, халқын қорғап жүрсін деймін.

11.Би: «Біз енді кішкентай емеспіз»

12.Ән: «Көк тудың желбірегені»

13.Жеке ән: Саяттың орындауында

14.Хор: « Менің Қазақстаным»

Мұғалімнің қорытынды сөзі:

Туған халқымыздың тарихын, батыр ұл-қыздарымыздың ерлігін, жеріміздің байтақтығын, байлығын ақын ағаларымыз жырлап келеді. Сол жырларды жаттап, көкейге түйіп, елімізге лайықты азамат болып өсуге міндеттіміз, басқаша болуға біздің құқығымыз жоқ, бүгінгі бақытты күніміз үшін қаншама ерлер тер төкті, жанын қиды. Сол батырларымыздың армандаған ұрпағы біздің білімді, дені сау Отанымыздың лайықты ұл-қызы болып өсуі қажет. Апа - ағаларымыздың қайталанбас ерлігіне тағзым етеміз. Осымен құрметті қонақтар 2 «Қ» сынып оқушылары дайындаған «Тәуелсіздікке -26 жыл!» атты тәрбие сағатымыз аяқталды.