Тәрбие сағаты "Ұстаз ұлы есім"

Мақсаты: Оқушыларға ұстаз-екінші ана екендігін түсіндіре отырып, ұстазымызды құрметтеуге,сыйлауға тәрбиелеу. Мерекелерімен құттықтау.

Көрнекіліктер: Плакаттар,газеттер.

Жүргізуші:

Тәкаппар таулар жатқан жан-жағында,

Барып қайт,салқын жаулау малды ауылға.

Бір жер бар Қарасаз деп аталатын,

Көресің жолың түсіп барғаныңда-деп ақиық ақын Мұқағали атамыз жырлағандай,ақын да шыққан, батыр да шыққан киелі Теректі топырағына қош келіпсіздер!

Бәрі бірге: Құттықтаймыз мерекемен,құрметті ұстаздар!

Ә.Еспаевтын «Ұстазым» әні хормен орындалады.

1-оқушы.

Мектеп-кеме,білім-теңіз,

Барар жерге тез жетеміз.

Адаспаймыз ұлы жолда,

Ұстаз берген білім қолда.

2-оқушы:

Үйретіп бізге алғаш әліппені,

Ұстазым ғылымға жол салып берді.

Адамның ой-арманы,мақсаттары,

Оқудың сәулесінен жарық көрді.

3-оқушы:

Өмірге жол бір өзіңнен бастадым,

Алфабитті алғаш сенен жаттадым,

Ұстаз –ана,естен кетпес мәңгілік.

Мейіріммен арқамыздан қаққаның.

4-оқушы:

Нұр жүзінен жылы шуақ төгілген,

Шәкірттеркін сүйген таза көңілден.

Тағылым беріп жас ұрпаққа қашанда,

Өз соқпағын тапқан мына өмірден.

Ұ.Жолдасовтын «Бала тілегі» әні.

5-оқушы:

Байсалды мінезіңмен бір қалыпты,

Менің де көкейімде із қалыпты.

Ұстаттын қағаз,қалам қолыма өзің,

Ерінбей үйреттің де әр әріпті.

6-оқушы:

Беруші ең бізге айтып өлең-тақпақ,

Таласып алушы едік біздер жаттап.

Өзіңіз баға қойған күнделікті,

Жоғалтпай өмір бойы жүрем сақтап.

7-оқушы

Көзімдегі шырағым,

Ол өзіңсің мұғалім.

Сене жиған білім-нәр,

Нәрсені мол ұғамын.

Би: «Шөжелер»

8-оқушы:

Зәулім де асқақ шынарым,

Жүрек жылы жыр-әнім.

Ұлы бейнең-тұғырлы,

Ақылшы бек –мұғалім.

9-оқушы:

Тек биіктер шырағым,

Ақылшы дос мұғалім.

Жаныма серік етемін

Білімнің қайнар бұлағын.

Көрініс: Тілдің шұбарлануы.

10-оқушы:

Жүзің жылы,құшағың кең,

Сенен түлеп ұшамын мен.

Өзің берген біліміңнен,

Биіктерге шығамын мен.

11-оқушы:

Ұстаз деген-сырлас данам,арлы щың,

Шәкіртінен аямаған бар күшін.

Бұл өмірде адам болып қалуың,

Ұлы адамға шексіз-шексіз алғысым.

12-оқушы:

Білімнің кәсар бұлағын,

Жүресің құйп санама.

Біз үшін сенсің-мұғалім,

Ұстаз да,ғалым,дана да.

13-оқушы:

Көзге ыстық көрінер,

Оқулығы партасы

Оқу қызық болғаны,

Мұғалімнің арқасы.

Кеш соңында «Ұстазым» әні хормен орындалады.