Тақырыбы : «Ұстазым менің ұстазым!»

Мақсаты:

а) Оқушыларды ұстазды құрметтеуге сыйлауға үйрету. Ұстаз мамандығының қыры мен сырларын түсіндіру. Ұстаз еңбегін әрқашан бағалай білуге тәрбиелеу.

ә) Танымдық қабілеттерін арттыру. Мұғалім мен оқушы арасындағы байланысты нығайту.

б)Ұлағатты ұстаздарға құрмет көрсете білуге, адамгершілік қасиеттерге тәрбиелеу.

Көрнекілігі: нақыл сөздер, өлеңдер, гүл шоғырлары, шарлар

Сабақтың барысы;

Жұмбақ шешу

Білімнің дәнін тереді

Балаға тәлім береді (Ұстаз)

Білімнің -жолбасшысы,

Шәкірттің –қолбасшысы(Ұстаз)

Оқу-білім бағдары

Заманының бағбаны (Ұстаз)

Ұстаздар-ұлттың тірегі

Ұстаздар-мектеп жүрегі

Ұрпаққа жетер ұстазбен

Халықтың ұлы тірегі

Құрметті ұстаздар!Сіздерді дәстүрлі ұстаздар мерекесімен шын жүректен құттықтаймыз. баршаңыздың отбасыңызға амандық, бақ-береке, еңбектеріңізге шығармашылық табыстар тілейміз!

Ұстаз! Осы бір сөздің өзінде қаншама мән-мағына қасиетті ұғым жатыр.

Адамды тәрбиелеп , оны азамат етудің өзі бір үлкен күш, сондықтан да ұстаздың еңбегі –ұлы еңбек.

Ақырын жүріп анық бас

Еңбегің кетпес далаға

Ұстаздық еткен жалықпас

Үйретуден балаға

Оқушыларды топтарға бөлу.1.Білімділер 2.Алғырлар 3.Тапқырлар

Топтың шарттарымен таныстыру

1.Ұстаздарға арналған өлеңдер

Әр топ өзінің жаттаған өлең жолдарын оқиды.

2.Ұстаздар туралы ғұламалар мен ақын жазушылардың айтқан сөздері.

3.Нақыл сөздер айту.

4.Білгім келеді?

(Оқушылар көкейінде жүрген сұрақтарын ұстаздарға қояды.)

1.Армысыздар мұғалімдер әз - жандар

Білім іздеп инемен құдық қазғандар

Құшақ жая қарсы аламыз сіздерді

Би-билеп ән де бүгін шырқалар

Ізгілікті өн бойына жинаған

Қалап берген ірге тасын білімнің

Хош келіпсіздер –дүниеге сыйлы ұстаздар!

Кем көрмеймін сізді анамнан

Сізге ұқсап қудық біз де сан арман

Сіздей адам дүниеде көп болсын

Балалардың бақыты үшін жаралған

Ең аяулы есім ғой «Ұстаз» деген

Бар тіршілік бақыты ұстазбенен

Білім іздеп лапылдап жаңа берем

Мұғалім

Мұғалім ғазиз мұғалім

Сарқылмас мәңгі бұлағым

Ұланың бүгін тойыңда

Арнайды саған бұл әнін

Хор Ұстазым менің ұстазым

2.Алғырлар тобы

Ардақты менің ұстазым Білгір сөзі ммәнерлі

Әліппені оқытқан Ұстаз болам өнерлі

Білімнің кілтін ашатын Зерттеп терең ғылымды

Кеудеме сырды тоқытқан Зерлеп ерен ілімді

Білімді де зейінді Ұстаз болам білімді

Аяулы мектебім Өсіреді ой сананы

Бас иіп шәкіртіндей құрмет тұтып Өнеге мол өзіңе

Алдыңнан алғыс өлең шығар бүгін. Өсиет көп өзінде

Қолыңнан әр шәкіртің ұшқан түлек Көзімнің хошындай

Сыйлайды еңбегіңе алғыс құрмет Көп шәкірттің досындай

Мақтан! Мақтан! Мұғалім армиясы!- Ақ ниетті кең пейіл

Ұстаздарым осындай.

Тапқырлар тобы

Ұстаз білім беріп өсірген Анамдайсыз ,менің асыл ұстазым

Қатемізді әрқашанда кешірген Өтті бізбен көктем, күз, қыс, жазың

«Өмір жолы-қиын жол» деп әрдайым Жылдар бойы тәрбиелеп,аялап

Тәрбиелеп ақылды ғып өсірген Болашаққа байтақ бір жол нұсқадың

Білімнің кәусар бұлағын Қыр сырын зерттеп заманның

Жүресің құйып санама Ұлылығын айтып бабамның

Біз үшін сенсің мұғалім Өнеге, өріс беретін

Өзгеше тіпті басқадан Әр үйдің бір еркесін

Ол өзін арнап ел үшін

Осынау жүрген жақсы адам

2.Ұлы ғұламалар мен ақын жазушылардың ұстаздар жайлы айтқандарына кезек береміз.

1.Оқушы жастардың ең сенімді ұстазы,сыр жасырмай ашық айтатын адамы-мұғалім.

(Ғабит Мүсірепов)

2.Мұғалім өзінің білімділігімен, жүріс тұрысымен, жайдары мінезімен, тіпті сырт пішіні, кмген киміміен де оқушысына жақсы мағынада қатты әсер етеді(Мәлік Ғабдуллин)

3.Жақсы адам ғана басшы бола алады.(Жүсіп Баласағұни)

4.Ұстаз деген ұлағатты атауды естігенде, күні бүгінге дейін өзімді шәкірттей сезінемін.(Серке Қожамқұлов)

5.Оқытушы әлеуметтік әділеттіктің, адамгаршіліктің жаршысы болуға тиіс.(С. Көбеев)

6.Егер мұғалім өз бойына іс пен шәкірттеріне деген сүйіспеншілікті біріктірген болса, ол кемел ұстаз. (К. Ушинский)

3.Нақыл сөздер айту.

1.Ұстазы жақсының ұстамы жақсы.

2.Жақсы мұраптың атынан су ереді

Жақсы ұстаздың артынан шәкірт ереді

3.Ұстазға қарап шәкірт өседі

4.Қайратсыз ашу-тұл

Тұрлаусыз ғашық тұл

Шәкіртсіз ғалым-тұл

5.Атпаз көрген ат таныр

Ұстаз көрген хат таныр.

6.Ұстаз мәртебесі-ел мерейің

7.Ұстаздан шәкірт озар

Әр топтан оқушылар ардагер ұстаздар апайларға білгісі келетін сұрақтарды қояды?

1.Мамандығың туралы қысқаша айтып беріңіз?

2.Ұстаздық өміріңізден қызықты оқиғалар айтып беріңіз?

3.Шәкірттеріңіз ренжіткен кезі болды ма? т .б

Ән: Ұстазам менің ұстазым

Қорытынды Осымен Ұстазым менің ұстазым атты тәрбие сағатымыз аяқталды.Ұстаздарға гүл шоқтарын ұсыну.Төрт ертегіден үзінді көрсетіп, оның қандай ертегі екенін және ертегінің қай түріне жататынын сұрап білу.

Тақырыбы: Білекті бірді жығады, білімді мыңды жығады
Мақсаты: Сынып оқушыларының пәндер бойынша алған білімдерін байқау, тапқырлыққа, ұйымшылдыққа тәрбиелеу, топпен жұмыс істей білу.
Түрі: сайыс сабақ
Әдісі: топтық жұмыс, ой қозғау, сұрақ - жауап.
Көрнекілігі: топ аттары, сайыс түрлері, қима қағаздар.

1. Ұйымдастыру кезеңі.
2. Психологиялық дайындық.
Кіріспе сөз. Бүгін біз сендермен «Білікті мыңды жығар» атты интеллектуалды ойынын өткіземіз.
Оқушылар асық арқылы топқа бөлінеді.
1топ Алғырлар
2-топ Білімділер
3-топ Ойшылдар
Әр топ ұрандарын атап, өздерін таныстырады.

I. Қызықты пәндер
1- топ Алғырлар
1. Мәтін нешеге бөлінеді? (3)
2. Адам немен тыныс алады? (ауа)
3. Санды өрнек неден құралады? (саннан)
4. Қойдың төлі? (қозы)
5. 9 - бен 5 - тің көбейтіндісі? (45)
6. Қара алтын деген не? (көмір)
7. Ұлттық аспап не? (Домбыра)
8. Көкжиектің негізгі тұсы нешеу? (4)
9. Пайдалы қазбалар нешеге бөлінеді? (3)
10. Қандай тауықтың етін жеуге болмайды? (піспеген)

2 - топ Білімділер
1. 3 сағат 2 минутта неше минут бар?
2. Дыбыстар нешеге бөлінеді? (2)
3. Өсімдіктің жер асты мүшесі? (тамыр)
4. Ешкінің төлі? (лақ)
5. Дауысты дыбыстардың түрлері? (2)
6. 8 - бен 7 - нің көбейтіндісі? (56)
7. Тас көмір қайда көп? (Қарағанда)
8. Үш биді ата. (Төле, Әйтеке, Қазыбек)
9. Есту мүшесі (құлақ)
10. Ең үлкен үш таңбалы сан? (999)

3- топ Ойшылдар
1. 1 сағатта неше минут бар? (60мин)
2. Аяқталған ойды білдіреді? (сөйлем(
3. Адамға ең қажетті жағдайлар? (ауа, су, жарық)
4. 3 дм неше см (30 см)
5. Сиырдың төлі? (бұзау)
6. Адам денесінің тірегі (қаңқа)
7. 7 - мен 6 - ның көбейтіндісі? (42)
8. Сөйлем мүшелері нешеге бөлінеді? (2)
9. Күй атасы кім? (Құрманғазы)
10. Екі адам 4 сағат жол жүрді. Әрқайсысы неше сағат жүрді.

II. Ой толғаныс. Берілген суреттерден айырмашылықтарды 3 минут ішінде табу. Әр топтың айырмашылығын табуына байланысты қазылар алқасы баға береді.
1-топ.
Піл к3ті, піл к3ті емес, тіл күшті.
100 ден 1еу – шешен, 1000 нан 1еу – көсем.
Өнерлінің қолы 6н.

2-топ.
50 жылда ел жаңа, 100 жылда – қазан.
Ер жігіт 1 сырлы 8 қырлы болсын.
Ел құлағы – 50.

3-топ.
Ер жігіт 1де 1 кісілік, 1де 1000 кісілік.
Ер қаруы – 5 қару.
10 ет өлшеп – 1 рет кес.

ІІІ. Мақалдар сайысы.
Жалғасын тап.
1-топ:
1. Отан оттан да ыстық, (Жалыны бар шоқтан да ыстық)
2. Ел іші – береке, (Көп ісі - мереке)
3. Ер туған жеріне келер,
(Ат тұрған жеріне келер)
4. Еңбек етпей елге өкпелеме, (Теріңді төкпей жерге өкпелеме)
5. Білімдіге дүние жарық, (Білімсіздің күні кәріп )

2-топ:
1. Өнер – ағып жатқан бұлақ, (Білім – жанып жатқан шырақ)
2. Отансыз адам – (Ормансыз бұлбұл)
3. Әр елдің заңы басқа, (Иттері қара қасқа)
4. Болат қайнауда шынығады, (Батыр майданда шынығады)
5. Еңбегіне қарай – құрмет, (Жасына қарай - ізет)

3-топ:
1. Отан үшін күрес, (Елге тиген үлес)
2. Ағайын тату болса ат көп, (Абысын тату болса ас көп)
3. Ер жігіттің екі сөйлегені өлгені, (Еменнің иілгені сынғаны)
4. Еңбегің егіз болса, (Байлығың сегіз болады)
5. Ақылдыға жан қымбат, (Ақылсызға мал қымбат)

Мақалмен жауап.
1-топ:
1. Қар жанады ма? (Қалауын тапса, қар жанады)
2. Етікті қонышынан басып киюге бола ма? (қолыңнан келсе, қонышыңнан бас)
3. Оттан не ыстық? (Отан оттан да ыстық)
4. Отқа түсіп күймеуге бола ма? (Отан үшін отқа түс күймейсің)

2-топ:
1. Ең тәтті не? (Ананың сүті тәтті)
2. Инемен құдық қазуға бола ма? (Білім инемен құдық қазғандай)
3. Шошқа үре ме? (Қорада ит жоқта шошқа үреді)
4. Білгенің қанша, білмегенің қанша? (Білгенің бір тоғыз, білмегенің тоқсан тоғыз)

3-топ:
1. Адамның қай мүшесі қорқақ, қай мүшесі батыр? (Көз қорқақ, қол батыр)
2. Тауық түс көре ме? (Тауықтың түсіне тары кіреді)
3. Ер қаруы нешеу? (Ер қаруы – бес қару)
4. Ер неше рет, қорқақ неше рет өледі? (Батыр бір рет, қорқақ мың рет өледі)

Мақал - тест.
1-топ:
1. Туған жердің.... күйесіз.
А) үйі ә) түтіні б) ары
2. Кәсібі бардың..... бар.
А) нәсібі ә) ақшасы б) бағы
3. Ерінбеген..... су ішеді.
А) електен ә) құдықтан б) шелектен
4. Кітап......, білім тоқығандікі
А) алғандікі ә) оқығандікі б) сатқандікі
5. Кісі аты тершіл, кісі киімі.....
А) ақшыл ә) қалың б) кіршіл

2-топ:
1. Ата - анаң отырған.... төбесіне шықпа.
А) үйдің ә) дөңнің б) төбенің
2. Әкенің қадірін..... болғанда білерсің
А) қарт ә) бастық б) балалы
3. Жығылып жатып..... күлме
А) сүрінгенге ә) жүгіргенге б) тұрғызғанға
4....... уақыт соққан желдей тез өтер
А) тығыз ә) жақсы б) бақытты
5. Шын жолдас.... берік, ерге серік
А) болаттай ә) жауға б) сөзге

3-топ:
1. Сәуір болмай..... болмас
А) тәуір ә) күн б) жаңбыр
2. Жасыңда қылжың болсаң, өскенде.... боларсың
А) ақылды ә) суық б) мылжың
3. Бір аштықтың, бір.... бар
А) тоқтығы ә) тамағы б) берері
4. Анасын сүйгеннің.... сүй
А) өзін ә) баласын б) анасын
5. Отан.... басталады.
А) уйден ә) қаладан б) отбасынан

Көрермендермен жұмыс.
Көрсетілген суреттерге мақал айту (гүл, қыз, ана, кітап, батыр)

Кім тапқыр?
Мақалды қимылмен, ым - ишарамен түсіндіреді. Топтар табуы керек.
1. Қолы қимылдағанның, аузы қимылдар.
2. Еңбек етсең ерінбей, тояды қарның тіленбей.
3. Анаға қарап қыз өсер,
Әкеге қарап ұл өсер
4. Таспен атқанды аспен ат
5. Отан оттан да ыстық

Қорыту.
Мұғалім: Міне «Білімді мыңды жығар» атты сайыстан сайыскерлерімізді анықтайтын кезге жеттік.
Алдағы уақытта тек білімнің биігінен көріне беріңдер деген тілекпен сайыс сабағымызды аяқтаймыз.
Сайысқа қатысқан оқушыларымызды мадақтап, марапаттаймыз.