Тақырыбы: Туған жер көрікті мекенім!

Мақсаты: Сырдария өзенінің ауыл өміріне пайдасы туралы түсіндіру

Әдістер;сұрақ – жауап, түсіндіру, ой – қозғау

Көрнекілігі: суреттер

Өтілу барысы:

Ой қозғау;

Үнтаспадан ауыл туралы ән тыңдау. Әннің мәтініне назар аудару. — Ән не туралы баяндалған?

Әннің әуеніне құлақ түріңдерші?

Сендерге қандай әсер берді?

Әрине, ауыл туралы сыр шертеді.

Ендеше ауыл туралы өз ойларыңды айтыңдаршы.

Ауыл дегенде көз алдарыңа не елестейді? – деген сұраққа не деп жауап берер едіңдер?

-Ауыл – қазақтың алтын бесігі, түп төркіні.

-Ауыл десе кең жайлау, ағынды өзен, асқар тау елестейді.

-Ауыл десе сиыр сауған апаларымыз, қымыз сапырған әжелеріміз елестейді.

-Ауыл десе асыр салып ойнаған ауылдың қара домалақ баласы елестейді.

— Ауыл десе жеті қанат киіз үйі, құрт пен майы, ірімшігі еріксіз еске түседі.

Ендеше бүгінгі сабағымыз сол ауыл туралы болмақ.

Мағынаны тану,

Ауыл туралы өлеңдермен танысу

Ауылым – алтын бесігім

Жүрегім, жырым сенікі

Кеңесті далам, кең далам

Тудым өстім есейдім.- деп ақындарымыз жырлаған.

Ауыл десем, мал елестер көзіме

Ауыл десем, дән елестер көзіме.

Ауыл десем ер саламын құр атқа

Ауыл десем, ән естілер құлаққа.

Жайқалған шалғын

Қазына толы. Байлығы тасқан,

Толассыз қарқын, Арманы асқан

Маңырап малы. Бақытты менің ауылым.

Сенімді жолмен бастасын, Аттаған жаңа заманға,

Халқымның алып батасын. Ауылым менің жасасын!

Мұғалімнің баяндауы:

Сырдария өзенінің жағалауында орналасқан Абай ауылы өңірі-береке дарыған ел. . Бүгінде бұл өңірде жүздеген шаруагерлер мыңғыртып мал өсіріп,атакәсіптің ырзық-берекесін көріп отыр Ауыл толықтай суландырылған. Халықтың күнкөріс жағдайы жақсы деңгейде. Олардың бірқатары шағын кәсіпкерлікпен,сауда-саттықпен,бақша өсірумен,мал бағумен айналысады. Көшелер жаңарып,жаңа құрылыстар көбейіп,ғимараттар көріктендірілген. Ауылда емхана,балабақша,мектеп,әкімшілік ,клуб,мешіт,дүкен ғимараттары бар.

Өзіндік жұмыс: «Ауылым-алтын бесігім» тақырыбына әңгіме жазу.

Үлгілерін ұсыну

І.Қала әдемі, үлкен болса да мен өз ауылымды сағынамын. Ауылда тұрамын осында менің әкем, анам, әпке, сіңілім, інім, бауырларым. Менің ұстазым, достарым. Біздің ауыл шағын бірақ бізге керек бәрі бар; балабақша, үлкен, жаңа мектеп, клуб үйі, мешіт,емхена. Мектепте барлық үйірмелер бар. Біздің ауылда бақ пен бақшы егіледі,мал бағады..

ІІ. Маған жылдың барлық мезгілдері ұнайды.Себебі біздің ауыл жылдың төрт мезгілінде де әдемі.Қыста айнала аппақ.Сырдария мұға айналады.Көктемде айнала жасыл шөп.Сырдария гүрілдеп ағып жатады. Айнала көктеген жиде,шие,өрік гүлдеп иісі жағымды болады. Жазда әр бақта піскен өрік,алма алмұрт.. Әрқашан ата - анам бауырларым қасында аман болсын!

ІІІ. Ауылда өз отбасынмен бірге тұрғанды ұнатамын, кешкі дастарханда бірге отырып тамақтанғанды жақсы көремін. Жазда үйдің ауласындағы сәкіде шәй ішеміз. Бауырларымның бәрі жиналып у - шу боламыз.Менің туған ауылым – мақтанышым.

Ой қорыту:

«Ауылым-алтын бесігім» сурет салу