Тәрбие сағаты.Қыздар,көктем гүлі! 2 сынып

Қыз сыны

Мақсаты: 8-наурыз туралы түсінік беру, көктем мерекесін сезіне отырып,

ару қыздардың өнерімен ақылдылығын анықтау; тапқырлығы мен

ақылдылығын анықтау, ортада, сағнада өзін еркін ұстауға үйрету,

тіл байлығын дамыту, сахна мәдениетіне баулу, қыздардың

еңбегін бағалап, сыйлауға, құрметтей білуге тірбиелеу.

Барысы:

Мұғалім: - Армысыздар, ардақты да қадірлі, аяулы, сымбатты біздің аналар, ұстаздар, ару қыздар!Өздеріңізге арналған «Қыздар!Көктем гүлі!» атты Қыз сыны 2018 байқауын бастаймыз. Қош келдіңіздер!

1.Өлең М.Мақатаев «Шеше »

2. Ана өмір қолдаушысы әлемнің

Шаңырақтың шаттығы мен шуағы

Сейілмесін жанарынан ананың

Тіршілікке төккен нұрлы шуағы

Аялайық аналарды әрдайым

Қуанышқа бөлейікші өздерін

Әжелердің, аналардың,қыздардың

Мұң шалмасын күлім қаққан көздерін – дей отырып 2 « В» сыныбының «Қыздар! Көктем гүлі!» атты тәрбие сағатымызды бастаймыз.

1-жүргізуші: Шыңғысхан Армысыздар, абзал аналар, ақ жаулықты әжелер, көктем гүліндей жайнаған апайлар мен аяулы қыздар!

2-жүргізуші: Тамерлан Сіздерді көгілдір көктемнің шуақты күндерімен бірге келетін 8-наурыз халықаралық әйелдер күнімен шын жүректен құттықтаймыз.

1-жүргізуші: Шыңғысхан Қазақ халқының ұрпақтан ұрпаққа жалғасып келе жатқан даналығы мен терең саналығын, әдемілігімен, сұлулығын бойына дарытқан қазақ қыздарының табиғат берген көркемділік недеген керемет десеңші.

2-жүргізуші: Тамерлан Ия... Бүгінгі байқауға қатысушы қыздарымызда осы талаптарға сай өнер көрсетері сөзсіз.Ендеше, бүгінгі талапкеріміз қандай номинациялар бойынша өнер көрсететінін таныстырып өтпейміз бе?

1-жүргізуші: Шыңғысхан Олай болса, байқауымыз мынадай номициялар бойынша өтеді:

1. «Менің бейнем» (Өзін таныстыру)

2. «Өнерлі өрге жүзер» (Өнер сайысы)

3. «Мен анамның гүлімін» (Ана туралы сыр шерту)

4. «Көрермендер көзайымы» (Киім үлгісі)

5. «Білімдіге бес сауал» (Сұрақ-жауап)

6. «Менің сүйікті асым» (Өзінің сүйікті асы туралы айту)

2-жүргізуші: Тамерлан

Мінекей, байқауымыздың шарттары қиында, қызықтыда

1-жүргізуші: Шыңғысхан Тіл байланып қалатындай көргенде

Сұлулықты соған ғана берген бе

Кімде болса бас иеді мойындап,

Қарсы алдына қазақ қызы келгенде-дей келе бүгінгі байқауға қатысушыларға сәттілік тілей отырып, қошеметпен ортаға шақырайық.

2-жүргізуші: Тамерлан

Ән менен өлең жырды дестелеген,

Ою ойып, өрнектеп, кестелеген.

Он саусағы майысқан шеберіміз

Ол біздің ару қыз Айша деген

1-жүргізуші: Шыңғысхан Бұраңқағып майысқан қыпша белі

Аялап еркелеткен туған жері

Өнерлі де сүйкімді, бұл дара қыз

Қарсы алыңыз,көрермен бұл Азима қыз!

2-жүргізуші: Тамерлан

Атыңнан айналайын Аяла деген,

Сенің ісіңе жақсы баға берген.

Жеңіс туын тігерсің болашақта,

Үміті зор осы мектептің саған деген.

1-жүргізуші: Шыңғысхан

Білімді оқу озаты сыныптағы,

Талай қиын істерді құрықтады.

Айарудың алдыңда талай іс тұр

Болашақта жандырар білімді тағы

2-жүргізуші: Тамерлан

Қыздар деген қыр гүлі,

Қазақ қызы үлгілі.

Жақсылыққа ұмтылған

Бану атты бір гүлі

1-жүргізуші: Шыңғысхан

Шәкіртісіз ұстаз ісі,

Жарқырамай, жанама

Жеті өнерде жеткіліксіз

Дариядай қызына!

2-жүргізуші: Тамерлан

Отбасының еркесі,

Жарқыраған жұлдызы.

Сабақты жақсы оқитын

Еңлік деген бұл қызы!

1-жүргізуші: Шыңғысхан

Сабақтан еш қалмаған

Ерінбей оқып талмаған

Боламын дейді үлгілі

Амина қыз сүйкімді

2-жүргізуші: Тамерлан

Ата-анасы теңейді күн көзіне

Сыныптағы ең көркем қыз,өзі тегі

Шақырамыз Аминадай нәзік гүлді

1-жүргізуші: Шыңғысхан

Қарсы алыңыз көрермен

Келе жатқан сұлуды

Өнерлі де,білімді

Баяндай біздің сұлуды

2-жүргізуші: Тамерлан

Жақсы әдепті, жақсы ісі,

Бойына әр кез теретін.

Жақсылырдың жақсысы

Шұғыла ханым келеді

1-жүргізуші: Шыңғысхан

Өлең оқып,би билеп,ән салады

Жеңу үшін қиынды

Қарсы алыңыз көрермен

Дариядай сұлуды

2-жүргізуші: Тамерлан

Әділдікпен баға берер аруға

Әділдікпен ақылды жаруға.

Алқасына салайық қазылардың,

Ақ аруды талдап бүгін алуға- деп бүгінгі сайысымызға берер қазылар алқасымен таныс болыңыздар!

1.

2.

3.

1-жүргізуші: Шыңғысхан

Бүгін біздің мектепте дүбірлі той,

Ден қойып тыңдаңыздар көңілді қой.

Әннен шашу шашылсын, сыр шертіліп,

Қош келдіңіз халайық, сергісін бой!

2-жүргізуші: Шыңғысхан

Қыз сыны, қыз өнері, қыз әдебі

Тал бойына жарасқан күлкі әдемі.

Бір көргенге болмайық сахнада

Өмірде сақталсыншы ұлт әдебі- дей отырып біз байқауымызды бастаймыз. Бірінші сайыстың шарттарымен таныстырып өтсем.

• Бірінші байқауымыз «Менің бейнем» деп аталады. Яғни, қыздарымыз өздерін таныстырады.

1-жүргізуші: Шыңғысхан

Ал, кімнің өнері бар қаншалықты,

Би билеп сайыста бәйге алуға

Арулар аянбай-ақ жар салыпты

2-кезеңде барынша аруларымыз өз өнерлерін көрсетеді.

2-жүргізуші: Тамерлан

Наурыз күні-ана күні, әлем күні

Әлемді тебірентер ана үні.

Анасыз жан туған жоқ жер бетінде

Ұғып ал, аруларым, сендер мұны – дей отырып

«Мен анамның гүлімін» атты сайысымызды бастаймыз. Бұл сайыс барысында ана туралы өлеңді мәнерлеп оқиды.

1-жүргізуші: Шыңғысхан

Гүл көктемнің ерекше аппақ нұрысың.

Қыздарымыз әдемі әсем гүлісің,

Жарасымды балаға бүгінгі күн

Ұсынамыз жаңаша сән үлгісін

• Бұл бөлімде аруларымыз сән үлгісін көрсетеді.

2-жүргізуші: Тамерлан

Қазылар алқасының бұл бөлімнің бағасын сұраймыз.

Келесі бөлім «Білімдіге бес сауал» деп аталады. Аруларымыз билет алу арқылы сұрақтарға жауап береді. Енді ортаға барлық қыздарды қошеметпен қарсы алайық.

1-жүргізуші: Шыңғысхан

Тұз емес пе, астың дәмін келтірер,

Қыз емес пе, үйдің сәнін келтірер.

Қыздың жинаған жүгіндей демейміз бе,

Сұлулық пен нәзікті білгізер дегендей

• Бұл номинацияда байқауға қатысушыларымыз өздері жақсы көретін тағамдарымен таныстырады.

2-жүргізуші: Тамерлан

Халқымыздың ежелгі үрдісі бар

Адастырмас оң жолдан үлгісі бар.

Зерделі ол, зейінді келіп сынар – дей келе қазылар алқасының қорытындысын тыңдайық.