«Көктем аруы-2017» байқауы

Мақсаты: Қыз балалардың жан дүниесіндегі көркемдік талғамын қалыптастыру. Балалардың танымдық және шығармашылық қабілетін, эстетикалық талғамын, шеберлігін дамыту. Көпшілік алдында өзін-өзі ұстай білуге, әдептілікке, мейрімділікке, сұлулыққа тәрбиелеу.

Жүргізуші: Армасыздар, құрметті әріптестер, аяулы ата-аналар, көрікті қыздар. Көктемнің алғашқы 8-наурыз мерекесі құтты болсын!

Өмірдің иесі сен ғана ғазиз ана,

Келтірген дүниеге нелер дана.

Анасыз батыр да, жоқ ақын да жоқ,

Өмірдің алтын кілті сонда ғана.

Деп жырлағандай бүгінгі мектепалды даярлық тобының бүлдіршіндерінің «Көктем аруы-2017» қыздар байқауына қош келдіңіздер!

Қыз сыны ,қыз өнері, қыз әдебі,

Тал бойына жарасқан күлкі әлемі.

Бір көріп таң қалдырмай сахнада,

Өмірде сақталсыншы бұл әдебі – деп ару қыздарымызды ортаға қошеметпен шақырайық.

Ер балалар қыздарды ортаға шығарады.

1-ару Алтай Инабат Нұртайқызын қарсы алайық

2-ару Әзірхан Айару Тілегенқызын қарсы алайық

3-ару Әлібек Алина Қанатқызын қарсы алайық

4-ару Бақытжанова Ансағаным Мұхтарқызын қарсы алайық

5-ару Бақтығали Милана Әділқызын қарсы алайық

6-ару Гапарова Милана Ерболқызын қарсы алайық

7-ару Жангужиева Милана Кайырбекқызын қарсы алайық

8-ару Жумашева Айару Талғатқызын қарсы алайық

9-ару Захарина Аружан Ринатқызын қарсы алайық

10-ару Қайратова Фатима Қайратқызын қарсы алайық

11-ару Кенжебек Нұрсана Дәуренбекқызын қарсы алайық

12-ару Мақсот Ақдана Сейтқалиқызын қарсы алайық

13-ару Пазыл Айару Нұрхатқызын қарсы алайық

14-ару Есенгалиева Аяна Санатқызын қарсы алайық

15-ару Серік Адияны қарсы алайық

Қызар әділқазылар алдынан реттік нөмірлерін суыру. (Ер балалар қыздарды сахнадан шығарып салады) Ер балалардың орындалуында ән: «Апам үшін»

Жүргізуші: Өнерпаздар өнерін салыстырып,

Бәйге үшін терлетер шабыстырып.

Әділдікті қолдайтын баға беріп,

Жіберейік әділ қазыларды таныстырып.

Жүргізуші әділқазы алқаларымен таныстырады.

1.

2.

3.

4.

Сайыс төрт бөлімнен тұрады:

1. Таныстыру. Байқауымыздың осы бөлімінде аруларымыз өзін-өзі таныстырады. (өзі, отбасы ,сүйікті ісі туралы айтып береді) 1-2 минут

2. «Өнерлі өрге жүзеді» бұл бөлімді аруларымыз өз өнерлерін көрсетеді. (би немесе ән, қалауы бойынша) 5 минут

3. «Қыздарға әсемдік жарасады» сән үлгісін көрсету. 3 минут

4. Сұрақ – жауап сайысы. 1 минут

Жүргізуші: сайысымыздың алғашқы бөлімі

1.«Таныстыруға» кезек берейік.

Өнер қуып арулар өтер дейміз,

Бір басына өнері жетер дейміз.

Сайысқа түскен қыздар кезектесіп,

Өздерін таныстырып өтер дейміз.

Қыздар өз-өздерін таныстырады.

2. Ендігі кезекте «Өнерлі өрге жүзер» бөліміне ару қыздарымыз дайын болғанша ер балаларымыздың аналарына арнап айтатын өлең жолдарына кезек берейік.

Избасар:  Мәпелейді, әлдилейді, бағады.
            «Құлыным» деп құшағына алады
             Өзгеге де, өзіне де жауапты
             Барлығына қалай уақыт табады?!

Иса: Мен анамды сүйемін, 
           Құшағына енемін.
          Мәпелеген анамды, 
          Қуантсам деп келемін.

Бауыржан: Анам менің сүйіктім
              Тек өзіңе табынам.
             Қасымда жүрсең биікпін, 
             Алыстасаң сағынам.

Ж.Әлихан:  Мені жақсы көреді
              Күндей күліп келеді
             Көп ертегі біледі
             Маған айтып береді.

Санжар: Анаң болса қасында
                 Басқа бақыт не керек
                Аналардың жүрегі
                Мейірімді ғой керемет.

Нұрсултан: Наурыздың сегізі

Сұлулықтың негізі

Әдемі сөз баланың

Анаға айтар лебізі

Мадияр: Әлпештеген аялаған,

Ақ сүт берген апатайым.

Сәлем жазып бүгін саған,

Мейрамынмен құттықтаймын.

К.Әлихан: Айналайын анашым,

Аялайсың бағасың.

Сен үшін балалармен,

Ән шырқайық бәріміз.

Назир: Мұрат мүлде мақсатым

Жақсы күн мен жақсы түн.

Нағыз бақыт ананың,

Ақтау дер ем ақ сүтін.

Абдірахман:Сенен өскен балалар,

Батырлар мен даналар.

Құттықтаймын мерекеңмен,

Құрметті аналар!

3. Келесі сайыс «Қыздарға әсемдік жарасады»

Қыздар келесі сайысқа дайын болғанша ер балаларымыздың өнерлерін тамашалайық ән: «Қуыршақтар»

Ал халайық ықыласпен демейік,

Арулардың сән үлгісін көрейік.

Сыры мен сымбатына қарап біз,

Әділдікпен бағаларын берейік.

Арулар реттік номерлері бойынша бірінен кейін бірі сән үлгісін көрсетеді.

4. Келесі сайыс сұрақ-жауап.

Сырлары көп ғылымның,

Шешілмеген әлі де.

Тереңдігі білімнің,

Керек екен бәріне-дей келе кезекті сұрақ-жауапқа берейік.

Қыздар сұрақтарға жауап береді.

Барына риза болсын көрермендер,

Көрсетті өнерлерін жас өрендер.

Осымен сайысымыз аяқталсын,

Қазылар берсін енді шын бағасын.

Қыздарды мадақтап құрметтеу.

Әділ қазылар бағалап болғанша ер балаларымыздың өнеріне кезек беремін ән: «Анашым, анажаным»

Қазылар орнықтырар әділдікті,
Кімдердің жауаптары кәміл шықты.
Өнерлі, білімділер жарысында,
Жеңіске жетер дейміз нағыз мықты.

1. Әділ қазыларға сөз беріледі.
2. Сайысқа қатысушы бүлдіршін арулар марапатталады.
«Көктем аруы-2017» бас жүлде I-орын 2-орын II- орын 3-орын III-орын 4-орын «Білімді Ару»
«Өнерлі Ару»
«Іскерлі Ару» «Әсемпаз Ару» « Көрермен көзайымы Ару»
3. Қорытынды сөз.
Осымен байқауымыз өз мәресіне жетті. Ару қыздарымызға рахмет айтамыз. Мерекелеріңіз құтты болсын!

№ 20 орта жалпы білім беретін мектеп

Сыныптан тыс шара

«Көктем аруы» байқауы

Тәрбиеші: Усанова Р.И

Орал-2017ж