«Тәрбиеші- ұлы тәрбиенің тірегі»

«Тәрбиеші- ұлы тәрбиенің тірегі»

Тәрбиеші болу үшін,

тәрбиеленген болуың керек. 
С.А.Макаренко

Адам өзінің болашақ кәсібіне әр түрлі жолдармен келеді. Біреулер үшін ойға алған арманның орындалуы, келесі біреулер үшін – жаңалыққа, жеке тұлғаға талпыныс, үшінші біреулерге – әйтеуір бір мамандық иесі болу болды.

Мамандықты таңдау үшін, адам ең алдымен өзін тануы қажет. Әрине таңдау жасау оңай емес. Ең бастысы – адам еңбекке қабілетті болуы қажет және оның мамандығы өзі өскен ортаға үлес қосатындай болуы шарт. Өз ісіне сенімді, дұрыс таңдаған адам ғана жетістікке жетеді. Адам еңбегінен қуанышын таба білсе, бойына жаңа күш қосылып, еңбекке деген шабыты арта түседі. Шабытпен істеген өз мамандығын биігіне жеткізетін қанат.

Әр мамандықтың  өз қиындығы, өз қызығы бар. Менің мамандығым-тәрбиеші. Тәрбиеші жұмысы күрделі де, қызықты да, жауапты. Тәрбиеші – болу оңай  жұмыс емес.Менің мамандығым әлемдегі ең қажет мамандықтардың бірі. Сондықтан мен  мамандығымды мақтан тұтамын

Балабақшаға кіргенде жас бүлдіршіндердің жағымды үндері, сыңғырлаған күлкілері «Сәлеметсіздер ме, балалар?» деген сөзіме берген балалардың

«Сәлеметсізбе ?» деген жауабы бір сергітіп,

серпілдіріп тастайды. Сондықтанда, бұл сөз мен үшін қадірлі, мен үшін құдыретті сөз. Күнде таңертең жұмысқа келгенде, балалармен бірге болған әрбір уақытым мені жаңа әлемге жетелегендей болады. Алдымда отырған жас бүлдіршіндерімнің сүйкімді де, әдемі жүздерін көрсем, әрбір үйдің ерке баласының жүздерінен не нәрсені де білуге құштар екенін сұраулы жанарларынан байқаймын.

Тәрбиешінің жұмысың жеңіл деп айтуға болмайды. Бұл тынымсыз күнделікті жұмыс, менің мойынымда кішкентай баланы тәрбиелеу үшін үлкен жауапкершілік жатады. Мен дұрыс мамандық таңдағанымды білемін.