Тарих біздің өткеніміз бен бүгініміз!

Тарих ол біздің өткеніміз бен бүгініміз екені бәрімізге хақ. Тарихты білу-сонау өткен замандағы маңызды оқиғаларды, сол кезеңдегі адамдардың өмір-тіршілігін оқып-үйрену. Адамзаттың дамуы барысында жинақтаған мәдени жетістіктерімен, айтулы тұлғалардың жарқын істерімен танысу. Өткен өмірден сабақ алып, қателікті қайталамауға тырысу, келешекті болжай білуге талпыну. Тарих пен шежіре – ұлтжанды азаматтарды тәрбиелеп өсіреді.Сонымен бірге азамат баласының бүкіл тарихына ой жүргізетін жол. Біздің мақсатымыз — халқымыздың әлем тарихында алатын өзіндік орнын, атқаратын қызметін сезіну. Барлық оқулықтарда тарихты өткеннің ғылымы деп жазады. Тарих – көп жылдар бұрын әлемде, елімізде немесе туған қалада болған оқиғалардың жазбасы. Тіпті қазір біздің басымыздан өтіп жатқан нәрсе де бір күні тарихқа айналып, мектеп оқулықтарына енеді. Өз халқыңыздың тарихын білу, бұрыннан бүкіл әлемде не болғанын түсіну сияқты маңызды. Тарих бізге жағымды және жағымсыз мысалдарды үйретеді. Біз өткен қателіктерден сабақ алып, оны қайталамаймыз .Тарих арқылы басқа халықтардың құрылымынан, олардың заңдары мен бизнес жүргізу тәсілдерінен пайдалы нәрсені үйреніңіз, өз еліңіз үшін сәтті жобаларды қолданыңыз. Өз өлкеңіздің тарихын білу пайдалы ғана емес, сонымен қатар қызықты. Елімізде, біз туып-өскен, өмір сүріп жатқан қалаларда қандай соғыстар мен төңкерістер болғанын есте сақтау маңызды. Қазір біздің үйлер орналасқан көшелерде адамдар көп жылдар бұрын қалай өмір сүргенін, қалай киінгенін, не жегенін, не мінгенін, кіммен жауласып, кіммен қызметтес болғанын білу керек. Тарих бізді өткен күндердің қателіктеріне бой алдырмай, қорытынды жасап, сәтті жобаларды үлгі ретінде таңдауға үйретеді. Сонда мектеп оқулықтарында біздің дәуіріміз туралы, ғылымдағы, мәдениеттегі, өндірістегі, ауыл шаруашылығындағы және басқа да қызмет салаларындағы жетістіктер туралы жағымды мәліметтер ғана жазылады. Өткеніңді білмей, болашаққа қарау қиын деп талай ұлылар айтқан. Күн сайын тарихта қалатын оқиғалар болып жатыр және олардың қандай болатынына біздің ұрпақ жауапты. Сондықтан өз қалаңның, өз еліңнің, бүкіл дүние жүзінің тарихын зерттеп,ойға түйген дұрвыс