Тәуелсіз елдің жасұландары

Серебряково жалпы орта білім беретін мектебінде «Жас Ұлан- жарқын болашақ» атты тәлімгер мектебі семинарының «Жас Ұлан» бірыңғай балалар мен жасөспірімдер ұйымының салтанатты қабылдау жиыны оздырылды. «Жас Ұлан» ұйымы қатарына 23 оқушы, «жасқыран» қатарына 12 оқушы қабылданды. Салтанатты жиынға қалалық «Жас Ұлан» бірыңғай балалар мен жасөспірімдер ұйымының атқарушы-хатшысы Хасанова Манзура Маутовна және қалалық мектептің аға тәлімгерлері қатысты. Салтанатты жиынды Қазақстан Республикасының Гимнін шырқалды. Мектеп директоры Саттыков Нұрлан Нариманұлы ашып, қатысушы қонақтарды, оқушыларды мерекелерімен құттықтады. «Жас Ұлан» бірыңғай балалар мен жасөспірімдер ұйымының атқарушы-хатшысы Хасанова Манзура Маутовна ұйымға қабылданып отырған оқушыларды құттықтап, Елбасы қолдауымен құрылған ұйымға мүше болудың үлкен жауапкершілігі бар екендігін атап өтті. Одан соң мектебіміздің «Жас Ұлан» белсенділері " Біздің арман-қиялымызға қанат бітіріп, болашығымызға жол сілтеп, бағыт беретін ұстаздарымыз барда, тәлімгер-ұстаздарымыз барда, Ана тіліміз, Ата заңымыз, Елтаңбамыз, Туымыз, Әнұранымызды бойындағы бойтұмарындай етіп еліміздің, еркіндігін сақтап, Келешектің кемел кілтін, жарқын болашақтың туын нық ұстау біздің қолымызда!" деген ұрандармен сахнада сап түзеді.  Қонақтар балаларға аспан түстес галстуктар мен төсбелгілерін тағып, Жасұландықтарға және жасқырандықтарға елімізді алға жетелейтін халыққа қалаулы азаматтар мен азаматшалар болуды тіледі. Сондай-ақ, "Жас ұланға" қабылданған әрбір оқушы ант берді. «Жас Ұлан» Гимнін шырқады. Жиын соңында қалалық мектеп тәлімгерлері ұйымға қабылданған оқушыларды құттықтап, сөз сөйледі.