Мерзімі: 1.12.2021ж Мектеп: "Дарын" мектеп-интернаты

Тәрбиеші: Рахимова М.Р.

Сабақтың тақырыбы: 

«Тәуелсіз елдің көшбасшысы»

Мақсаты:

Елбасының  өмір жолынан үлгі  ала  отырып Отанын, халқын  сүюге, ер жүректілікке, нағыз азамат, патриот болуға  тәрбиелеу. Елін сүйген, елі сүйген Елбасынан үлгі алуға тәрбиелеу.

Қазақ халқының Тұңғыш Президенті Нұрсұлтан  Әбішұлы Назарбаевтың  өмір  жолы, туып - өскен, оқып  білім  алған, қызмет  еткен жерлері   туралы  мағлұмат  беру. Мемлекетімізді мығымдап берген, халқымызды әлемге танытып, алаш баласының абыройын асқақтатқан Елбасының кісілік келбетін меңгерту.

Оқушыларға Елбасының сан қырлы талант иесі, құдіретті тұлға екендігі туралы ойларын дамыту.

Түрі:

Эссе жазу

Сабақтың барысы:

Ресурстар

І. Ұйымдастыру кезеңі

Сәлемдесу назарын аудару, психологиялық ахуал туғызу.

Тәуекелі тұратындардың ғана қолы жетпесе, Тәуелсіздік бола ма?

Азаппен, арпалыспен келмесе, Азаттық бола ма?

Оңайлықпен келсе, оның қадірі бола ма?

Қадірі жоқ нәрсе қолға ұзақ тұра ма?

                                                                        Н.Назарбаев

Армысыздар, бармысыздар құрметті оқушылар! Бүгінгі күн бізге оңайлықпен келген жоқ. Тәуелсіз ел атану үшін, қаншама аға-апаларымыз, ата-бабаларымыз тер төкті. Соның арқасында бүгінде біз, Тәуелсіз, дербес, әлем таныған Қазақстан атанып отырмыз. Қазақ деген атымызды алғанға дейін қазақ халқының басынан не өтпеді, не көрмеді. 2012 жылы 1-желтоқсан Қазақстан Республикасының Тұңғыш Президент күні болып белгіленді. Бүгінгі ашық тәрбие сағатымызды әділеттің ақ жолын ту етіп елінің егемендігін, ынтымақты, тұтастық, бірлікті ойлаған, ұрпақтың саналығына мән берген, ар мен намысты биік ұстаған, әлемдік деңгейдегі ірі қоғам қайраткері, тәуелсіз Қазақстан Республикасының Тұңғыш  Президенті

Н.Ә. Назарбаевтың құрметіне арналған «Тәуелсіз елдің көшбасшысы» атты ашық тәрбие сағатымызды бастауға рұқсат етіңіздер.

«Қазақстан Президенті Нұрсұлтан Назарбаев халықтың өз ішінен шықты» дегенде, мұны поэтикалық-асқақ мәнде де, тура мағынасында да түсінген абзал. Нұрсұлтан Назарбаев қарапайым ауыл отбасында туып-өсті. Оның балалық шағы ауыртпалығы мол соғыс және соғыстан соңғы жылдармен тұстас келді. Ел алапат соғыстан кейін қайта еңсе тіктеп жатқан еді.

Жас Назарбаев соның бәрін басынан өткеріп, бәрін жеңе білді, өте жақсы білім алып, «от-жалынды» мамандықты игеріп, азамат қатарына қосылды. Елмен жұмыс жүргізетін басшылық қызметтерге сатылап жоғарылады. Тәуелсіз Қазақстанның Тұңғыш Президенті болды.
Сондықтан Нұрсұлтан Назарбаевты тек «халық арасынан шықты» деп айту аз. Ол халықтың өз қанынан жаралған бір бөлшегі болатын және солай болып қала береді, сонымен қатар ол бұрын-соңды қазақ жерінде туған ең дара ұлдарының бірі екені сөзсіз.

  Нурсултан Назарбаев: Біле білсек, осы он жылдағы еңбегіміздің ең басты қорытындысы — ел болғанымыз. Ел бола алғанымыз. Біз мемлекет құрдық. Құрғанда да, аты бар да заты жоқ мемлекет емес, бүкіл адамзат танитын, танып қана қоймаған, мойындайтын, құрметтейтін мемлекет құра алдық.

Еліміз егемендік алғаннан бергі жылдарға шолу жасайық.

1. 1991 жыл-нарықтық экономикаға көшкен жыл.

2. 1992 жыл-қазақтың тұңғыш ғарышкері Т.Әубакіров ғарышқа ұшты.

3. 1993 жыл-Ұлттық теңгеге көшу жылы.

4. 1994 жыл-Еуразия одағын құру туралы конференция болды.

5. 1995 жыл-Қ.Р.конституциясы қабылданды.

6. 1996 жыл-Мемілекеттің жаңа әнұраны.елтаңбасы,туы қабылданды.

7. 1997 жыл-жалпы ұлттық татулық пен саяси қуғын-сүргін құрбандарын еске алу жылы.

8. 1998 жыл-халық бірлігі мен ұлттық тарих жылы.

9. 1999 жыл-ұрпақтар бірлігі мен сабақтастық жылы.

10. 10.2000 жыл.мәдениетті қолдау жылы.

11. 11.2001 жыл-тәуелсіз Қазақстанға 10 жыл.

12. 12.2003 жыл-Н.Назарбаевтың  «Қазақстан -2030» стратегиялық бағдарламасы жарияланды.

Тәуелсіз Отанымыздың көк жүзімен астасқан көк байрағы астында Біріккен  Ұлттар Ұйымына мүше болдық.

Ардақты ана тіліміздің мемлекеттік мәртебе алғаны, тұңғыш төл теңгеміздің шығуы.

  Семей атом полигонының жабылуы – бәрі де елбасының тікелей араласуымен болған.

  Ел ордасы болып Астана бой көтерді.  Бұл қала өзінің әсем сәулет өнері үлгілерімен, сан-алуан тарихи және мәдени    ескерткіштерімен,  сұлулығымен  әлем назарын  өзіне  қаратып отыр. Мұнда  тамаша сәулет  өнері туындылары, солардың ішінде «Ақорда”, «Бәйтерек”, «Бейбітшілік және келісім сарайы”, «Думан” орталығы секілді көптеген  ғимараттар мен ескерткіштер орналасқан.  Әсем  қаламыз  – Астананың жылдан-жылға жаңарып, көркеюіне Елбасымыздың қосқан үлесі орасан зор.

  1998 жыл «Халық бірлігі мен тарих жылы» атанғаннан кейін біршама тарих беттерінде ашылмаған, анықталмаған тарихи байлықтарымыз ашылды.

  1999 жылдың «Ұрпақтар бірлігі мен сабақтастығы» деп жариялануы тектен-тек емес. Президентіміздің тапсырысымен көптеген  қазақ азаматтары  өзінің ата-бабларының тұрған, кіндік қаны тамған кең байтақ қазақ еліне келіп, өмір сүрулеріне мүмкіндік алды.

2011 жылы қаңтар-ақпан айларында Қазақстанда VII Қысқы Азиада ойындары болып өтті. Бұл шара біздің елдің тарихындағы халықаралық деңгейдегі ең маңызды және ірі спорттық оқиғаға айналды.

Президентіміз белгіленген «Қазақстан2030» бағдарламасы және жыл сайынға Жолдауы біздің адаспайтын жолымыз, айқын да ашық бағдарымыз. Елбасы өз Жолдауында «Қазақстанның болашағы жастардың қолында»,- деп бізге  үлкен сенім білдірді

Қазақстанның елордасы «ЭКСПО» көрмесін ұйымдастыру үшін жоғары талаптарға сәйкес келеді деп танылды.  

• ЭКСПО көрмесі кең байтақ Еуразия құрлығының жүрегі іспеттес қалада алғаш рет өтеді. «Болашақтың энергиясы» атты бүкіләлемдік көрме жаһандық энергетиканың жаңартылуына қуатты серпін береді деп сенемін. Еліміз көрменің жоғары деңгейде өтуі үшін бар күш-жігерін салатын болады.

                                      Н.Назарбаев

• Дүниеде тәуелсіз Қазақ елі бар.

• Әлемде егемен Қазақстан бар.

• Оның көп ұлтты, тату, ынтымақшыл халқы бар.

• Қуатты экономикасы, сенімді саяси жүйесі бар.

• Ең бастысы — бүгіннен нұрлы, бүгін­нен кемел болашағы бар.

• Сол күнге берік сенім бар!

деп Н.Назарбаевтың сөзімен бүгінгі тәрбие сағатымызды аяқтаймыз!

Қорытынды: "Тәуелсіз елдің көшбасшысы" тақырыбында эссе жазу.

Презентация