Тәуелсіз елім

16-желтоқсан тәуелсіздік күніне мектепалды даярлық топтарына арналған   тақырыптық іс‑шара жоспар.

Тақырыбы:Тәуелсіз елім

Мақсаты: Балаларға тәуелсіздік туралы түсінік беру. Тәуелсіздіктің жетістіктері туралы баяндай алуға, тақпақтарды мәнерлеп оқуға үйрету. Ұлттық құндылықтарды бағалап, ұлттық ойынға, өнерге қызығушылыққа, Отанды сүюге, рәміздерді құрметтеуге тәрбиелеу.

Ресурстар: Бәйге ойын аттары, елтаңба мен тудың қималары, ұлттық құндылықтар суреттері, Презтдент портреті, Конституция кітабы, жалаушалар.

Барысы.

Әнұран айту. Сұрақ‑ жауап: ‑Балалар, біз қәзір ғана нені орындадық? Балалардың жауабы. –Қай елдің әнұраны? –Ал біз қай елде тұрамыз? –Әнұран дегеніміз не? –Басқа қандай рәміздерді білесіңдер? Ойын: «Рәміздерді құрау» Мақсаты: Қималардан рәміздерді (Ту, елтаңба) тауып құрастыра білу., рәміздерді таныту, құрметтеу. –Рәміздердің авторлары кімдер? Елтаңба, ту туралы тақпақтар оқу.

Көк аспанда көкпеңбек, Қазақстан жалауы. Көк емес ол тектен тек, Елдің ашық қабағы.

Елтаңбасы елімнің, Неткен әйбат, әдемі. Тұнығындай көңілдің Ортада аспан әлемі.

Отан деген атамекен, Отан деген туған жер. Отан ана отан үлкен, Қазақстан туған ел!

‑Бізге қандай мереке жақындап келе жатыр? Балалардың жауабы. –Ал, Тәуелсіздік дегеніміз не? ‑Тәуелсіздіктің басты белгілері не? ‑Астанамыз қай қала? ‑Елімізді кім басқарады? –Президентіміз кім? –Біздің мемлекеттік тіліміз қай тіл? –Біз басқа да тілдерді үйреніп, сөйлеумізге бола ма? Балалардың жауаптарыын пысықтап қысқаша түсінік беру. Бір ел өз алдына бір мемлекет бола алады екен. Ал мемлекеттің өз мемлекеттік тілі, мәдениеті, әдебиеті, ата заңы, рәміздері, президенті және жергілікті халықтың ұлттық құндылықтары болады. Біздің жаңа айтқан басқада тілді оқуымызға құқымыз бар деген біздің заңымызда бар. Ата заң біздің құқығымызды қорғауға арналған заң екен. –Ал қазақ елінің негізгі халқы кімдер? Балалардың жауабы. ‑Ал осы қазақ халқының ұлттық құндылықтарын атайықшы.

‑Ендеше «Ұлттық ойын‑ұлт қазынасы » деген, олай болса ойын ойнайық. Еліміздің тәуелсіздігін тойлап жатқанда бізде үлесімізді қосып «Бәйге» ұлттық ойынын ойнайық. Мақсаты: Шапшаң қимылдау, ептілік, мінерлеп тақпақ оқу. Шарты: Балалар қатар тұрып аттардың жібін шапшаңдықпен орайды. Жіп түгел оралып біткенде ат мәреге жетеді. Қалып қойған балалар айыбын өтеу үшін тәуелсіздік туралы тақпақ айтуы керек.

Тәуелсіздік елдеміз, Қауанамыз күнде біз. Ата бабам қалдырған, Қазақтың біз батырымыз сенсеңіз!

Тәуелсіздік еліміз Мәңгі жасар жеріміз Тәуелсіздік жасаған Аға әпкелеріміз.

‑Басқа қандай ұлттық ойындарды білесіңдер? Балалардың жауабы. ‑Ал ұлттық қол өнерден нені білесіңдер?

Олай болса қыздарымыздың мерекеге дайындап келген қолөнер бұйымдары бар екен соны тамашалайық, әрине аналарымен бірге дайындаған. Қолөнер бұйымына ши тоқу, ою ою, тоқыма, киіз басу өнері. Жұмыс барысынан бейне ролик, немесе фото суреттер слайд түрінде көрсету.Қыздардың жұмысын мақтап марапаттау.

‑ Балалар біраз ойнадық, өнерімізді көрсеттік, енді бір ән шырқап іс‑әрекетімізді аяқтайық.

Ән: 16‑желтоқсан туралы балаларға арналған әні.