"Тәуелсіз елім Қазақстан"

КМҚК «Қошақан» балабақшасы

Тақырыбы: «Тәуелсіз елім – Қазақстан»

Өткізген ІІ- кіші топ тәрбиешісі: Хасенова В.Ж.

2017 жыл

Тақырыбы: « Тәуелсіз елім – Қазақстан»

Мақсаты:

Білімділік: Балаларды Отан сүйгіштікке баулу, өз еліне, жеріне деген патриоттық сезімін ояту арқылы егеменді еліміздің ертеңгі иелерін тәуелсіздік туралы мәлімет бере отырып тәрбиелеу.

Дамытушылық: Балалар сөздігін молайту, байланыстыра сөйлеуді қалыптастыра отырып тәуелсіздігімізге арналған тақпақ, мақалдарды жатқа айтқызуға үйрету.

Тәрбиелік: Есте сақтау қабілетін дамытып, көңіл күйлерін көтеру.

Әдіс-тәсілдері: Әңгімелесу, көрсету, түсіндіру, сурет бойынша әңгіме құрастыру, сұрақ –жауап.

Сөздік жұмыс: Республика, Рәміз, Ту, Елтаңба, қыран құс, тұлпар, бәйтерек

Көрнекілік: Қазақстан Республикасының мемлекеттік рәміздері, слайд

Билингвалды комконент: Отан – Родина, Ту – флаг, Елтаңба – герб

Тәрбиеші: Патриоттық ән қосылады.(Балалар саппен кіреді) Шеңберге тұрады.

Тәрбиеші: Балалар бір – бірімізбен амдасып алайық

Сәлеметсіздер ме, балалар!

Балалар: (хормен айтады)

Үлкенге де сіз!

Кішіге де сіз!

Сәлем бердік сіздерге,

Құрметпенен біз!

Балалар: (орындарына отырады)

Тәрбиеші: слайд арқылы талқыланады

Балалар бүгін мереке, бүгін қуаныш! 16 желтоқсан Тәуелсіздік Қазақстан күні.

-Қане , балалар, Қазақстан Республикасының әнұранын айтайық.

Әнұран сөзін жазған: Жұмекен Нажімеденов, Нұрсұлтан Назарбаев

әнін жазған:Шәмші Қалдаяқов

Балалар: Оң қолын жүрекке қойып, әнұранды хормен айтады.

Тәрбиеші:

-Балалар, біздің еліміз, Отанымыз қалай аталады?

Отан деген біздің еліміз, туған жеріміз, ауыл-қаламыз, туыс, бауыр мекен еткен жеріміз

Біздің Отанымыз Қазақстан Республикасы

Қазақстан Республикасының Президент – Елбасымыз

Нұрсұлтан Әбішұлы Назарбаев

- Балалар, ҚР Туының түсі қандай?

Тудың сипаттамасын түсіндіру. Тудағы дала қыраны еркіндіктің белгісі, күн – байлық пен берекені білдіреді.

Қане, кім Ту туралы өлең біледі екен?

Кәусар:

Айнымайды аспаннан Біздің тудың бояуы Оны халық қашанда Биікке іліп қояды

Тамерлан:

Көк туымды қолыма Бүгін берік ұстадым Түсті бақыт жолына Құшағында гүл атам

Айғаным:

Мереке бүгін ұлы күн Егеменді елімнің Желбірейді көк туы Түсіндей боп көгімнің

Тәрбиеші:

-Елтаңбамыз туралы не айтамыз?

Елтаңбамызда шаңырақ, қос пырақ ат бар.

Ат – ер қанаты, шаңырақ ортақ үй деген түсінікті береді.

Отанымызға айтатын қандай жылы лебіздерің бар?

Дәулет:

Бақытты боп жүргенім Сенің арқаң, Қазақстан

Елім менің тірегім! Құшағында гүл атам.

Н. Айару:

Сарқылмайтын қуатым Тірегімсің Қазақстан Мәңгі соғып тұратын Жүрегімсің Қазақстан

Дінмұхаммед:

Мереке бүгін бақ күні

Егеменді елімнің

Тойлатады бар халық

Аман болсын достарым

Тәрбиеші:

Балалар, тәуелсіздікті еліміз 1991 жылы 16 желтоқсанда алды. Осы күнге жету үшін талай қиыншылықтарды бастан кешірдік. Сендер «тәуелсіздік» деген сөзді қалай түсінесіңдер?

-Қазақстан қандай мемлекет?

-Енді, балалар Отан туралы кім өлең біледі екен?

Нұрдәулет:

Отан- сенің, ата-анаң,

Отан- досың бауырың,

Отан -өлкең Астанаң

Отан-аудан,ауылым

Бағдәулет:

Отан тарих, Отан тіл,

Жасаған елің, ер халқың

Отан -өлең, Отан жыр,

Көтерген көкке ел даңқың

Балалар қазақ елінде басқа ұлттың адамдары тұрады.

Дария:

Көк байрақ, көк аспан Алтын күн нұр шашқан Әлемге танылған Тәуелсіз Қазақстан

Шоқан:

Сол жағында матаның Сары түсті жолақ бар

Мұратындай атамның Әсем өрнек ол ұлттық

Тәрбиеші: Жарайсыңдар балалар!

Елімізді әлемге танытатын мына сіздерсіздер! Сондықтан білім алып, ақылды болыңыздар!

Азат:

Мен әлемге танытам Қазақ деген халықты Нұрға, гүлге толтырам Өзім туған өлкемді

Малика: Мерекеге шығады Бүкіл халақ біліп қой Отандастар ұғады Тәуелсіздік ұлы той

Тәрбиеші:

- Осындай үлкен елімізді, жерімізді басқарып отырған кім?

-Біздің елбасымыз, президентіміз кім екен?

- Балалар, ҚР Туының түсі қандай?

Балалар жауап береді.

«Көк тудың желбіреген» әнімен аяқталады.