Күні:

Сынып: 9

Пән: Қазақстан тарихы

Сабақтың тақырыбы: «Тәуелсіз Қазақстан мемлекетінің қалыптасуы» бөлімін қайталау.

Сабақтың мақсаты:

Білімділік: Қазақстан республикасының мемлекеттік тәуелсіздігінің жариялануы, ел азаттығының тарихи және халықаралық маңызы,Тәуелсіз Мемлекеттер Достастығының құрылуы туралы қолда бар құжатттарды, тарихи зерттеулерді пайдалана отырып, саяси сауаттылыққа баулу;

Дамытушылық: оқушылардың өткен сабақта алған білімдерін пайдалана отырып, жаңа материалмен байланыстыру арқылы ойлау қабілетін, өскелең ұрпақтың ата тарихын тереңірек оқып-үйренуге деген қажеттіліктерін арттыру, өз білімін жетілдіруге, қосымша ізденуге бағыт беру, қорытынды шығару дағдыларын дамыту;

Тәрбиелік: тарих тағлымыннан сабақ алып, саяси сауаттылыққа өз болашағына батыл қадам жасайтын,халқымыздың біртуар перзенттеріне құрметпен қарайтын, елін, туған жерін сүйетін, еркіндіктің қадірін түсіне білетін саналы ұрпақ тәрбиелеу;

Сабақтың типі: Қайталау сабағы

Сабақтың түрі: Аралас сабақ

Сабақтың әдісі: 1. Сұрақ-жауап. .

2. Әңгімелесу.

3. Ойын.

Сабақтың көрнекілігі: ҚР картасы, Астана қаласының суретері мен слайдтар, кеспе қағаздар, смайликтер, семантикалық карта.

Сабақтың барысы:

І. Ұйымдастыру кезеңі.

1. Оқушылармен амандасу.

Рефлексия. – Сәлеметсіздер ме, балалар! Мен бүгін сіздерге мынадай көңіл-күймен келдім. (көңілді смайлик көрсету) 

– Ал сіздердің көңіл-күйлеріңіз қандай? (Оқушыларға карточкалар (смайликтер) таратылған. Әр оқушы өзінің көңіл-күйін білдіретін карточканы көтереді.)

– Олай болса осындай тамаша көңіл-күймен сабағымызды бастайық!

2. Оқушылардың назарын сабақа аудару.

Балалар, мен бүгінгі сабағымызды Президентіміз Н.Ә. Назарбаевтың мына бір керемет сөздерімен бастағым келіп тұр. «Бүгінгі күнді түсініп-түйсіну үшін де, болашақтың дидарын көзге елестету үшін де кешегі кезеңге көз жіберуіміз керек.»

Ендеше, балалар, өткенді еске түсіріп, тарихымызға бір көз жүгіртіп алсақ. Экранға назар аударайық!

Видео көрсетіледі.7 мин

«Тәуелсіз Қазақстан мемлекетінің қалыптасуы» бөлімін қайталау.

1- тапсырма: Блиц-турнир сұрақтары:( доппен)

1. ҚР тәуелсіздігін қашан алды? 1991ж 16 желтоқсан

2. Неада-Семей қозғалысының басшысы? О. Сүлейменов

3. ҚР рәміздер қашан қабылданды?1992ж 4 маусым

4. Тұңғыш теңге айналымға шыққан жыл? 1993ж 15 қараша

5. ҚР тәуелсіздігін ең алғаш мойындаған мемлекет? Түркия

6. ҚР мүшелік ететін халықаралық ұйымдар? БҰҰ, ТМД, ЮНЕСКО,ШЫҰ(Шанхай Ынтымақтастық Ұйымы).

7. 1997 ж ҚР Президенті Н.Ә. Назарбаевтың халыққа ұсынған ұзақ мерзімді бағдарламасы қалай аталады? «Қазақстан – 2030» бағдарламасы.

8. ҚР Парламентінің палаталарын ата? Сенат және Мәжіліс

9. ҚР тұңғыш Конституциясы қабылданды? 1993ж 28 қаңтар

10.Астана қаласына биыл неше жыл толды? 20 жыл

2 – тапсырма: «Тарихи тұлғаны танып біл».

1. 1960ж қаңтарда Қазақстан Компартиясы Орталық Комитетінің пленумында партия ұйымының бірінші хатшысы болып сайланды. 1962ж Қазақ КСР Министрлер Кеңесінің Төрағасы қызметін атқарып, 1964ж бастап Қазақстан КП Орталық Комитетінің бірінші хатшысы болып қызмет атқарды. Бұл кім? Дінмұхамед Қонаев

2. Қазақ ақыны, Семей полигонын жабуға ат салысқан қоғам қайраткері, 1975ж «Аз и Я» атты тарихи-лингвистикалық талдау кітабы жарық көрді. Бұл кім? Олжас Сүлейменов

3. 1955-1961 ж Қазақ КСР-і Жоғарғы Кеңесі төрағасы қызметін атқарған, қазақ жерінің аумақтық тұтастығының сақталуына көп еңбек сіңірген белгілі қоғам қайраткері. Жұмабек Тәшенов

3 – тапсырма:

V. Сабақты бекіту. «РАФТ» әдісі бойынша ой қорыту

1. Қазақстанның тәуелсіздікке жетуінің алғышарттары қандай еді?

2. Қазақстанның мемлекеттік тәуелсіздік алуының тарихи маңызы неде?

3. Кешегі күн тарих, бүгінгі күн үлкен сый!

V. Рефлексия.

VІ. Үйге тапсырма беру: Өткен тақырыптарды қайталап, жылдық бақылау жұмысына дайындалу.