Тәуелсіз Қазақстан - менің Отаным .

16- желтоқсан қазақ елі үшін ең үлкен, ең басты мереке –Тәуелсіздік күні. Тәуелсіздік алған күнімізді ел-жұрт болып асыға күтеміз.1991 жылы егемендігімізге қол жеткізіп, тәуелсіз мемлекет болдық, бұл ата-бабаларымыздың ғасырлар бойы арамандаған арманы, тілегі болатын. Ата-бабамызға арман болған осы бір күн біздерге жеңіл келген жоқ, тарихымызға көз жүгіртсек ,тәуелсіздік жолында құрбан болған батыр аға -апаларымыз Қайрат Рысқұбеков, Ербол Спатайұлы, Ләззат Асанова және тағы да басқа өжет, өр тұлғалы батырламызды тануымызға болады. Батыр аға-апаларымыздың Тәуелсіздік жолында жасаған ерліктері мен қайтпас қайсарлықтары біз үшін үлкен үлгі-өнеге болары сөзсіз. Тәуелсіз ел деген өз алдына толық еркі бар, ерікті, ешкімге де бағынышты емес деген ұғымды береді. Егер егеменсөзіне тоқталатын болсақ-өз билігіөз қолында, бас бостандына ие, тәуелсіз дегенді білдіреді. Қазақстан – көк туымен тұғырлы ел. Елтаңбасымен еңсесі биік. Бүгінде Қазақ елі барлық әлемге танымал. Барлық тарихымызды рәміздер бетінен қарап таныта аламыз. Көк туымыздың өзі Тәуелсіздігіміздің айнасы іспеттес. Көгілдір аспан аясында , шұғылалы күн сәулесі мен қалықтап еркін ұшқан қыранымыз бір төбе болса,елтаңбамыздағы бір шаңырақ еліміздің бірлігін,ынтымағын аңғартса, әнұранымыз бабабалар салған ұлы жолдың тарихын айтып, елімізді бірлік пен ынтымаққа шақырып тұрғандай. Егемен елдің көкірегі ояу, көзі ашық жастары бүгінде елі үшін жан аямай қызмет етуде. Осы күнді сыйлаған ата-бабаларымызға тағзым етіп, келешекте бабалар ісін жалғастыра білетін, елі үшін отқа түсетін өжет жастарымыз көп болса деп тілеймін. Елімнің болашағына зор сеніммен қарап,әрбір атқан таңы шұғылалы болса екен деп тілеймін.