Тәуелсіздік - мәңгілік дастан

№ 209 мектеп - гимназияның

қазақ тілі мен әдебиеті пәнінің

мұғалімі Мукаева Жанна Туралиевна

Тәуелсіздік - мәңгілік дастан

Тәуелсіздік - бақытым! Иә,тарихпен танысқан сайын маңдайыма жазылған бақытты сезінемін.Тәуелсіздік - халқымыздың ғасырлар бойы аңсап қол жеткізген бағалы арманы. Әлем жұртшылығы түрлі жағдайды басынан кешіп жатқанда, мен бейбіт елде отырмын. Менің елім осындай жақсылыққа қалай қол жеткізді? Осы жақсылықты қалай мәңгілік етуге болады?

Ұлы даланың тарихы терең. Адам баласының арманы – бейбіт өмір. Ал қазақ елінің тарихында өзгелер көз алартпаса, өздігінен біреуге соғыс ашатын ниет болмаған екен. Мен ата – бабаларымның адамгершілік, адалдықты ту еткен биік мұраттарын мақатан тұтамын.

Бүгінгі таңда біз тәуелсіз ұлтпыз. Тіліміз мемлекеттік мәртебеге ие. Әлемге қазақ елі маңызды істер мен ғажайып бастамаларр елі болып танылады. Атом қаруы бар ел болудан өз еркімізбен бас тарттық. Өзгелерге үлгі көрсетіп, үндеу тастадық. Қазақстан – ғарыш айлағы орналасқан мемлекет. Адамзат арманына айналған аспан әлемін бағындыру тарихы Байқоңырдан бастау алады. Зіңгір көкке Ұлы Даланың үш перзенті көтерілді. Ғарыштағы зерттеулерге үлес қосты. Ғарышты зерттеу – біздің мемлекетіміздің болашағы үшін аса маңызды.

Қазақстан еңбек пен ерлік дастанын жазған ел. Болашаққа әр қадамын жоспарлап алатын елміз. Талмай еңбек ететін елдің мақсаты берік, қадамы қарышты болады.

Тәуелсіздік – бағалы мұра. Біз оның бағасын біліп, қастерлейміз деп ойлаймын. Оның мәңгі болуы үшін біліміміз бен қажырлы еңбегімізді арнаймыз. Тәуелсіздік – бақытты болашағымыз! Олай болса, болашақта ел тәуелсіздігінің баянды болуы біздің қолымызда. Тәуелсіздік – ең алдымен қазақ халқының бостандыққа ұмтылған асқақ армандары мен қайсар рухының жемісі. Ежелден еркіндік пен азаттық аңсаған қазақ елі, жеткен Тәуелсіздігіне қадір тұтады.

Қорыта келгенде, Тәуелсіздік байрағында, Тәуелсіздік ғаламшарында алтын күндей жарқырап, отаншылдық рух пен Отанға деген махаббат сәулесі шашып тұрғанда, әрбір Қазақстанның қазақ ұлдары мен қыздары байтақ өлкесін – Отанын мақтан тұтан болады.