«Тәуелсіздік - ынтымақ».

Жоспар ҰОҚ

«Тәуелсіздік - ынтымақ».

     Мақсаты: Осы тақырыппен өткізілген сабақта балалардың өз Отанына, туған жеріне
деген сүйіспеншілігін арттыру, ол үшін тәуелсіз Республиканың рәміздері туралы білу, оларға құрмет көрсету туралы үйрету. Соған қоса балалардың ойлау қабілетін өсіру, тақпақтарға қызығушылығын, сөздік қорын, тіл байлықтарын байытуға мән беру.

     Көрнекілікті құралдар: Қазақстан мемлекетінің рәміздері, Астана қаласының көрікті ғимараттар суреттері.

     Әдіс-тәсілдер: Әңгімелесу, сұрақ-жауап.

     Сабақтың барысы:      Шаттық шеңбер.

                                                     Аспанымыз ашық болсын,

                                                     Деніміз сау болсын.

                                                     Бір-бірімізбен дос болайық.

                                                    Тату тәтті болайық.

     -Тәрбиеші:Балалар, бүгін біздің сабағымыздың тақырыбы «Тәуелсіздік-ынтымақ»-деп аталады.

     -Балалар, біздің Республикамыз қалай аталады! Біз қай Республикада тұрамыз-?

     - Қазақстан Республикасында-деп жауап береді.

     -Дұрыс айтасыңдар. Біздің Республикамыз Қазақстан деп аталады.

     -Еліміздің астанасы қандай қала-?

     -Астана қаласы деп аталады.

     -Жақсы балалар, суреттегі Астана қаласының әдемі химараттарын қарайық.

Балалармен суретті әңгімелеу.

     - Балалар Астана қаласы туралы кім тақпақ айтады-?

1.Мадияр:                           Астана арман қала,

                                          Бағы бір жанған қала.

                                          Біз оны анамыздай,

                                          Сүйеміз шынында да.

 2.Дана:                            Алматы бас қалам,

                                           Астана жас қала.

                                           Бірің ай, бірің күн,

                                           Өзіңмен шаттанам.

Балалар Республикамыздың рәміздерімен сендерді таныстырайын.

Рәміздер тұрған бұрышқа балаларды апару,әңгімелеу.

1. Ашық аспандай көгілдір туымыз бар.

2. Айбынды ел таңбамыз бар.

3.Мағыналы ән ұранымыз бар.

4. Елбасы, тұңғыш президентіміз Нұрсұлтан Әбішұлы Назарбаев.

Балалар көрдіңдерме бізде қандай тамаша рәміздер бар.

5. – Балалар, Қазақстан Республикасы біздің туған жеріміз, туған еліміз, оны тағы былай басқаша атауға болады.

-Отан деп.

Ал отан туралы кім тақпақ айтады.

 1.Райхан:                            Отан сенің ата-анаң,

                                                    Отан досың бауырың.

                                                    Отан өлкең, астанаң,

                                                    Отан аудан, ауылың.

2. Айдана:               Отан деген-атамекен,

                                                  Отан деген туған жер.

                                                  Отан-ана, Отан-үлкен,

                                                  Қазақстан туған ел. 

Тамаша балалар қандай әдемі Отан туралы тақпақтар білесіңдер.

6. Ендігі кезекте «Кім бірінші» деген ойын ойналады.

Ойын мақсаты: балаларды шапшаңдыққа, байқағыштыққа, ойын ережесін дұрыс сақтауға үйрету.

7. 7. Ойын аяқталысымен балалар Қазақстан жалауындағы күннің суретін жапсыру жұмысына кіріседі.

     Сабақ соңында тәрбиеші балалардың еңбегін мадақтап, әдемі жапсырған суреттерін үлгі етіп көрсетеді.

     - Тәрбиеші: Бүгінгі егеменді еліміз Қазақстан Республикасы күніне арналған сабағымыз аяқталды.