«Тәуелсіздік- ең қымбат қазынамыз!»

Эссе

Оразалина Дидар Нажатқызы.

Мектепалды даярлық сынып тәрбиешісі.

ШҚО, Көкпекті ауданы, Үлгілі малшы ауылы

Тәуелсіздік – тірегім, Ата заңым – айбарым деп мен , талай қилы заманды бастан өткеріп, ешкімге бас имеген қазақ халқы, қазір әлемдік дүбірге қосылған Қазақстан елінде туғаныма мақтан етем. Қазақстан Республикасы демократиялық, зайырлы, құқықтық және әлеуметтік мемлекет деп саналады. Еліміздің тәуелсіздігі — ата-бабамыздың асқақ арманынан туындаған, бүгінгі ұрпақ қол жеткізген ұлы жеңіс.

Мен осы эссемді Абай атамыздың мына сөзімен бастағым келіп отыр:

«Ұстаздық еткен жалықпас, үйретуден балаға» демекші ұстаздық қызметте жүргеніме биыл 7 жыл толыпты. Бұл өмірде өзіңнің мамандығыңды таңдап алып,оны сүйе білмесең онда ол жұмысыңның рахатын да, жемісін де көре алмайсың. Өмірде мамандықтың түрі көп. Әр мамандықтың өзіндік ерекшелігі бар. Мамандықты жүрегінің қалауы бойынша таңдау керек.Балалармен жұмыс жасау мен үшін- үлкен бақыт.Себебі , тек қана бала ешнәрсеге алаңдамай мейірімділікке сенеді, кішкентай алақанын менің алақаныма қойып,өз құпияларын айтып маған сенім артады. Сыныбым жаңартылған білім бағдарламасы бойынша оқиды. Менің әдістемелік тақырыбым: «Мектепалды даярлық топбындағы балалардың сөйлеу қабілетін дамыту» Бұл кезде баланың адамгершілік қасиеттерінің білімділік дағдыларының икемділіктерінің негізі қалыптасады, бұл жаста бала оқу ісіне машықтануға қимыл әрекеттің бір мақсатқа жұмсалуын ұғынады. Жаңа келген балаға өзін жолдастарымен қалай ұстауларын мектеп ережесімен таныстырамын, бір - біріне көмек көрсете білуге, ойын кезінде бірігіп ойнап, жолдасының ыңғайын байқап, соған бейімдеулерін қадағалаймын. Даярлық тобында жаңартылған білім бағдарламасы бойынша сабақтар жүргізілді. Сабағымда әр-түрлі әдіс тәсілдерді қолданамын.«Сұрақ-жауап», «Ынталандыру », «Ашық микрофон»,«Ыстық орындық» әдістері. Саналы ұрпақ тәрбиелеп өсіру үшін ең алдымен өз елін, жерін, ана тілін, әдебиетін, тарихын бүгіні мен өткенін құрметтейтін оқушылар тәрбиелеп шығару әр ұстаздың арманы шығар. Мен де сол арманды орындау мақсатында оқушыларға білім беріп жатырмын. «Ұлттың сақталуына да, жоғалуына да себеп болатын нәрсенің ең қуаттысы – тіл» деген Ахмет Байтұрсыновтың қасиетті қағидасына сүйенсек, балалардың сөйлеу қабілетін дамыту бала өмірінде алатын рөлі ерекше екені айтпаса да белгілі.

Тәуелсіз елдің ұлты,қызы болғаныма еш өкінбеймін. Менің болашаққа жаңа қадам басқан балаларым осы елдің тіреп тұрар азаматы болды.Бойында рухы ,кеудесінде намысы асқақтап тұратын балаларыма да, тәуелсіздіктің бізге оңай жолмен келмегенін, ата-бабалары туралы айтып беремін.

Қорыта айтқанда, Елбасымыз Н.Ә.Назарбаевтың «Ұлт болашағы білімді ұрпақ қолында» деп айтқан сөзі келер ұрпақтың саналы да білімді болып өсуі, тікелей ұлтымыздың болашағынын көрінісі екенін меңзеп тұр. Тәуелсіз Қазақстанның бірден-бір тәуелсіз ұлт екенінін айғағы ол ана тілімен тікелей байланысты деп санаймын. Себебі, Елбасымыздың «Мемлекеттің ең басты дүниесі тек ғана байлық емес, сонымен қатар ана тіліміздің болашағы» деген ой-пікірі сөзіме дәлел деп есептеймін. Сол себепті де менің мамандығымның балалар өміріндегі рөлі айрықша, ерекше деп ойлаймын.Балалардың сөйлеу қабілетін дамытуда балалардың өмірінде мәңгі өзінің өшпес ізін қалдыру үшін, біз ұстаздар қауымы еріңбей еңбек етудеміз, әлі де алар асуымыз алда деп есептеймін!