Сабақтың кезеңі/ уақыт

Мұғалім әрекеті

Оқушы әрекеті

Ресурстар

Сабақтың техникалық құрал-жабдықтары

Ұйымдастыру кезеңі (7 мин)

- Сәлеметсіздер ме, құрметті оқушылар. Бүгінгі тәрбие сағатымызды бастамас бұрын тақтадағы сөзжұмбақты шешіп алайық.

1) Елордамыз Астананың көрнекті орны, Астана нышаны.(Бәйтерек)

2) Жиындарда орындалатын салтанатты әуен. (әнұран)

3) Әр елдің мемлекеттік нышаны. (ту)

4) Көк байрағымыздың авторы. (Ш. Ниязбеков)

5) Қазақстанның бұрынғы астанасы. (Алматы)

6) Қазақстанның қазіргі елордасы (Астана)

7) Елтаңба авторы. (Ж. Мәлібеков)

8) Қазақстанның тұңғыш президенті. (Назарбаев)

9) ШҚО әкімі (Даниал Ахметов)

10) Тәуке ханның заңдар жинағы қалай аталады? («Жеті жарғы»)

11) Кіші жүздің биін ата? (Әйтеке би)

- Қандай сөз шықты? (тәуелсіздік)

Оқушылар мұғаліммен амандасады,түгенделеді.

Оқушылар сөзжұмбақты шешу арқылы сабақ тақырыбын табады және өз білімдерін белсенді қолданады.

Слайд

Сабақ басы (13 мин)

Ой түрткі

1. Тәуелсіздік дегеніміз не?

2. Тәуелсіздік үшін күрескен қандай тұлғаларды білесіздер?

3. Биыл тәуелсіздік алғанымызға неше жыл толып отыр? (33 жыл)

4. Тәуелсіз ел деп қандай елді айтады? (Тәуелсіз ел ешкімге, ешқандай елге тәуелді, бағынышты болмайды. Өз жері, шекарасы, әскері, мемлекеттік рәміздері, ұлттық ақшасы, мемлекеттік тілі, өз Ата Заңы бар ел)

- Ендеше, балалар, бүгінгі тәрбие сағатымыз тәуелсіздік мейрамына арналмақ. «Тәуелсіздік – ұрпаққа берген үлкен бақыт» атты тәрбие сағатымыздың мақсаты тәуелсіздік қасиетті ұғым екеніне көз жеткізу, еліміздің қысқаша тарихы туралы мағлұматтар алу, осы тәуелсіздіктің қадірін білу.

Оқушылар «Тәуелсіздік» ұғымы, тәуелсіздік жолында күрескен тұлғалар туралы өз ойларын ортаға салады, пікір алмасады.

слайд

Ортасы (20 мин)

Тәуелсіздік – бабалар аңсауы, ұрпақтың қолы жеткен киелі кезең .

Тәуелсіздік – таңбасы таста, қаны қара жердің тамырында жатқан құдіретті сөз.

Алтайдан Алатауға дейін ұлан – ғайыр жерді мекен еткен ата – бабаларымыз тәуелсіздікті арман еткен. Осынау кең даланы көк найзаның ұшымен, сом білектің күшімен қорғаған бабаларымыздың аманатын орындау үшін талай боздақтар жанкештілікке барған. Қаракерей Қабанбай, Қанжығалы Бөгенбай батырлардан бастап, Иса, Досан, Шотан батырлар, беріректе Бауыржан, Мәншүк, Әлия сынды батырлар сол ел қорғауды ұран еткен, сол үшін құрбан болып, ел құрметіне бөленген батырлар.

1986 жылғы Желтоқсан оқиғасында Қайрат Рысқұлбеков, Ләззат Асанова, Сабира сияқты қыршын жастардың құрбандыққа баруы арқасында ғана тәуелсіздік алып, егеменді ел болдық.

Міне содан бері 33 жыл!

Дербес мемлекет құру қазақ халқының ғасырлар бойы аңсаған арманы еді. Қазақ елінің еркіндігі, бостандығы жолында бас тіккен азаматтардың рухына тағзым етіп , еске алу парыз деп санаймын...

Жерімізді азат етіп, жоңғар әскерін оңалмастай жеңу- Абылай ханның туының астында біріккен бірлігіміздің, ынтымағымыздың арқасы. Болашағымыз баянды, тәуелсіздігіміз мәңгілік болуы үшін, ең алдымен, бірілігімізге бекем болып, бабалардан қалған аманатты естен шығармауымыз керек...

Тәуелсіздіктің бізге артар міндеті мол.Енді еңселі ел болудың жолына шындап түсуіміз керек. Кең - байтақ жеріміздің байлығы осы даланың түпкілікті халқына да, тағдыр қосып бірге өмір сүріп жатқан өзге ұлт өкілдеріне де молынан жетеді...

Жастарымыз, өскелең ұрпағымыз достыққа адал,бауырмашыл, кеңпейіл болса деп тілейік.

Ендеше, ішкі ынтымақтастығымызды,сүттей ұйыған татулығымызды сақтауға қызмет ету-баршамыздың парызымыз. Тәуелсіздігіміз тұғырлы, мәңгілік болсын!

Тапсырма. Мәтінде кездесетін мына тіркестерді қандай сөздермен ауыстыруға болады?

Сәйкестендіріңіздер

дербес мемлекет - дамыған, өркендеген мемлекет

еңселі ел – еркін, тәуелсіз ел

келешегіміз жарқын – болашағымыз баянды

сабырсыздық, төзімсіздік - ұстамсыздық

құрмет көрсету - тағзым ету.

Тапсырма :

« Тәуелсіз Қазақстанның жетістіктері» тақырыбына жинақы мәтін жазыңыздар .

Мұғалімнің мәтінін тыңдап, тарихи оқиғалар мен тұлғалар жайлы мағлұмат алады. Тәуелсіздік үшін күрестің маңыздылығын түсінеді.

Оқушылар берілген тіркестерді синонимдермен сәйкестендіреді, сөз байлығын арттырады.

«Тәуелсіз Қазақстанның жетістіктері» тақырыбында шағын мәтін жазады.

Слайд

Соңы

- Балалар, осымен біздің тәрбие сағатымыз да аяқталып қалды. Енді сабақ соңында айтындаршы, бүгінгі сабақтан қандай әсер алдыңдар, сендердің рөлдерін қаншалықты болды деп ойлайсыңдар бүгінгі сабақта?

- «Ата – бабаларымыз аңсаған азатттық пен тәуелсіздікті алдық. Негізгі мәселе соны ертеңгі, келесі ұрпаққа, болашаққа, Қазақстанның осы тәуелсіздігін аманаттау» деген болатын Елбасымыз. Дана халқымыздың «Білегі мықты бірді жығады, білімі мықты мыңды жығады» деп атағандай, қиялынан қанат біткен, ойы ұшқыр, білімді жастар сендерсіңдер. Әрқайсысыңның жүрегің елім деп соғады, олай болса елге, жерге деген сүйіспеншілігімізді арттырып, ел үшін, халқығ үшін қызмет етуге барлығымыз міндеттіміз дегім келеді сабақ соңында.

Сабақ соңында оқушылар сабақ туралы өз ойларын, алған әсерлерін бөліседі.

слайд