Тәуелсіздік – тұғырым!!!

Тақырыбы: “Тәуелсіздік-тұғырым!”

Білім облысы: Таным,қатынас,әлеуметтік

Мақсаты: Балалардың Отанға деген сүйіспеншілігін арттыру, патриоттық сезімдерін тәрбиелеу. Қазақстан Республикасының рәміздері мен мерекелерін танып білуге үйрету. Ән айту, би билеу, көрініс ойнау арқылы баланың шығармашылық қабілеттерін дамыту.

Білімділік: Қазақстан Республикасының Тәуесіздік күнін танып-білу және қадір-қасиетін түсіну.

Дамытушылық: Мемлекеттік мерекені, мемлекеттік рәміздерді танып білу арқылы есте сақтау қабілеттерін арттыру.

Тәрбиеші: Балалар бүгінгі ашық ҰІӘ ерекше қызықты болмақ. Себебі бүгінгі ашық ҰІӘ де өздеріңмен бірге Қазақстан Республикасының Тәуелсіздік алған күні мен егемендік мерекесін тойлаймыз. Балалар бүгінгі ашық ҰІӘ ге ерекше қонақтар келіп қалыпты қане барлығымыз сәлемдесіп алайықшы.

Тәрбиеші: Балалар бүгінгі сабағымызды бастамас бұрын өздеріңмен шаттық шеңберін орнатып, бір-бірімізге жылы лебіздерімізді білдіріп алайық.

Күн сәулесін жинаймын

Достарыма сыйлаймын

Күн шуағын аямасын

Шуағымен аяласын

Достық деген бәйтеректі

Барлық бала саяласын

Шаттанамын күлемін

Бақытты болып жүремін

Қатар тұрар шеңберде

Досым көбін білемін.

“Мотивациялық қозғаушылық|”

Балалар қазір қандай мезгіл?

-Қыс

Қыс мезгілінде неше ай бар|?

• 3 ай бар

Қыс мезгілінің айларын маған кім атап береді?

-Желтоқсан,қаңтар,ақпан

Балалар қыс мезгілінде ауа райы қандай болады?

-Суық және қар

Дұрыс айтасыңдар балалар, қыс мезгілінде күн суытып жерге қар түседі. Және қыс мезгілінің алғашқы айы желтоқсанда Қазақстан Республикасының ерекше мерекесі “16 желтоқсан – Тәуелсіздік” мерекесі бар.

“Ізденушілік кезең”

Балалар сендер білесіңдерме біз қай мемлекетте өмір сүреміз?

-Қазақстан

Балалар біздің тұңғыш президентіміз кім?

-Нұрсұлтан Әбішұлы Назарбаев

Балалар біздің мемлекеттік рәміздерімізді білесіңдерме? Маған атап беріңдерші?

-Ту,елтаңба,әнұран

Дұрыс айтасыңдар балалар біз 1991 жылы 16 желтоқсанда Тәуелсіздігімізді алып егемен ел атанған соң мемлекетіміздің алғашқы Президенті болып Нұрсұлтан Әбішұлы Назарбаев тағайындалды. Ал мемлекеттік рәміздері 1992 жылдың 4 маусымынан бастап бекітілген. Балалар мына бір дыбысты естіп тұрсыңдар ма? Бізге ерекше қонақтар келе жатқан секілді.

(Қонаққа рәміздер келеді)

Айнымайды аспаннан

Біздің тудың бояуы

Оны халық қашанда

Биікке іліп қояды. (Оспан)

Құт береке шаңырақ

Орын алған ол төрден

Қанатты қос арғымақ

Екі жақтан көмкерген. (Аяна)

Әнұраны елімнің

Шақырады бірлікке

Егеменді халқымының

Болашағы бірлікте. (Алим)

Тәрбиеші: Қош келдіңіздер, бүгінгі мерекемізге қонақ болып төрге шығыңыздар.

Балалар бізге мемлекеттік рәміздеріміз керемет тақпақтарын тарту етті ендігі кезекте бізде керемет жыр-тақпақтарымызды арнап айтып берелік.

Мерекеге шығады

Бүкіл халық, біліп қой

Отандастар ұғады

Тәуелсіздік-ұлық той. (Айжұлдыз)

Аралаймын алаңды

Тәуелсіздк күнімен

Батыр Қайрат ағамның

Суретіне үңілем. (Айкөркем)

Егеменді елдің біздер,

Ұланымыз жас қанат

   Апайларға сәлеміміз,

Құттықтаудан басталад (Нұрберген)

   Көк байрақ желбіре,

   Асқақтап аспанда

   Жас ұлан ел- бірге

   Сап түзе,  жасқанба  (Сабина)

Тәрбиеші: Жарайсыңдар балалар тақпақтарыңды керемет орындадыңдар. Балалар ендігі кезекте өздеріңмен бірге бой сергітіп, сергіту сәтін жасап алсақ.

Сергіту сәті: “Қара жорға” биі

Тәрбиеші: Жарайсыңдар балалар, сергіту сәтін керемет орындадыңдар. Ендігі кезекте өздеріңмен шығармашылық тапсырмалар орындап сендердің қабілеттеріңді шыңдасақ.

Тапсырма:

1 топ: “Теңін тап”

2 топ: “Сиқырлы күннің шуағы”

3 топ: “ Көңілді боямақ”