«Тәуелсіздік - тұғырым»

Тәуелсіздік – ең алдымен Қазақ халқының бостандыққа ұмтылған асқақ армандары мен қайсар рухының жемісі деп білемін. Сондықтан да біз үшін Тәуелсіздік кун - ең қастерлі, қасиетті күн. Еліміз тәуелсіздігін жариялап, дербес мемлекет ретінде әлемге танылды. Менің пайымдауымша мемлекетіміздің тәуелсіздігі - халқымыздың бақыты. Болашақ ұрпақтың атқарар қызметі – ата – бабаларымыз алып берген егемендікті нығайту, ұлттық қауіпсіздікті қамтамасыз ету. Сондықтан бүгінгі күні халқымыз өткеннен қалған тарихи өнегені,отансүйгіштікті, ұлтына деген махаббатты жоғалтпай, әрі қарай жастардың патриоттық сезіміне енгізуге ерекше көңіл бөлуі керек. Сонымен қатар саналы ұрпақ тәрбиелеп, ұлтжандылыққа шақыру. Еліміз бейбіт елде өмір сүруімен қатар көпұлтты мемлекет. Елімізде 130-дан астам ұлт өкілдері өмір сүріп келеді. Осының бәрі тәуелсіз ел, бейбіт ел және қонақжайлылығымыздың арқасы деп білемін.

Аз уақыт ішінде еліміз ұлан-ғайыр жетістіктерге жетті. Елбасымыздың арман, тілегі, жүзеге асып, адам таңқаларлықтай әсем де ару қала-Астана бой көтерді. Бұрынғы сайын далада орналасқан Ақмола (Целиноград) қаласы, қазіргі Астана адам танымастай өзгерді. Елбасымыздың халыққа арналған «Нұрлы Жол-болашаққа бастар жол» атты жолдауында, қажырлы еңбекті қажет ететін , келешегі кемел Нұрлы жолда бірлігімізді бекемдеп, аянбай тер төгуімізді , отанды сүю-бабалардан мирас болған ұлы мұраны қадірлеу, оны көздің қарашығындай сақтау, өз үлесіңді қосып, дамыту және кейінгі ұрпаққа аманат етіп, табыстау деген болатын.Жолдауда айтылған бағыттарды жүзеге асыру біздің баршамыздың міндетіміз. Тәуелсіздік бізге тек бақыт пен ырыс әкелсін !

Тәуелсіз еліміздің көк аспанымен астасқан байрағымыз биіктеп, желбірей берсін және мәңгілік болғай !