Тәуелсіздік жетістіктері

Тәуелсіздік - жетістіктері

Сабақтың мақсаты: 1. Қазақстан республикасы туралы оқушылардың алған білімін жинақтап, одан әрі танымдылығын арттыру.

2. Оқушылардың ойлау, сөйлеу дағдысын дамыту өз ойын мәдениетті түрде жеткізе білу.

3.Туған халқына, Отанына, оның тарихи тағдырына деген құрмет сезімін қалыптастыру.

Сабақтың көрнекілігі: интеракт. тақта, слайттар, балалар салған суреттер.

Сабақтың әдісі: топтастыру, сұрақ-жауап, ой додасы, түсіндіру

Сабақтың барысы: 1.Ұйымдастыру кезеңі.

А) Оқушылардың сабаққа дайындығын тексеріп, көңілдерін сабаққа аудару.

Ә) Психологиялық дайындық.

Кәне, сабағымызды бірі-бірімізге жақсылық тілеуден бастайық. Балалар, жүрек тұстарыңды ұстаңдар. Қолдарыңды кеуделеріңе қойыңдар. Қалай соғып тұрғанына құлақ түріңдер: дүрс-дүрс жүректеріңнің орнында мейірімді күннің бір бөлшегі тұр деп елестетіңдер. Оның жылы да жарқын сәулесі денелеріңе, қолдарың мен аяқтарыңа таралуда. Көптігі сондай, бойымызға сыятын емес. Келіңдер, аздап жылу мен жарықты бір-бірімізге сыйлайық. Ал күлімсіреу арқылы бір –бірімізге жақсылықты да тілейік.

Кіріспе сөз. Отан - адамның ата - бабаларынан бері қарай кіндік қаны тамып, өсіп - өніп келе жатқан жері. Сондықтан да қай елдің адамы болсын өз Отанын дүниедегі қымбатты, ең қасиеттісі, ең аяулысы – анасына балайды.

- Балалар, сендер «Отан», сөзін естігенде көз алдарыңа нені елестетесіңдер?

(Отан сөзін топтастыру)

- Ия отан дегеніміз-әр адамның туып – өскен жері, туған туыстарымен , жақындарымен бірге тұратын атамекені.

Отан – белгілі бір адам үшін оның өзінің елі ғасырлар бойы ғұмыр кешіп және солай болып қалуы үшін жанын пида қылып келе жатқан байтақ өңір, өлке ғана емес, оған шаңырағы,жер қосағы, дос -жаран, ағайын-туысы, солармен бірге жалғанған көретін қызығы мен бақытының шырағы, кейін ұрпақтарына рухы жар болып жататын топырағы.

Құс ұясыз адам Отансыз болмайды. Ал менің Отаным-сонау Каспийден Алтайға дейін созылып жатқан қасиетті өлке – Қазақстан. Қазақстан – тәуелсіз, азат ел. Сол тәуелсіздік жолында қазақ бабам не көрмеді десеңізші?! Еліміздің басынан азап та, аштық та, сұм соғыс та өтті. Әсіресе ХХ ғасыр қазақ халқы үшін ауыр, қайғыға толы кезеңдерімен есте қалады.

- Патриот болу үшін қандай жақсы қасиеттерді игеруіміз керек ?

( батыл, ержүрек, адал, шыншыл)

-Біз гүлденген Қазақстанға қандай үлес қосуымыз керек?

(Жақсы оқу, үлгілі тәртіп, үлкенді сыйлау, талмай іздену, талпыну)

Ең бастысы- біз Қазақстан деген ортақ үйімізде Әніміз де, сәніміз де жарасып, ынтымақ пен бірліктің нәтижесінде тату- тәтті өмір сүріп жатырмыз.

Т-

Ә-

У-

Е-

Л-

С-

І-

З-

Д-

І-

К-

Тәуелсіздік жолы оңай жол емес, бұл жолда сан мыңдаған адамның арманы мен тағдыры тәлкекке түсті. Біздің еліміз бүгінгі күнге сондай қиын-қыстау, даңқты жолдардан өтіп келіп отыр. Сондықтан да, тәуелсіздігіміздің мәні өзгеше, бағасы теңдессіз. Ендеше тәуелсіздігіміздің тұғыры әрқашан биік болсын.

Тәуелсіздік алуымызға бірден – бір себеп 1986 жылғы желтоқсан уақиғасы.

1986жылы 16-желтоқсанда таңертең, Алматыда жаппай  толқу  басталды. Жастар алаңға  жиналып, алаңда  «Біз  қазақ, ежелден  еркіндік аңсаған»,  «Тәуелсіздік керек»,-деген ұрандар  айтылды.

1-оқушы

Сол бір сәтте бұлт торлады аспанды,

Алатаудың көзінен де жас тамды.

Тәуелсіздік  желтоқсанмен бітпейді.

Тәуелсіздік күресі енді басталды.

2-оқушы

Қатыгездік жұдырығы  түйіліп,

Қамшы үйірді жасқап, жекіп  бұйырып,

Желтоқсанда  шықты үлкен  алаңға

Ата-баба аруағына  сыйынып.

3-оқушы. 

«Нашақор»-деп, «ұлтшыл»-деп,

Қазаққа күйе жаққан күн,

Базары кетіп, бір түнде

Қайғыға  халық батқан күн.

4-оқушы.

Намыс үшін күрессең  мазақтар кім?

Құлға айналу азабы азаптардың.

Қаны төгілді желтоқсан  алаңында,

Бодандыққа көнбеген қазақтардың.

5-оқушы

Озбырлық күшпен тұншығып,

Үміттің  оты ұшқан күн.

Жанына таппай бір шындық

Ер Қайрат қыршын  кеткен күн.

Мұғалім сөзі

-Дүниені дүр сілкіндірген  1986 желтоқсан оқиғасының  қаһармандары Ләззат Асанова, Ербол Сыпатаев, өзіміздің жерлесміз - Сабира Мұхамеджанова апайларымыз Шығыс Қазақстан облысы Тарбағатай ауданы, Ақмектеп ауылында туған. Және де Қайрат Рысқұлбеков сынды аға-әпкелеріміз елінің болашағы , бостандығы  егемендігі үшін күресті. Тәуелсіздік үшін жанын қиған ерлеріміз.

Жер болса, ел болады, ел болса ер болады. Ерлеріміздің арқасында «Қазақстан» егеменді ел болып, дүниежүзіне танылды. 120-дан аса ұлт өкілдері тұратын осынау қасиетті мекенде, асқақтаған өлкеде, кеңшілігі керемет дархан дастархандай далада, егіні теңіздей толқыған, төрт түлігі өрбіген, өндірісі өркендеген мекенде өмір сүруші әрбір адам өз Отанын жанындай сүйіп, оның көк байрағын көкке көтеруді мақтаныш тұтады.

6-оқушы

Алаңға шығып, ойын  айтты жастарым,

Қиындық пен қатерге  тігіп  бастарын.

Содан барып, тоңды еріді кеңестің

Содан кейін еркіндікті  бастадым,

7-оқушы:

Бас алаңда ел жосқан,

Жастар қаны жуған түн.

16 желтоқсан-

Тәуелсіздік туған күн

8-оқушы

Сол желтоқсан  оқиғасы қанша ызғарлы естілсе де, жанымызға нұр септі. Мәңгілік егемендікті алып келгеннің арқасында, дүние жүзіне танымал ел болдық.

Мұғалім сөзі: Қазақ елінде тәуелсіздік таңы атты. Қазақ елі егемен ел болды. Бұл күн талай-талай қилы заманды басынан кешіріп келген қазақ халқы үшін ақ жарылқаған күн еді. Тәуелсіздік-ең алдымен қазақ халқының бостандыққа ұмтылған асқақ армандары мен қайсар рухының жемісі. Сондықтан да біз үшін тәуелсіздік күші-ең қадірлі күш. Еліміз тәуелсіздігін жариялап, дербес мемлекет ретінде әлемге танылды.

Бүгін Қазақстан әлем назарында, өзінің болашағынан үлкен үміт күттіретін, жері, халқы бай ел. Осы жылдар ішінде елімізде қыруар істер атқарылды.

Жылдар сөйлейді: Тәуелсіздік алғанымызға биыл 26 жыл толып отыр.  Бүгінгі күнге дейін еліміздің жеткен жетістіктері қаншама? Әр жыл Қазақстанныі өркендеуі үшін қаншама ғимараттар, жаңа қала Астан тұрғызылды. Енді сол бір жылдарға кезек берейік .

1.      1991ж.  16-желтоқсанда  Қазақстан Республикасы өзінің тәуелсіздігін алды.

2.      1992ж. Қазақстан Біріккен  Ұлттар Ұйымына  мүше болып кірді.

3.      1993ж. 15-қарашада –Ұлттық  Валюта  теңгенің  енгізілуі.

4.      1995ж. 30-тамызда  Жаңа  конституция  қабылданды.

5.      1997ж. 10-қазанда «Қазақстан-2030». Ел Президентінің

Қазақстан  халқына  Жолдауынығ  жарыққа шығуы.

6.      1998ж. Халықтар тұтастығы  мен  ұлттық  тарих жылы.

7.      1999ж.  Ұлттық тұрғындар  санағы.

8.      2000ж. Мәдениет  жылы.

9.      2002ж. Денсаулық жылы.

10.2003ж. Ауылды дамыту жылы.

11.2004ж. Парламент  мәжілісінің  кезекті саййлауы.

12. 2005ж.  4-желтоқсанда  Бүкіл халықтық Қазақстан  Республикасының  Президентін сайлауы.

13. 2006ж. «Қазақ елі» монументінің  ашылуы.

14. 2007ж. Қазақстанның 2010жылға Еуропа Қауымдастығы мен  Ынтымақтастық  Ұйымына  төрағалық  етуі туралы шешім қабылданды.

15. 2008ж. Астананың 10 жылдық мерейтойы.

16.  2009ж.  25-ақпанда ҚР. Халықтық санақ жүргізілді.

17.  2011ж. Қаңтар –ақпан айларында  ҚР.  Халықаралық Азияда  ойындары өтті.

18.  2012ж. 1-желтоқсан  алғаш Президент күні болып  жарияланды.

19. 2013 жыл - «Нұр Отан» партиясының маңызды саяси оқиға деп бағалауға болатын жаңа саяси доктринасы қабылданды.

20. 2014 жыл - Астана күні қарсаңында елордада жаңадан салынған Ұлттық музей ашылды.

21. 2015 жыл - Қазақ мемлекеттілігінің 550 жылдығы атап өтілінді.

22. 2016 жыл -Қазақстан Республикасы Тәуелсіздігінің 25 жылдық мерейтойы атап өтілді.

23. 2017 жыл - Елорданың төрінде дүние жүзіне 160 жылдық тарихымен танымал болған халықаралық ЭКСПО көрмесі өтті.

Хормен  Қазақстан Туымен тұғырлы,

                  Елтаңбасы мен Еңселі.

Ойлан тап

1 минут ішінде қысқа – нұсқа «иә» немесе «жоқ» деп жауап беру.

1. Тәуелсіздік күні 16 желтоқсан ба?( иә)

2. Елтаңбаның авторы Нұрсұлтан Әбішұлы Назарбаев па?(жоқ)

3. Қазақстан Республикасының мемлекеттік туының авторы Шәкен Ниязбеков пе?(иә)

4. Тұңғыш Президент күні 4 желтоқсан ба? (жоқ)

5. Қайрат Ноғайбайұлы Рысқұлбековке "Халық Қаһарманы" атағы берілді ме? (иә)

6. Қазақстан Республикасының мемлекеттік елтаңбасында қыран бүркіт, күн, ұлттық ою - өрнек бейнеленген бе? (жоқ)

7. Қайрат Рысқұлбеков жазушы ма?( жоқ)

8. Лаззат Асанова, Сабира Мұхамеджанова, Ербол Сыпатаев желтоқсанның қарлығаштары ма?(иә)

12-оқушы

Бақтың құсы  әр адамға қонып бір,

О тәңірім бізді баққа жолықтыр.

Бүгін міне  тәуелсіздік ағайын,

Әр қазақтың  жүрегі боп соғып, тұр.

13-оқушы 

Желдей  еркін, түздей кең  қандай азат,

Мен  қазақпын деген де қандай ғажап.

Мақтан етсін  халықтар  халықтығын

Жетер сан жыл шеккені  азап.

14-оқушы

16-желтоқсан

Тәуелсіздік алған күн,

Ерекше боп мәңгілік

Ел жадында қалған күн.

Жасай берсін ұлы күн,

Үміті боп  елінің.

15-оқушы 

Жарқырап атар таңы бар,

Жарқылдап  айтар әні бар.

Әні бар, теңіз  дәні бар,

Айналдым сенен Отаным!

16-оқушы:

Жүрегі толы отпенен

Арманмен өсіп көктеген

Ертеңге нұрлы беттеген

Айналдым сенен Отаным!

17-оқушы

Қуанбес ем, күлмес ем,

Отан сені сүймесем

Сенің арқаң гүлденсем

Анам да сен, үй де сен!

18-оқушы

Елім бар да мен бақытты  ұланмын.

Елім сүйсе, сенімінен шығармын.

Елім менің көтермесе елдігін

Намысымның биігінен құлармын.

«Әлидің хаты»

- Әли сен  не жазып отырсың?

-Мен Нұрсұлтан Әбішұлы  Назарбаев атама  хат жазып отырмын.

-М-м-м. Бізге оқып бересің бе?

Құрметті Нұрсұлтан ата!