Тәуелсіздік нышандары, 5 сынып

Мұғалімнің аты-жөні:

Пән/сынып

Қазақ тілі мен әдебиеті, 5 сынып

Қай аптаның нешінші сабағы

3 тоқсан, 3 апта, № 15сабақ

Тарау немесе бөлім атауы:

8 тарау: Менің Тәуелсіз Қазақстаным

Сабақтың тақырыбы:

Тәуелсіздік нышандары

Оқу мақсаттары:

5.2.4.1.Шағын көлемді мәтіндердің мазмұнына жоспар құру;

5.1.2.1.Тыңдалған мәтіннің негізгі мазмұнын түсіну және нақты ақпаратты анықтау.

Сабақ мақсаттары:

• Тыңдалған мәтінді түсіну, нақты ақпаратты анықтау;

• Мәтін мазмұнына сәйкес жоспар құру

Бағалау критерийлері:

• Мәтіннің мазмұнын түсіну;

• Дұрыс ақпаратты анықтау;

• Мәтін мазмұнына сәйкес жоспар құру.

Саралап оқыту тапсырмалары

Ұжымдық жұмыс

(Жаңа тақырыптың түсіндірілуі)

Бірлескен жұмыс

Тапсырманы ұсыну және дұрыс жауапты ұсыну арқылы үйрету

Уақыты

Кезеңдері

Сабақтың мазмұны

Мұғалімнің зерттеуі мен бақылауы не?

Ресурстар

Ұйымдастыру

Сәлеметсіздер ме, құрметті оқушылар! Қазақ тілі мен әдебиеті сабағына қош келдіңіздер!

Бүгін біз сіздермен «Тәуелсіздік нышандары» сабағын әрі қарай жалғастырамыз.

Мәтінді оқыңыз.

Қазақстан Республикасының мемлекеттік рәміздері: Ту, Елтаңба, Әнұран. Олар Тәуелсіздігіміздің нышандары болып табылады.

Қазақстан Республикасының туында күн сәулесі бейнеленген. Жер жүзіне нұрын шашқан күн сәулесінің астында қияға қанат қаққан қыран салынған. Ол – тыныштық пен баянды өмірдің белгісі, ал ою – өрнек Тудың қай елдікі екенін білдіреді.

Елтаңбада көгілдір түстің үстіне шаңырақ бейнеленген. Одан жан-жаққа күн сәулесі тәрізді уықтар тарайды. Шаңырақ пен уықтар біздің Отанымызда тыныштықта жарасымды өмір сүріп жатқан халықтың достығын көрсетеді. Елтаңбаның бір бөлігінде ертедегі қанатты тұлпар бейнеленген. Елтаңбаның жоғары жағындағы бес бұрыш – бақытты өмірге жол сілтейтін жарық жұлдыздың белгісі. Төменгі жағында «Қазақстан» деген жазу Республиканың атын көрсетеді. Масақ - Отанымыздың байлығын білдіреді.

Әнұран – мемлекеттің салтанатты әні. Оның сөздерінде халықтың мыңдаған жылғы тарихы, бүгінгі өмірі мен келешек арманы айтылған. Әнұранды қолды жүректің тұсына қойып айтады. Бұл – өз мемлекетіңе деген құрметті көрсетеді.

1-тапсырма. Мәтінге ат қойыңыз және жоспар құрыңыз!

Дескриптор:

• Мәтінге ат қояды;

• Мәтін мазмұнына сәйкес жоспар құрады.

Мәтіннің аты:

Жоспар:

1.

2.

3.

Өз жауабыңызды дұрыс жауаппен салыстырыңыз!

Мәтіннің аты: Мемлекеттік рәміздер – Тәуелсіздік нышандары

Жоспар:

1. Көк Ту

2.Елдіктің белгісі - Елтаңба

3. Әнұран – мемлекеттің салтанатты әні.

2-тапсырма. Картаны толтырыңыз!

Дескриптор:

• Дұрыс ақпаратты бір бағанға жинақтайды;

• Қате ақпаратты бір бағанға жинақтайды.

Ақпарат:

Қазақстан Республикасының мемлекеттік рәміздері: Ту мен Елтаңба. Қазақстан Республикасының Туында шаңырақ бейнеленген. Ою – өрнек Тудың қай елдікі екендігін білдіреді. Елтаңбаның бір бөлігінде қанатты тұлпарлар бейнеленген. Масақ Отанымыздың атын білдіреді. Әнұранның сөздерінде халықтың мыңдаған жылғы тарихы, бүгінгі өмірі мен келешек арманы айтылған.

Өз жауабыңызды дұрыс жауаппен салыстырыңыз!

3-тапсырма. Сөйлемді толықтыр.

Дескриптор:

• Суретті сөзбен алмастырады.

• Сөйлемді дұрыс толықтырады.

Тудың ортасында орналасқан. Елтаңбаның екі жағында бейнеленген. - бақытты өмірге жол сілтейді. - біздің Отанымызда тыныштықта жарасымды өмір сүріп жатқан халықтың достығын көрсетеді.

- Тәуелсіздігіміздің нышандары.

Өз жауабыңызды дұрыс жауаппен салыстырыңыз!

Тудың ортасында Күн мен қыран орналасқан. Елтаңбаның екі жағында қанатты тұлпарлар бейнеленген. Жұлдыз - бақытты өмірге жол сілтейді. Щаңырақ - біздің Отанымызда тыныштықта жарасымды өмір сүріп жатқан халықтың достығын көрсетеді. Мемлекеттік рәміздер- Тәуелсіздігіміздің нышандары.

Бұгін біз:

• Мәтіннің мазмұнын түсіндік;

• Дұрыс ақпаратты анықтадық;

• Мәтін мазмұнына сәйкес жоспар құрдық.

Қосымша тапсырма:

«Мемлекеттік Рәміздер - Тәуелсіздік нышаны» тақырыбында эссе жазыңыз