Тәуелсіздік таңы

Тәуелсіздік таңы Авторы: Р.Е.Саматова

1.Жүрегімде тұтанса отты өлең ,

Заңғарлардан тас түлек боп түлегем.

Тарих бетін ақтарып тарам-тарам ,

Тәубе деуге бауырым жетті өрем.

2.Күнімді арай ,тудырған айымды асқақ,

Қаймана күн ,қазағым жерім байтақ.

Бабалар аңсап өткен азаттықты,

Қанымызға алғандай айырбастап. !

3.Биіктерге беттедік « аттан» салып,

Жау жығылды аяқтан жатқан шалып.

Кенесары ұрпағы ту көтерді,

Тәуелсіздік –дейтұғын жатты ән салып.

4.Жасқанбадық жұмылған жаттан басқа,

Жауап осы:аққан қан,аққан жасқа.

Тұғырында тұр әлі қазақ елі,

Енді неге марқайып шаттанбасқа.

5.Жүрегімнің өтіне сөз қақтамай,

Тамырыңды иітем қозғап қалай.

Еркіндіктің жолында еміреніп,

Қыршын кеткен тарландар,боздақтар -ай!

6.Беттесек те биікке кеш ілгері,

Естелікке көз жүгірт есіңдегі!

Азаттықтың жолында пида болған,

Ұмыт қалмас арыстар есімдері!

7.Жасампаздық жарысына шаппай құр,

Ұлт сенімін ұлағатты ақтайды ұл.

Көк бөрінің бөрібасар ұрпағы-

Тәуелсіз ел тыныштығын сақтай біл!

8.Қуат берсін қыранға ғажап ұшқан,

Жырақ қалып күндерім аза қысқан.

Бетке алып байрақты барысыңды,

Жаса мәңгі,Тәуелсіз Қазақстан!