Тәуелсіздік-тұғырым

Тәуелсіздік - тұғырым

Тәуелсіз –ол ешкімге бағынышты болмай,өзіңмен-өзің өмір сүру деп ойлаймын.Біздің еліміз осындай күнге де жетті.Бұндай күн ата-бабаларымыздың аңсаған арманы еді.Ұрпағымыз ешкімге тәуелді болмасын,елімізді,жерімізді қорғап қалсын деген үміттері оянды.Иә,дәл солай деп нық айта аламыз.Себебі біз тәуелсіз елде тұрып жатырмыз.

Өткен тарихымызға көз жүгіртсек,ел болып қалыптасуымызға мыңдаған жылдар кеткеніне көз жеткіземіз.Ата-бабамыз 150 жылдай шамасында жерімізгк көз тіккен жоңғарлармен қасық қаны қалғанша шайқасты емес пе?Осы тәуелсіздікке жету жолында қаншама қиын-қыстау күндерді халқымыз басынан кешірді.Қаншама жас қыршыннан қиылды.Ұрандап жауға қарсы қол бастаған Қабанбай,Наурызбай,Бөгенбай сияқты батырларымыз жауынгерлердің рухын көтеріп,өздерін халықтың адал ұрпағы екендіктерін көрсете білді.Әрине,біз ата-бабаларымыздың жүріп өткен жолдарын ешқашан ұмытпаймыз.Бүгінде еліміз тәуелсіз,еңсесі биік,рухы жоғары,басқа мемлекеттермен терезесі тең,керегесі кең ,егеменді мемлекет болып қалыптасты.

Сөзімді қорыта келе,мен осындай елде туып,өскеніме өзімді бақытты санаймын.Тәуелсіздіктің мен үшін және менің қатар құрбыларым үшін маңызы ерекше.Сондықтан да туған жер қандай ыстық көрінсе,сол елдің бейбітшілікте,ынтымақта,бірлікте өмір сүргені де біз үшін маңызды.Ата –бабаларымыздан дарыған өжеттік,қайсарлық,батылдық қасиеттерді бойға жинаған ұрпақ ретінде тәуелсіздігімізді нық ұстап,тұғырландыру біздің азаматтық борышымыз деп санаймын.