Ұйымдастырылған оқу қызметі (ҰІӘ)

Тақырыбы: “Тәуелсіздігім- тірегім”

Тобы: Кіші «Ботақан» тобы

Өткізетін: Кайпбаева Н.А

Мақсаты:

Балаларға Қазақстан туралы қарапайым түсінік беру. Ту, Елтаңба, Әнұран туралы алғашқы ақпарат қалыптастыру. Отанға деген сүйіспеншілік сезімін тәрбиелеу.

Сабақ барысы

Ұйымдастыру кезеңі

Тәрбиеші:

Сәлеметсіңдерме, балалар!

Біз Тәуелсіз Қазақстан Республикасының болашақ жарқын жұлдыздарымыз.

Бүгін 16 желтоқсан — еліміздің Тәуелсіздік мерекесі тойланатын күн!

Мереке баршамызға құтты болсын!

Кіріспе бөлім

Тәрбиеші:

Балалар, мен сендерге сұрақ қоямын, сендер жауап беріңдер!

— Балалар, біз қай елде тұрамыз?

Балалар: Қазақстанда!

— Дұрыс, бүгін біз Қазақстанның Тәуелсіздік күнімен танысамыз.

Тәуелсіз дегеніміз — өз жері мен халқы, туы мен елтаңбасы, әнұраны мен өз валютасы бар жеке дара ел.

Негізгі бөлім

1. Ту, Елтаңба, Әнұран суреттерімен таныстыру

• Ту: көк түсті, күн мен қыран бар. Көк түс – аспанның белгісі; күн – бейбітшілік; қыран – еркіндік; ою – ұлттық нақыш.

• Елтаңба: шаңырақ, жұлдыз, пырақтар бейнеленген. Бірлік пен тұтастықты білдіреді.

• Әнұран: еліміздің мемлекеттік әні.

Балаларға сұрақтар:

— Тудың түсі қандай?

— Қандай құсты көріп тұрсыңдар?

Сергіту сәті

Қыран құс:

Қолды кеңге жаямыз,

Қыран құстай боламыз.

Шығармашылық жұмыс — «Көк Туды құрастырайық»

Балаларға пазл суреттері беріледі: Ту, Елтаңба, Конституция кітабы, Бәйтерек.

Берілген бөліктерден толық сурет құрастырады.

Қорытынды

— Қазақстанды жақсы көреміз бе?

Балалар: Иә!

Жарайсыңдар, балалар. Сендер Қазақстанның болашағысыңдар! Сендерге деген сенімім мол,

елге деген сүйіспеншіліктерің мен махаббаттарыңды жоғалтпаңдар!

Белсене қатысқан әр балаға рақмет, келесі сабақтарда жолыққанша сау болыңдар!

«Әмина» жекеменшік балабақшасы

«Тәуелсіздігім - тірегім»

Әдіскер: Шонаева.Қ.Р.

Тәрбиеші: Кайпбаева.Н.А.

2025-2026ж