Тәуелсіздік күні сценарий балабақшада

Дайындағандар: «Балапан» тобының тәрбиешілері

Тақырыбы: «Тәуелсіздікке-26!»

Мақсаты: Балалардың Отан, КР Рәміздері, Елбасы, желтоқсан оқиғасы, Тәуелсіздік күні туралы түсініктерін молайту. Мәнерлеп тақпақ айту, патриоттык әндер арқылы еліне, отанына деген сүйіспеншіліктерін арттыру. Отанын, елін сүюге тәрбиелеу.

Еліміздің Тәуелсіздігіне орай өткізілетін мерекелік ертеңгілікке балалар залға колдарына ту, шар ұстап , саппен кіреді. Әнұранды орындайды.

Жүргізуші: Сәлеметсіздер ме,балалар, қонақтар, әріптестер! Бүгінгі 16-желтоқсан Тәуелсіздік күніне арналған балабақшамыздағы мерекелік ертеңгілігімізді бастаймыз.

Рәміздерім – елдігімнің белгісі,

Білу керек бала –дағы ең кіші.

Рәміздерім- ӘНҰРАН, КӨК ТУ, ЕЛТАҢБА,

Рәміздерді жатқа білген жөн кісі.

Жүргізуші: Балалар, біздің Отанымыз қалай аталады?

Балалар: Қазақстан.

Жүргізуші: Қазақстан қандай мемлекет?

Балалар: Қазақстан тәуелсіз, егеменді мемлекет.

Жүргізуші: Балалар, бүгін міне осы Тәуелсіздік мерекесі күні. Еліміздің президенті кім?

Балалар: Нұрсұлтан Әбішұлы Назарбаев.

Жүргізуші: Еліміздің елордасы қай қала?

Балалар: Астана.

Жүргізуші: Астана қандай қала?

Балалар: Астана-бас қала, әдемі, үлкен қала.

Жүргізуші: Дұрыс айтасыңдар, балалар. Отан туралы тақпақтарымызды айтайық.

Бақнұр: Отан- жерім, Отан- суым,

Отан қуат, нәр береді.

Отан- ұран, Отан- туым,

Отан мәңгі гүлденеді!

Қ.Іңкәр: Айнымайды аспаннан

Біздің тудың бояуы.

Оны халық қашанда

Биікке іліп қояды.

Нұржан: Отанды біз атамекен,

Деп аялап атаймыз.

Өйткені оны мекен еткен,

Бабамызбен атамыз.

Аяулым: Отанды әркім анасындай,

Қастерлейді бағалап.

Өйткені, отан баласыдай,

Бізді өсіреді аялап.

Камила: Отанды-жас кәрімізде,

Туған жер деп сүйеміз.

Өйткені, онда бәрімізде,

Туып өмір сүреміз.

Ө.Іңкәр: Отан деген-атамекен

Отан деген-туған жер

Отан-ана,

Отан-үлкен.

Қазақстан-туған ел!

Мадьяр, Айару:

16-желтоқсан

Тәуелсіздік алған күн.

Мерекеде ел қуанып,

Шаттанып ән салған күн.

Алдияр: Аялап ару ананы

Өсірген еркін баланы.

Бесігін бөлеп тербеткен,

Отаным Қазақстаным!

Жүргізуші: Біз бүгін тәуелсіздік алған күнімізді мерекелеудеміз. Біздің еліміз тәуелсіз болғандықтан өз мемлекеттік Әнұраны, Елтаңбасы және өзінің мемлекеттік туы бар. Балалар, мемлекеттік туымыздың түсі қандай екен?

Балалар: Туымыздың түсі – көк.

Жүргізуші: Иә, өте жақсы.

Ән: «Ел қорғауға әзірміз».

Біздің Қазақстан Республикасы өте бай мемлекет. Бізде алтын, темір, мырыш ,күміс, көмір, мақта, газ, мұнай, бидай, яғни бір сөзбен айтқанда Менделеев кестесіндегі 150 элементтің 99 элементі Қазақстан жерінде кездеседі. Қазақстанда 6000-нан астам пайдалы қазбалар бар. Балалар әр нәрсені, әр затты, тіпті керемет нәрселерді адамдар қолынан жасап шығарады.Мен сендерден сұрағым келіп тұр, рәміздеріміздің авторларын білесіңдер ме?

Әнұранның авторы кім?

Ш.Қалдаяқов, Ж.Нәжімеденов, Н.Ә. Назарбаев.

Тудың авторы кім?

Ш.Ниазбеков

Елтаңбаның авторы кім?

Ж.Мәлібеков, Ш.Уәлиханов.

1991 жылы 16 желтоқсанда Қазақстан Республикасы Тәуелсіз республикадеп жарияланды.

1992 жылы Тәуелсіз Қазақстанға бір жыл толды. Осы жылы Тәуелсіз Қазақстан Республикасының Туы, Елтаңбасы, Әнұраны қабылданды. БҰҰ мүше болып кірді.

1993 жылы 15 қарашада «Ұлттық валюта күні» деп аталып, алғашқы Қазақстан Республикасының теңгесі айналымға түсті. 2006 жылы 15 қарашада теңгеміз жаңа басылыммен қайта шықты.

1995 жылы 30тамызда ҚР –ның «Ата заңы» қабылданды.

Еліміздің ертеңі отаншыл бүлдіршіндеріміз аман – есен өсе берсін. Тәуелсіздігіміз тұғырынан таймасын!

Олай болса "қонақтар , «Әрқашан күн сөнбесін» әнін бірге тамашалайық

Ән: «Әрқашан күн сөнбесін»

Тәрбиеші: Ал құрметті қонақтар осындай әдемі тілектермен, әндерімізбен бүгінгі ертеңгілігімізді аяқтаймыз. Сіздерге тағыда мейрамдарыңыз құтты болсын. Аспанымыз ашық болып, Қазақстанымыз гүлдене берсін!

Сергіту сәті:

Ұзын мұртты құмырсқа,

Бара жатты жұмысқа,

Допты алып қолыма

Қойдым оның жолына.

Оң жағына қарады,

Сол жағына қарады,

Тау екен деп ойлады.

Ел қорғауға әзірміз

Аяздада тоңбаймыз,

Аптапқа да төземіз,

Түнде де жол барлаймыз,

Суда еркін жүземіз.

Бұл шақта, бұл шақта,

Кішкентаймыз қазір біз

Кішкентай болсақ та,

Ел қорғауға әзірміз!

Күн сөнбесін

Күн әдемі,көк әлемі,

Бұл суреті жас баланың.

Ақ қағазға салған өзі,

Жазылған бар сөзі.

Қ-сы:

Әрқашан күн сөнбесін,

Аспаннан бұлт төнбесін,

Қасымда болсын мамам,

Болайын мен де аман.

Пусть всегда будет солнце,

Пусть всегда будет небо

Пусть всегда будет мама

Пусть всегда буду я

Мей верэ ойс вэ саншайн

Мей верэ ойс вэ скайз

Мей верэ ойс вэ мами

Мей верэ ойс вэ ми