Тақырыбы:«Тәуелсіз елдің ұланымыз!»

Мақсаты: Балаларды Отанды сүюге, Қазақстан Республикасының рәміздерін қастерлеуге, туған жерге деген сүйіспеншілігін арттыруға тәрбиелеу. Боздақтарға тәу ету. Бүлдіршіндердің тілдік, сөздік қорын байыту.

Көрнекіліктер: ҚР Рәміздерінің суреттері, Елбасымыз Қасым Жомарт Кемелұлының суреті Желтоқсан оқиғасының құрбандары Л.Асанова мен Қ.Рысқұлбековтың суреттері.

Әдіс-тәсілдері: Түсіндіру, көрсету, сұрақ-жауап.

ҰОҚ барысы: Шеңберге тұрып «Шаттық шеңберін» ұйымдастыру.

Білер қазақ баласы

Сәлем сөздің анасы

Көп танысты көреміз

Алдымыздан кезіккен

Бәрінеде ізетпен

Иіліп сәлем береміз

Ұйымдастырушы қозғаушы қызмет түрі:

Бүгінгі ұйымдастырылған оқу қызметімізді Қазақстан Республикасының гимнмен бастайық.

ҚР Гимн орындалады.

Тәрбиеші: Балалар, біздің бүгінгі оқу қызметіміз ерекше. Балалар, алдымызда 16 желтоқсан Тәуелсіздік күні мерекесі жақындап келеді. Біз аспаны ашық, сәулелі,кең,байтақ елде тұрамыз. Ол ел –

Қазақстан

Біздің еліміз қалай аталады?

-Тәуелсіз Қазақстан Республикасы-Дұрыс, еліміз, Отанымыз, жеріміз Тәуелсіз Қазақстан Республикасы деп аталады екен. Біздің еліміз осы күнге дейін Қазақстан көптеген жетістіктерге жетті. Күні бүгінде Қазақстан Республикасын бүкіл әлем мойындады. Әр адамның өз Отаны, атажұрты, мекені, қонысы болады екен. Ал, біздің Отанымыз Қазақстан деп аталады екен.

Ал мен сендерге жұмбақ жасырайын,шешеміз бе?

Алтын күн аспаны

Алтын дән даласы

Айтатын Әнұран

Қай елдің баласы (Қазақ елінің баласы)

2.Еліміздің тірегі,

Жеріміздің жүрегі

Бас қаланың есімін,

Қане кім біледі? (Астана)

3.Қос пырағым қос қанат,

Шаңырағым күн менің

Шолпан жұлдыз маңдайда.

Елтаңбам ғой бұл менің (Қазақстан мемлекетінің Елтаңбасы)

4.Көк аспанның түсі бар

Ортасында күні бар.

Қыран ұшқан қалықтап ,

Кімнің туы біліп ал. (Қазақстан мемлекетінң Туы)

5.Туымыздан күн қарап

Күлімдейді әлемге

Күнмен бірге қандай құс.

Қанат қ

аққан бар елге (Қыран)

Есімізге түсірейікші Туымыздың түсі қандай? Мына суретте не бейнеленген.

Балалар: Ту. Көк.

Көк ашық аспанды білдіреді. Қыран құс-еліміздің тыныштығы мен тәуелсіздігінің белгісі. Ою-өрнек қазақ халқының өнерінің, шеберлігінің белгісі. Балалар ал мынау не?

Балалар: Елтаңба.

Тәрбиеші: Дұрыс айтасыңдар.

Бұл Қазақстан Республикасының Елтаңбасы.

Шаңырақ-Қазақстан атты үйіміздің жарық түсетін саңлағы. Арғымақ- еркіндіктің белгісі. Масақ- тоқшылықтың белгісі. Жұлдыз-жол сілтеуші жарық белгі.Тәрбиеші:

Балалар Тәуелсіздікке арналған тақпақтарымызды айтайықшы.

Айсұлтан

Тәуелсіздік елдеміз,

Қуанамыз күнде біз.

Ата-бабам қалдырған,

Қазақтың батырымыз сенсеңіз!

Амина

Тәуелсіздік елдеміз

Мәңгі жасар жеріміз

Тәуелсіздік жасаған

Аға, әпкелеріміз.

Ұларбек

Он алтыншы желтоқсан

Тәуелсіздік алған күн!

Ерекше болып мәңгілік,

Ел жадында қалған күн.

Тәрбиеші: Жарайсыңдар балалар

Мен казір сендерге Желтоқсан оқиғасы туралы қысқаша айтып беремін.

1986 жылы Желтоқсан оқиғасында Ербол Сыпатаев, Қайрат Рысқұлбеков, Ләззат Асанова, Сабира Мұғаметжанова тағы басқа жап-жас аға-апаларымыз құрбан болды. Содан бері 25 жыл өтсе де бұл азаматтарды ұмытпай әр жыл сайын басымызды иіп, еске аламыз.

Өздері өмірлерін қисада,арттарында өшпеш іздері қалды. Олардың арман тілегі орындалды. Қазір біздің еліміз тыныш, жақсы өмір сүріп жатырмыз

Өз туынды тап ойыны

Тәрбиеші: Сонымен балалар біздер бүгінгі оқу қызметінің Желтоқсан оқиғасы туралы, Қазақстан Республикасының рәміздерімен таныстық. Бүгінгі іс қызметіміз қызықты өтті барлықтарыңа мың алғыс,жарайсыңдар.