Тазалықты сүйемін

Ақтөбе облысы

Алға ауданы

Бестамақ "Болашақ "балалар бақшасының музыка жетекшісі

Наурзалиева Айгуль Алихановна

Тобы: Балдырған ортаңғы тобы

Білім беру саласы: Шығармашылық Бөлімі: Музыка Тақырыбы Тазалықты сүйеміз . Мақсаты: Музыкалық шығарманы сұрақ-жауап сипатында көңілді орындауға

үйрету,төменгі және жоғарғы дыбыстарды ажырата білу,ырғақты қимыл қозғалыс

дағдыларын қалыптастыру.Музыка арқылы балаларды тазалыққа тәрбиелеу.

Балалардың денсаулығына көңіл бөлу . Дидактикалық жаттығу арқылы балалардың

артикуляциялық аппараттарын ,саусақ маторикаларын дамыту. Музыкалық терминдер жиынтығы: Жоғары-төмен дыбыстар,гамма до мажор Музыкалық репертуар: «Бұл не?»әні, "Тазалықтың досы" әні, Музыка Л.Делиба Пиццикато ,Е.Өтетілеуұлы "Тазалық" өлеңі,

Көрнекілік: Қолжуғыш суреті ,сабын,тарақ,айна.. Билингвалдық компонент: Кірқоймас-Мойдодыр,сабын-мыло

Балалар әуенмен залға келеді.

Муз.жетекшісі : Сәлеметсіңдер ме?Біз музыкамен амандасып алайық.

Музыка Л.Делиба Пиццикато .

-Балалар,мен сіздерге бір өлең жолдарын оқып бергім келіп тұр.

Е.Өтетілеуұлы:Дос бол сабын,сумен сен,

Жиі-жиі жуын сен:

Таңертең де,кеште де,

Жуын күндіз ,түсте де,

Жуын тамақ алдында.

Жуын тамақ соңында,

Жуын ұйықтар кезінде

Жуын тұрған мезгілде.

Су мен сабын -бір жолдас,

Жоймас олар кір болмас!

-Балалар бұл өлең шумақтары не туралы айтқан?Дұрыс тазалық туралы бүгін денсаулық туралы айтамыз. /Сурет көрсету./ Ендеше, қол -аяғымызды қыздырып ырғақты жаттығулар жасап алайық.

Аюға ұқсап аяқтың сырт жағымен маймаңдап , түлкіге ұқсап аяқтың ұшымен, қоянға ұқсап екі аяқпен секіріп жүрейік.

Айболиттің кіруі:-Мен Айболит дәрігермін

Ауырсаңдар жануарлармен қоса балаларды да емдеймін Муз.жетекшісі:Жоқ,жоқ,біздер ауырмаймыз, ауырмаудың жолын іздейміз.Кәне,Айболит көріңіз,балалар қалай естиді екенін.

Тыңдау: -Балалар біздер жоғары-төмен дыбыстарды білеміз, қазір әуендерді тыңдап қолдарыңдағы үлестірмелі карточкаларды көрсетесіңіз.Естіген әуен аюға келе ме,әлде құстың дауысына келе ме? Балалар қолдарына үлестірмелі карточкалар алып,естігендері бойынша тауып көрсетеді.

-Құлағымызды тексердік,енді ән айтуға дайындалайық.

Дидактикалық жаттығу "Жел"

Балаларға жіппен байланған қар беріледі.Бала жіптен ұстап тұрып үрлеуі керек.үш рет қайталайық.

Дауыс жаттығуы: Музыкамен жеті нотаны атай қолмен көрсету.

Теледидардан "Гамма до мажор"

-Балалар мен сіздерге жұмбақ-ән айтып бергім келіп тұр,сіздер де маған әндетіп жауап берулеріңіз керек.

Ән айту:"Тазалықтың досы"әнін үйрену.

Музыкалық-ырғақты би: "Достасу"

Дидактикалық ойын: "Серуен "

Керекті құралдар: Барлық балаға музыкалық балға,бубен,сылдырмақ,таяқша,

Ойын барысы:Балалар жарты шеңбер болып отырады. Т: "Балалар ,бүгін біздер серуенге

шығамыз,бірақ бұл ерекше серуен,топтағы серуен.Ал,сеуенге шығу үшін бізге музыкалық аспаптар көмектеседі.Міне біздер баспалдақтан түсіп келеміз/ жетекші жәймен ұра бастайды.

Ал, енді көшеге шықтық,күн шығып тұр ,балалар

көңілденіп былай жүгіре жөнелді /балғамен тезірек ұра бастайды. Ал,Үмітжан допты алып жәймен жерге ұра бастады. Ал,басқа балалар

секіріп ойнап жүр. Бір кезде аспанды бұлт күннің бетін жауып жәймен жаңбыр жауа бастады, бара- бара қатты жауынға айналды . Балалар жауыннан қорқып тез-тез балабақшаға кіріп кетті.

Ойын: «Мен сияқты қайтала»

Шарты: Ойынға бар бала қатыса алады.Балалар шеңбер бойына тұрады,жетекші ортада музыка әуенімен қимылдар көрсетеді.Музыка өзгереді де жетекші ортаға баланы шығарады.

Релаксация.Жіппен көрсететін қуыршақ.

-Балалар сіздерге бүгінгі әрекетіміз ұнады ма?Ұнаса қолымызды шапалақтайық.

Сіздердің дендеріңіз сау болуы үшін Айболит дәрумен береді.

Іс-әрекетті қорытып,бағалау.

Күтілетін нәтиже: Біледі: төменгі және жоғарғы дыбыстарды ажырата біледі.

Игереді: Дидактикалық жаттығу арқылы балалардың артикуляциялық аппараттарын ,

саусақ маторикаларын игереді.

Меңгереді: Музыкалық шығарманы сұрақ-жауап сипатында көңілді орындауды ойынды ,биді меңгереді.