Телефон ойыны

«Телефон»

ойын

Қатысушылар бірнеше топқа бөлінеді. Ұйымдастырушы неше топ болса, сонша жаңылтпаш немесе ұзақ сөйлем (мысалы, хабарландыру) дайындап әкелуі керек. Ойыншылар бірінің артына бірі қатарға тізіліп тұрады. Бірінші тұрған адамға жаңылтпаштарды немесе ұзақ сөйлемді (мысалы, хабарландыруды) сыбырлап айтасыз. Барлығы толық естіген соң, топтар ойынды бірге бастайды. Әп дегеннен жылдамдатып артында тұрған адамға жаңылтпашты немесе ұзақ сөйлемді (мысалы, хабарландыруды) сыбырлап айтып жеткізуі керек. Қай топ бірінші аяқтап және қатесіз айтса, сол топ жеңімпаз атанады. Жаңылтпаш немесе ұзақ сөйлем (мысалы, хабарландыру) қатардың соңына дейін жеткенше, сан құбылып, бастапқы қалпынан мүлде өзге сөздер шығады.

Түйін: жаңылтпаш (хабарландыру) сияқты кез келген жаңалықты әркім әрқалай естиді, әркім өз шамасынша түсінеді, әртүрлі қабылдайды, басқа адамға естігенінен басқаша жеткізеді, мұны қате екенін өзі де білмеуі мүмкін. Сондықтан естіген сөзіміздің барлығын шын деп қабылдауға болмайды. 

Мысалы: жаңылтпаш.

Көк көбелек, көк көбелек,

Көздері дөп-дөңгелек.

Гүл көрсе күлімдейді,

Қолға ілінбейді.

Көк шөптің арасынан,

Түр-түсі көрінбейді.

Хабарландыру

2018 жылғы 28 қыркүйекте сағат 10.00-16.00 аралығында Қызылорда облысының әкімі Қанат Көшербайұлының қатысуымен «Жолаушылар тасымалы және жергілікті автомобиль жолдарының сапасы» тақырыбында интернет-конференция өтетінін хабарлайды.

Хабарландыру

«Денсаулық фестивалі – 2018» акциясы аясында облыстық «Ақмешіт жастары» газетінің 5 жылдығына орай облыстық Денешынықтыру және спорт басқармасымен бірлесіп қала жастарын мұз айдынынына жексенбі 25 қараша күні сағат 09-00 мен 13-00 аралығында тегін коньки тебуге шақырады.

Педагог-психолог Смағұлова Ж.Б.