Телекөпір сценарийі

«Жарқырайды болашақтың таңындай, Ыбырайдың жаққан білім шырағы» тақырыбындағы Қостанай облысындағы Ыбырай Алтынсарин атындағы мектептердің қатысуымен ұйымдастырылатын телекөпір сценарийі

Сценарийді әзірлеген және модератор Серикбаева Асем Кыстаубаевна

Ұйымдастырушы: Қостанай облысы әкімдігі білім басқармасының «Жанкелдин ауданының білім бөлімі мемлекеттік мекемесінің Ыбырай Алтынсарин атындағы жалпы білім беретін мектебі» КММ-сі

Қатысатындар:

1. Қостанай облысы әкімдігі білім басқармасының «Ыбырай Алтынсарин атындағы мамандандырылған мектеп-гимназия интернаты» КММ-сі

2. Қостанай облысы әкімдігі білім басқармасының «Арқалық қаласы білім бөлімнің Ыбырай Алтынсарин атындағы гимназия» КММ-сі

3. Қостанай облысы әкімдігі білім басқармасының «Аманкелді ауданының білім бөлімі мемлекеттік мекемесінің Ыбырай Алтынсарин атындағы жалпы білім беретін мектебі» КММ-сі

4. Қостанай облысы әкімдігі білім басқармасының «Жанкелдин ауданының білім бөлімі мемлекеттік мекемесінің Ыбырай Алтынсарин атындағы жалпы білім беретін мектебі» КММ-сі

Модератор сөзі:

Сәлеметсіздер ме, құрметті әріптестер! 2024 жылғы 8-қаңтарда, кеше Торғайдағы «Ыбырай Алтынсарин атындағы жалпы білім беретін мектебі» КММ-сінің ашылғанына 160 жыл толды.

«Ыбырай Алтынсарин атындағы жалпы білім беретін мектебі» - тарихы терең білім ордасы. Мектеп аудан, облыс көлемінде ғана емес, Қазақстандағы алғашқы қазақ мектептерінің бірі, оның сыртында, ұлы ағартушы Ыбырай Алтынсарин өз қолымен кірпішін қалаған алғашқы қазақ мектебі.

Бір жарым ғасырдан артық тарихы бар мектептен 160 жыл ішінде мыңдаған түлек қанат қаққан. Қазақтың айтулы тұлғалары Ахмет Байтұрсынов, Міржақып Дулатов, Нәзипа Құлжанова, атақты Бірімжановтар білім алған мектепте білім алу – әр түлек үшін зор мақтаныш!

Ыбырай мектебін аяқтаған мектеп түлектерінің әрқайсысы өмірден өз жолын тапқан. Ойы зерек, талабы ерек бұл түлектер арасында бүгінде түрлі мамандықтың иесі де, қарапайым адамгершілік пен кісіліктің иесі де табылады.

Мектептің іргетасы қаланғанына 160 жыл толуына арналған іс-шаралар легінде «Жарқырайды болашақтың таңындай, Ыбырайдың жаққан білім шырағы» тақырыбында телекөпір ұйымдастыруды жөн көрдік.

Қостанай облысындағы Ыбырай Алтынсарин атындағы білім ордалары! Бүгінгі телекөпірге қош келдіңіздер!

Мектеп – ұлт рухын тәрбиелеп тұрған ұлы бесік. Отбасы мен мектептен алған тәрбие мен тағылым әр адамның өміріне берілген ең алғашқы жолдама іспеттес. Осы орайда өлкеміздегі Ыбырай мектептерінің тарихы туралы не білеміз деген сұрақ ойға оралатыны анық. Бүгінгі телекөпірдің мақсаты да облысымыздағы Ыбырай Алтынсарин атындағы білім ордаларының тарихын жас ұрпақтың санасына сіңіру, Ыбырай Алтынсариннің мектеп ашу ісін үлгі ету.

Алғашқы байланыста Қостанай облысы әкімдігі білім басқармасының «Жангелдин ауданының білім бөлімі мемлекеттік мекемесінің Ыбырай Алтынсарин атындағы жалпы білім беретін мектебі» КММ-сі. (5-7 минут).

Мектеп оқушыларының мерейтойға арнаған жыр шашуын қабыл алыңыздар.

Бірінші оқушы:

Білімсіз ел мәңгі бодан болмай ма,

Болашаққа жетелейтін жол қайда?

Деген оймен алғаш рет Ыбырай

Мектеп ашқан біздің өлке Торғайда.

Білім дәнін сепкен ұлы далаға,

Бас иеміз Ыбырайдай данаға.

Оның жолы емес мәңгі ескірмек,

Қанша ғасыр өтсін мейлі арада.

Екінші оқушы:

Білім болсын өсер елдің құмары,

Білім болсын өсер елдің ұраны,

Жарқырайды болашақтың таңындай,

Ыбырайдың жаққан білім шырағы.

Ыбырайды ұлы ұстаз деседі,

Ұстаздармен елдің ойы өседі.

Ыбырайдың шәкірттері емес пе?

Барша Алаштың көсемдері кешегі!

Үшінші оқушы:

Жеткіншектің ұштап білім-талабын,

Жаршысы боп елге жеткен жаңаның,

Алғаш рет қаққан Ыбырай емес пе?

Қоңырауын мынау ұлы даланың!

Атар әлі алда қанша таң күліп,

Ұстаз жолын жалғастыру заңдылық!

Алғаш рет сыңғырлаған Торғайда

Қоңыраудың үні өшпес мәңгілік!

Модератор сөзі: Мерейлі мерекеге орай құттықтау сөз Торғайдағы «Ыбырай Алтынсарин атындағы жалпы білім беретін» мектеп басшысы Айгүл Марқабайқызына беріледі.

Модератор сөзі: Қазақ мектептерінің қара шаңырағы іспетті Торғайдағы Ыбырай мектебіне рахмет айтамыз.

Модератор сөзі: Торғайдағы Ыбырай ашқан қазақ мектебінің тарихы туралы алғашқы сөз Қостанай облысы әкімдігі мәдениет басқармасының "Торғайдың Жангелдин мұражайлар кешені" коммуналдық мемлекеттік мекемесінің басшысы, Ыбырай мектебінің түлегі Гүлбану Құлетқызына беріледі.

Модератор сөзі: к"Байланысқа Қостанай облысы әкімдігі білім басқармасының «Ыбырай Алтынсарин атындағы мамандандырылған мектеп-гимназия интернаты» КММ-сін шақырамыз. (5-7) минут

Модератор сөзі: Рахмет, Гүлмира Қарасаевна! Сізге және «Ыбырай Алтынсарин атындағы мамандандырылған мектеп-гимназия интернаты» ұжымына алғыс айтамыз.

Модератор сөзі: Байланысқа Қостанай облысы әкімдігі білім басқармасының «Арқалық қаласы білім бөлімнің Ыбырай Алтынсарин атындағы гимназия» КММ-сін шақырамыз. (5-7 минут)

Модератор сөзі: Үлкен рахмет, Ерсин Сериковна! Жалпы «Арқалық қаласы білім бөлімнің Ыбырай Алтынсарин атындағы гимназия» КММ-сінің ұжымына үлкен алғыс білдіреміз.

Модератор сөзі: Байланысқа Қостанай облысы әкімдігі білім басқармасының «Аманкелді ауданының білім бөлімі мемлекеттік мекемесінің Ыбырай Алтынсарин атындағы жалпы білім беретін мектебі» КММ-сін шақырамыз. (5-7 минут)

Модератор сөзі: Рахмет, Айгерім Ғабдоллақызы! Жалпы, «Аманкелді ауданының білім бөлімі мемлекеттік мекемесінің Ыбырай Алтынсарин атындағы жалпы білім беретін мектебі» КММ-сіне алғыс айтамыз.

Модератор сөзі: «Мұражай – тарих айнасы». Торғай орталғында Ыбырай Алтынсарин атындағы мұражай жұмыс жасайды. Және осы мұражай Ыбырай Алтынсарин өз қолымен кірпішін қалаған тарихи мектептің орнында ашылған. Олай болса, телекөпірге қатысушылар, Ыбырай мұражайына бірге экскурсия жасайық. Байланысқа Ыбырай Алтынсарин мұражайын шақырамыз.

Модератор сөзі: Рахмет, Альбина Дулатқызы! Мұражай ұжымына үлкен алғыс айтамыз!

Модератор сөзі:Барша қазақ баласын оқу-білімге шақырған ұлы ағартушы Ыбырай Алтынсариннің атындағы мектепте білім алу, сол мектепте Ыбырай ісін жалғастыру – әр адам үшін зор мақтаныш. Ыбырай Алтынсарин - көштен қалып бара жатқан қазақ елінің жастарын қатарға қосамын деп бүкіл ғұмырын сарп етіп, тыңнан түрен салып, көпке үлгі болды. Ел болашағы жастарға тәлім-тәрбие беру арқылы тұтас ұлтты тәрбиелеуге болатынын, тек солай ғана жарқын болашаққа қадам басарымызға сенім білдіріп, болашаққа үлкен үміт артты. Ыбырай ашқан мектептер білімге сусаған жастарға рухани нәр беріп, бойына қуат, жанына шуақ құйды.

Қаламымен де, қайратымен де халқына қалтқысыз қызмет еткен тұлғаны зерттеп-зерделеу бүгінгі әрбір ұрпақтың қасиетті парызы. Бүгінгі телекөпірге қатысқан барша ұстаздарға, оқушыларға үлкен алғыс білдіреміз.

Әлі де талай игілікті істе бірге болайық! Жарқын жетістіктерге бірге жетейік!

Тарихи сәтпен есігімізден енген жаңа жылдан бұрынғы жетістіктерді молайтуды, береке мен бірліктің, татулық пен тұрақтылықтың өркен жаяр сәттерінің көп болуын тілейік! Бүгінгі телекөпір соңында «Ыбырай шәкірттерінің маршын бірге шырқайық!

Ыбырай шәкірттерінің маршы.

Ыбырайдың тұңғыш жаққан шырағы

Торғай төсін жарық қылып тұр әлі.

Бүгінгі күн, бүгінгі өмір, жарқын жол

Ұрпағына беріп кеткен жыр әні!

Аса бер, тек аса бер!

Жасжүректетудыарман,

Жаса білім, жас өрен!

Үлесіңді ал, жылдардан!

Олжанына ізгілікті жиыпты,

Ол аңсапты қиын жолды, биікті.

Сусындаған бұлағынансарқылмас

Ыбырайдың шәкіртіміз, сүйікті!

Аса бер, тек аса бер!

Жас жүректе туды арман,

Жаса білім, жас өрен!

Үлесіңді ал, жылдардан!